21-Dec-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ଭଟଲି ବ୍ଲକ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ମୂଲବାରର  ଶତବାର୍ଷିକୀ ଉତ୍ସବ ମହା ଆଡ଼ମ୍ବରରେ ଉଦଘାଟିତ ହୋଇଯାଇଛି। ଉଦଘାଟନୀ ଉତ୍ସବରେ ଅବସରପ୍ରାପ୍ତ ପ୍ରଧାନ ଶିକ୍ଷକ ସେବାରାମ ରଥଙ୍କ ସଭାପତିତ୍ୱରେ ଅନୁଷ୍ଠିତ ଏକ ବୈଠକରେ ମୁଖ୍ୟ ଅତିଥି ଭାବରେ ଭଟଲି ବିଧାୟକ ଇରାଶିଷ ଆଚାର୍ଯ୍ୟ ଏବଂ ସମ୍ମାନିତ ଅତିଥି ଭାବରେ ଭଟଲି ବ୍ଲକ ଶିକ୍ଷା ଅଧିକାରୀ ସରୋଜ କୁମାର ଭୁଏ, କମଗାଁ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ପ୍ରେମାନନ୍ଦ ପଟେଲ, ଅବସରପ୍ରାପ୍ତ ଶିକ୍ଷକ ଗଣେଶରାମ ସାହୁ, ଶିକ୍ଷକ ପ୍ରାଣଧନ ଦେବତା, ସ୍ଥାନୀୟ ସରପଞ୍ଚ ତରଣୀ କୁମୁରା , ଗ୍ରାମର ବରିଷ୍ଠ ସଦସ୍ୟ ରାଇଜ ସାହୁ, ବିଦ୍ୟାଳୟର ପ୍ରଧାନ ଶିକ୍ଷକ କୈଳାସ ଭୁଏ ଯୋଗ ଦେଇଥିଲେ।ସୁଧୀର ବଢେଇଙ୍କ ସଂଯୋଜନା କ୍ରମେ ଶିକ୍ଷକ ଆଶିଷ କୁମାର ରଥ ଅତିଥି ପରିଚୟ ପ୍ରଦାନ କରିଥିବା ବେଳେ ଶିକ୍ଷକ କୈଳାସ ଭୁଏ ଉଦ୍ଦେଶ୍ୟ ଜ୍ଞାପନ କରିଥିଲେ। ଅତିଥିବୃନ୍ଦ ସ୍ମାରକୀ ତୋରଣ ଉଦଘାଟନ କରିବାପରେ ସ୍ମରଣିକା ଉନ୍ମୋଚନ କରିଥିଲେ। ଏହାପରେ ବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ୱାରା ଗୁରୁପୂଜନ କରାଯାଇଥିଲା। ମଧ୍ୟାହ୍ନ ଭୋଜନ ବିରତିପରେ ପୁରାତନ ଛାତ୍ରଛାତ୍ରୀମାନଙ୍କ ବନ୍ଧୁମିଳନ ହୋଇଥିଲା। ସନ୍ଧ୍ୟାରେ ଛାତ୍ରଛାତ୍ରୀମାନଙ୍କ ଦ୍ବାରା ପ୍ରଦର୍ଶିତ ସାଂସ୍କୃତିକ କାର୍ଯ୍ୟକ୍ରମ ବେଶ୍ ଉପଭୋଗ୍ୟ ହୋଇଥିଲା। ଶତବାର୍ଷିକୀ ଉତ୍ସବ କମିଟିର ଉଚ୍ଛବ ଭୁଏ, ମହେନ୍ଦ୍ର ଭୁଏ ନିରାକାର ଭୁଏ, ଚୂଡାମଣି ଭୁଏ, ଖତୁ ବିଶ୍ବାଳ, ପ୍ରଦୀପ ଲୁହା, ଶ୍ରୀକାନ୍ତ ସାହୁ, ଉମେଶ ସାହୁ , ଯାଦବ ସାହୁ, ସୁଶୀଳ ବଢେଇ, ମୀନକେତନ ମେହେର, ଧରମବୀର ରଥ, ଗୋପେନ୍ ରଥ, ଅଜିତ ନନ୍ଦ, ସଂଜୀବ ଗୁରୁ,ବନମାଳୀ ପଣ୍ଡା,ରବି ସାହୁ,ସୁମନ୍ତ ସାହୁ, ହୃଦାନନ୍ଦ ସାହୁ,ନୈମିଶ ବେହେରାଙ୍କ ସମେତ ବିଦ୍ୟାଳୟର ପୁରାତନ ଛାତ୍ରଛାତ୍ରୀ,ଶିକ୍ଷକ ଶିକ୍ଷୟିତ୍ରୀ ତଥା ଗ୍ରାମବାସୀ ସକ୍ରିୟ ସହଯୋଗ କରିଥିଲେ।