22-Dec-2024

ସୋନପୁର (ମନୋରଞ୍ଜନ ତ୍ରିପାଠୀ ) ସୋନପୁର ନିକଟସ୍ଥ ଶରଧାପାଲିରେ ଥିବା ସେଣ୍ଟ୍ ଜାଭିୟର୍ ଇଣ୍ଟରନ୍ୟାସନାଲ୍ ସ୍କୁଲର ୧୫  ତମ ବାର୍ଷିକ ଉତ୍ସବ ‘ସି-ଫେଷ୍ଟୋ'୨୦୨୪ ମହା ସମାରୋହରେ ପାଳିତ ହୋଇ ଯାଇଛି lଏହି ଅବସରରେ ସମ୍ବଲପୁର ବିଶ୍ଵବିଦ୍ୟାଳୟର ଜୀବ ବିଜ୍ଞାନ ବିଭାଗ ମୁଖ୍ୟ ପ୍ରଫେସର  ଡ.ଅମିୟ ପଟେଲ  ମୁଖ୍ୟ ଅତିଥି, "ଓ ଟିଭି" ପଶ୍ଚିମ ଓଡ଼ିଶା ବ୍ୟୁରୋ ହେଡ୍  ମନୋରଞ୍ଜନ ଯୋଶୀ ମୁଖ୍ୟ ବକ୍ତା ଭାବେ ଯୋଗ ଦେଇ କେବଳ ସଫଳ  ମଣିଷ ହେବାକୁ ଚେଷ୍ଟା ନ କରି ଜଣେ ଜଣେ ଭଲ ମଣିଷ ହେବାକୁ  ଏବଂ ସବୁ କ୍ଷେତ୍ର ରେ ଶ୍ରେଷ୍ଠତା ପ୍ରତିପାଦନ କରିବାକୁ ଛାତ୍ର ଛାତ୍ରୀ ଓ ଅଭିଭାବକ ଙ୍କୁ ପରାମର୍ଶ କରିଥିଲେ l ଓ କେବଳ ମାଛ ର ଆଖି କୁ ଲକ୍ଷ୍ୟ ରଖିଲା ଭଳି ଜୀଵନ ର ସଠିକ୍ ଲକ୍ଷ୍ୟ ସ୍ଥଳ ରେ ପହଞ୍ଚି ବାକୁ ଛାତ୍ର ଛାତ୍ରୀ ଙ୍କୁ ଅର୍ଜୁନ ଙ୍କ ଉଦାହରଣ ଦେଇ ପ୍ରେରଣା ଦେଇ ଥିଲେ l ଏବଂ ପରିଚୟ ଖୋଜି ଖୋଜି ଶ୍ରେଷ୍ଠତା ପ୍ରତିପାଦନ କରିବା କୁ ହେଲେ ନିଜ କୁ କର୍ଣ୍ଣ ହେବାକୁ ପଡିବ ବୋଲି କହିଥିଲେ l ଏ ସ୍କୁଲ୍ ଏ ଅଞ୍ଚଳ ର ପରିଚୟ ହେଉ, ଏ ସ୍କୁଲ୍ ଏ ଅଞ୍ଚଳ ର ଅସ୍ମିତା ହେଉ, ଏ ସ୍କୁଲ୍ ର ପତାକା ଆନ୍ତର୍ଜାତୀୟ ସ୍ତର ରେ ଫର୍ ଫର୍ ହୋଇ ଉଡ଼ି ସୁନାମ ଅର୍ଜନ କରୁ ବୋଲି ମଧ୍ୟ ଅତିଥି ଓ ବକ୍ତା ମତ ରଖିଥିଲେ l ଶିକ୍ଷାନୁଷ୍ଠାନର ସମ୍ପାଦିକା ସବିତା ମହାପାତ୍ର ସଭା ପରିଚାଳନା କରିଥିବା ବେଳେ  ଅର୍ଥ ବିଭାଗର ଅବସରପ୍ରାପ୍ତ ପ୍ରଫେସର ଡ. ସତ୍ୟନାରାୟଣ ଦାଶ , ଟିପିଡବ୍ଲୁଓଡିଏଲ ର ଉପଖଣ୍ଡୀୟ ଅଧିକାରୀ ବିବେକାନନ୍ଦ ଦିକ୍ଷିତ ସମ୍ମାନିତ  ଅତିଥି ଭାବେ ଯୋଗ ଦେଇ  ଛାତ୍ର ଛାତ୍ରୀ ଙ୍କୁ ପୁରସ୍କୃତ କରିଥିଲେ । ସ୍କୁଲର ନିର୍ଦ୍ଦେଶକ ତଥା ଚେୟାରମ୍ୟାନ୍ ଡ. ଅରୁଣ ରଥ ସଭାପତିତ୍ବ ଓ ସ୍ବାଗତ ଭାଷଣ ପ୍ରଦାନ କରି ବିଦ୍ୟାଳୟ ଓ ଛାତ୍ରଛାତ୍ରୀଙ୍କ ସଫଳତା ଉପରେ ଆଲୋକପାତ କରିଥିଲେ।  ସ୍କୁଲର ଅଧ୍ୟକ୍ଷ ଗୁପ୍ତେଶ୍ଵର ସାହୁ ବାର୍ଷିକ ବିବରଣୀ ରଣୀ ପାଠ କରିଥିଲେ । ପୂର୍ବରୁ ଅନୁଷ୍ଠିତ  ଶିକ୍ଷା, କ୍ରୀଡ଼ା, ସଂlସ୍କୃତିକ ତଥା ବିଭିନ୍ନ  ପ୍ରତିଯୋଗିତା ର କୃତୀ ପ୍ରତିଯୋଗୀଙ୍କୁ ପୁରସ୍କୃତ  କରାଯାଇଥିଲା । ଆକର୍ଷଣୀୟ ସାଂସ୍କୃତିକ କାର୍ଯ୍ୟକ୍ରମ ଛାତ୍ରଛାତ୍ରୀ ଦ୍ୱାରା ପରିବେଷଣ କରା ଯାଇ ଥିଲା l ସ୍କୁଲ୍ ର ସମସ୍ତ ଶିକ୍ଷକ, ଶିକ୍ଷୟତ୍ରୀ ଓ କର୍ମଚାରୀ ସହଯୋଗ କରିଥିଲେ l ସୋନପୁର ଜିଲ୍ଲା ପୋଲିସ ପକ୍ଷରୁ ଶାନ୍ତି ଶୃଙ୍ଖଳା ଓ ସୁରକ୍ଷା ପାଇଁ ସମସ୍ତ ବ୍ୟବସ୍ଥା କରଯାଇଥିଲା l ଏହି କାର୍ଯ୍ୟକ୍ରମ ରେ ସହର ର ବହୁ ବୁଦ୍ଧିଜୀବୀ, ଅଭିଭାବକ, ଓ ସାମ୍ୱାଦିକ ଉପସ୍ଥିତ ଥିଲେ l