22-Dec-2024

     ସମ୍ବଲପୁର:(ସଂଜୀବ ପାଣିଗ୍ରାହୀ) - ସମ୍ବଲପୁର ସହର ଉପକଣ୍ଠ ଜମାଦାରପାଲି ବିମନ୍ ବନ୍ଦର ନିକଟରେ ରହିଥିବା ପାଣିପାଗ ବିଭାଗ ର କାର୍ଯ୍ୟଳୟ ରେ ଏକ ଅତ୍ୟାଧୁନିକ ଜ୍ଞାନ କୌଶଳ ଯୁକ୍ତ ଡଫ୍ଲର ରାଡ଼ାର ସ୍ଥାପନା ହେବାକୁ ଯାଉଛି । ଆସନ୍ତା ୨୨ ତାରିଖ ରେ ଓଡ଼ିଶା ସରକାର ଙ୍କ ର ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ଙ୍କ କରକମଳ ରେ ଏହି ଡଫ୍ଲର ପାଣିପାଗ ରାଡାର ସ୍ଥାପନା ର ଶୁଭାରମ୍ଭ ହେବାକୁ ସ୍ଥିରୀକୃତ ହୋଇଛି । ଏଥିରେ ପୂର୍ବତନ ମନ୍ତ୍ରୀ ତଥା ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର, ରେଙ୍ଗାଲି ବିଧାୟକ ସୁଦର୍ଶନ ହରିପାଲ, ସମ୍ବଲପୁର ଜିଲ୍ଲାପାଳ ସିଦ୍ଧେଶ୍ୱର ବଳିରାମ ବୋନ୍ଦର୍ ତଥା ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତି ବିଶେଷ ଓ ବିଭାଗୀୟ ଉଚ୍ଚପଦସ୍ଥ ଅଧିକାରୀ ମାନେ ସାମିଲ୍ ହେବାର କାର୍ଯ୍ୟକ୍ରମ ରହିଛି । ପ୍ରାୟ ପାଞ୍ଚ କୋଟି ଟଙ୍କା ବ୍ୟୟରେ ନିର୍ମିତ ଏହି ଡଫ୍ଲର ପାଣିପାଗ ରାଡାର ସ୍ଥାପନା ଫଳରେ ଅଞ୍ଚଳ ରେ ପାଣିପାଗ ର ପୂର୍ବାନୁମାନ ଅଧୁକ୍ ସଠିକ୍ ଓ ତ୍ୱରିତ ହୋଇ ପାରିବ ବୋଲି ବିଶେଷଜ୍ଞ ମାନେ ମତ ଦେଇଛନ୍ତି । ଭୁବନେଶ୍ଵର ରୁ ଆସିଥିବା ପାଣିପାଗ ବିଭାଗ ର ବିଭାଗୀୟ ଅଧିକାରୀ ମାନେ କାର୍ଯ୍ୟକ୍ରମ ରେ ଉପସ୍ଥିତ ସାମ୍ବାଦିକ ମାନଙ୍କୁ ଏହି ଡଫ୍ଲର ପାଣିପାଗ ରାଡାର ସମ୍ପର୍କ ସବିଶେଷ ତଥ୍ୟ ଦେଇ ଡଫ୍ଲର ପାଣିପାଗ ରାଡାର ର କାର୍ଯ୍ୟକାରିତା ବିଷୟରେ ଅବଗତ କରାଇବେ ବୋଲି ବିଜେପି କ୍ଷେତ୍ରୀୟ ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି ସୁଚନା ଦେଇଛନ୍ତି ।