23-Dec-2024

ବିଶ୍ୱାତ୍ମ ବିଦ୍ୟା ମନ୍ଦିର, ବଲାଙ୍ଗୀରର ୨୬ତମ ବିଦ୍ୟାଳୟ ସ୍ତରୀୟ ଏବଂ ଆନ୍ତଃବିଦ୍ୟାଳୟସ୍ତରୀୟ ବାର୍ଷିକ କ୍ରୀଡ଼ା ଉତ୍ସଵ ଗତ ୨୧ ରୁ ୨୩ ଡିସେମ୍ବର ତିନିଦିନ ଧରି ହର୍ଷୋଲ୍ଲାସପୂର୍ବକ ଅନୁଷ୍ଠିତ ହୋଇଯାଇଛି । ଏହି ଅବସରରେ ବିଦ୍ୟାମନ୍ଦିରର ପ୍ରତିଷ୍ଠାତା ପୂଜ୍ୟ ସ୍ୱାମୀ ଶ୍ରୀ ସତ୍ୟପ୍ରଜ୍ଞାନନ୍ଦ ସରସ୍ୱତୀଜୀ ମହାରାଜଙ୍କ ଦିବ୍ୟ ଉପସ୍ଥିତିରେ ଦୀପ ପ୍ରଜ୍ଜ୍ୱଳନପୂର୍ବକ କାର୍ଯ୍ୟକ୍ରମ ପ୍ରାରମ୍ଭ ହୋଇଥିଲା। ଉଦ୍ଘାଟନୀ ଉତ୍ସଵ ଉପଲକ୍ଷେ

ବିଦ୍ୟାମନ୍ଦିରର ଛାତ୍ର-ଛାତ୍ରୀମାନଙ୍କ ଦ୍ୱାରା ସମଲେଶ୍ୱରୀ ମନ୍ଦିର ଠାରୁ ବିଶ୍ୱାତ୍ମ ବିଦ୍ୟାମନ୍ଦିର, ଖୁଜେନପାଲି ପର୍ଯ୍ୟନ୍ତ ମଶାଲ ଶୋଭାଯାତ୍ରା ଏବଂ ମାରାଥନ ଦୌଡ ସମସ୍ତଙ୍କୁ ଆକୃଷ୍ଟ କରିଥିଲା । ଏହି ଅବସରରେ ବିଦ୍ୟାମନ୍ଦିରର ପ୍ରତିଷ୍ଠାତା ପୂଜ୍ୟପାଦ ଶ୍ରୀ ସ୍ୱାମୀଜୀ ମହାରାଜ ଛାତ୍ର-ଛାତ୍ରୀମାନଙ୍କ ଶାରୀରିକ, ମାନସିକ ତଥା ବୌଦ୍ଧିକ ବିକାଶ ପାଇଁ କ୍ରୀଡ଼ା ଅତିବ ମହତ୍ତ୍ୱପୂର୍ଣ୍ଣ ବୋଲି କହିଥିଲେ । ଏହି କାର୍ଯ୍ୟକ୍ରମରେ ବିଦ୍ୟାଳୟ ତଥା ଆନ୍ତଃବିଦ୍ୟାଳୟସ୍ତରୀୟ କ୍ରୀଡ଼ା ପ୍ରତିଯୋଗୀତା ବାଳକ ବିଭାଗରେ ସଙ୍କେତ ରାଜପୁତ ଗ୍ରୁପ ଚ୍ୟାମ୍ପିୟାନ ହୋଇଥିବା ବେଳେ ବାଳିକା ବିଭାଗରେ କୁସୁମ ନେଗି ଗ୍ରୁପ୍ ଚ୍ୟାମ୍ପିୟାନ ହୋଇଥିଲେ । ଉଦଯାପନୀ ସମାରୋହରେ ବିଶ୍ୱାତ୍ମ ଚେତନା ପରିଷଦର ସାଧାରଣ ସଂପାଦକ ତଥା ବିଦ୍ୟାମନ୍ଦିରର ଚେୟାରମ୍ୟାନସ୍ୱାମୀ ସତ୍ୟବେଦାନନ୍ଦ ସରସ୍ୱତୀଜୀ, ବଲାଙ୍ଗୀର ଜିଲ୍ଲା ଆଇ.ପି.ଇ ଶ୍ରୀ ପ୍ରଦୀପ କୁମାର ପାତ୍ର, ବିଦ୍ୟା ମନ୍ଦିର, ସମ୍ପାଦକ ନବୀନ କୁମାର ବେଦବାକ୍, ବିଦ୍ୟା ମନ୍ଦିର, ଡୁଙ୍ଗୁରିପାଲି ସମ୍ପାଦକ ସୁଦାମ ଡନସେନା,  ନିର୍ଦେଶିକା ମାଁ

ଶ୍ରଦ୍ଧାମୂର୍ତ୍ତି, ପ୍ରଧାନ ଆଚାର୍ଯ୍ୟ ତରୁଣ କୁମାର ତ୍ରିପାଠୀ, ମୁଖ୍ୟ ଆଚାର୍ଯ୍ୟ କଳାକାହ୍ନୁ ସାହୁ ପ୍ରମୁଖ ଉପସ୍ଥିତ ହୋଇ ଛାତ୍ର-ଛାତ୍ରୀମାନଙ୍କୁ ଉତ୍ସାହିତ କରିଥିଲେ । 

              ସମସ୍ତ କାର୍ଯ୍ୟକ୍ରମକୁ ବିଦ୍ୟାଳୟର ସଂଯୋଜକ ସମ୍ବିତ୍ କୁମାର ସଂଯୋଜନା କରିଥିଲେ । ଏହି କାର୍ଯ୍ୟକ୍ରମରେ ବିଶିଷ୍ଟ କ୍ରୀଡ଼ାବିତ୍ ଶ୍ରୀ ଭୁପିନ୍ଦର ସିଂ,  ସଂଗ୍ରାମ ବହିଦାର, ବରିଷ୍ଠ ଖେଳ ଶିକ୍ଷକ ରାମନାରାୟଣ ଯୋଶୀ,  ମନୋରଞ୍ଜନ ହୋତା, ଶ୍ରୀମତି ପ୍ରଣତି ପାଣିଗ୍ରାହି, ବିଦ୍ୟାମନ୍ଦିରର ଖେଳ ଶିକ୍ଷକ ବିମଳ ସ୍ୱାଇଁ ଏବଂ ଶ୍ରୀ ଅଭିଜିତ ମିଶ୍ର ପ୍ରମୁଖ କ୍ରୀଡ଼ା ପରିଚାଳନା କରିଥିଲେ ।