21-Dec-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ଓଡିଶା ଆଦର୍ଶ ବିଦ୍ୟାଳୟ ଏମ.ଗଣ୍ଡପାଲି, ବିଜେପୁର ଠାରେ ବାର୍ଷିକୋତ୍ସବ-୨୦୨୪ ଆରୋହଣ 2.O ମହାସମାରୋହରେ ପାଳିତ ହୋଇଯାଇଛି।ଏହି ଅବସରରେ ବରଗଡର ଅତିରିକ୍ତ ଜିଲ୍ଲାପାଳ ଶ୍ରୀମତୀ ମଧୁଛନ୍ଦା ସାହୁ ମୁଖ୍ୟ ଅତିଥି ଭାବେ ଯୋଗଦାନ କରି ଛାତ୍ରୀ ତଥା ସ୍କୁଲରେ କାର୍ଯ୍ୟରତ ସମସ୍ତ ଶିକ୍ଷକ ଶିକ୍ଷୟିତ୍ରୀମାନଙ୍କୁ ଉତ୍ସାହିତ କରିଥିଲେ। ମୁଖ୍ୟବକ୍ତା ଭାବେ ସମ୍ବଲପୁର ବିଶ୍ୱବିଦ୍ୟାଳୟର ସହକାରୀ ଅଧ୍ୟାପକ ଡ. ମଦନ ବିଶ୍ୱାଳ ଓ ସମ୍ମାନୀତ ଅତିଥି ଭାବେ ଶ୍ରୀଯୁକ୍ତ ସରୋଜ କୁମାର ବିଶ୍ବାଳ(ବିଡ଼ିଓ ବିଜେପୁର),ଶ୍ରୀଯୁକ୍ତ ନାରାୟଣ ଭୁଏ (ବିଇଓ,ବିଜେପୁର),ଶ୍ରୀଯୁକ୍ତ କର୍ଣ୍ଣ ସୁନା(ତହସିଲଦାର,ବିଜେପୁର)ଓ ଶ୍ରୀଯୁକ୍ତ ପ୍ରଦୀପ କୁମାର ମିଶ୍ର(ଅଧ୍ୟକ୍ଷ,ବିଜେପୁର ମହାବିଦ୍ୟାଳୟ) ସମ୍ମାନୀତ ଅତିଥି ଭାବେ ଯୋଗଦାନ କରି ଶିକ୍ଷାଦାନ ଏବଂ ଶିକ୍ଷା ସମ୍ବନ୍ଧୀୟ ବିଭିନ୍ନ ବିଷୟ ଉପରେ ଆଲୋକପାତ କରିଥିଲେ। ସ୍କୁଲର ପ୍ରିନ୍ସିପାଲ ଶ୍ରୀମତୀ ପ୍ରିୟଙ୍କା ପ୍ରିୟଦର୍ଶିନୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବାର୍ଷିକୋତ୍ସବରେ ମୁଖ୍ୟ ଅତିଥି ଗୁଣାତ୍ମକ ଶିକ୍ଷା ଏବଂ ଏକାଗ୍ରତା ଉପରେ ଛାତ୍ରୀମାନଙ୍କୁ ସମ୍ବୋଧିତ କରିଥିଲେ। ଏହି କ୍ରମରେ ସତ୍ୟବାନ ମେହେର,ଲୋକନାଥ ମେହେର,ଲିଙ୍ଗରାଜ ମେହେର,ଟଙ୍କଧର ନାୟକ,ସୁଶିଲ ପ୍ରଧାନ,ଜୟନ୍ତ ଠାକୁର,ଗୋପ ମହାନନ୍ଦ, ଲିପ୍ସିତା ଶବର,ସ୍ନିଗ୍ଧା ପ୍ରିୟଦର୍ଶିନୀ ପଧାନ, ଶିକ୍ଷକ ଶିକ୍ଷୟିତ୍ରୀ ତଥା ବିଭାସ ସାହୁ,ବିରାଟ ବଂଛୋର, ଦୀପକ ସାହୁ ପ୍ରମୁଖ କର୍ମଚାରୀ ଗଣ ସହଯୋଗ କରିଥିଲେ। ଶିକ୍ଷୟିତ୍ରୀ ଲିପ୍ସିତା ଶବର ଅତିଥି ପରିଚୟ ପ୍ରଦାନ କରିଥିବା ବେଳେ ଲିଙ୍ଗରାଜ ପଧାନଙ୍କ ସଂଯୋଜନାରେ କାର୍ଯ୍ୟକ୍ରମ ଆଗେଇ ନିଆ ଯାଇଥିଲା।ପରେ ମଞ୍ଚ ଉପରେ  ଛାତ୍ରଛାତ୍ରୀ ମାନଙ୍କ ଦ୍ବାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇ ମଞ୍ଚ ଦୁଲୁକିବା ଆରମ୍ଭ କରିଥିଲା ।ଏହାପରେ ଛାତ୍ରଛାତ୍ରୀ ମାନଙ୍କ ଦ୍ବାରା ପ୍ରଦର୍ଶିତ ଡ୍ରାମା "ଏକ କାହାଣୀ ବୃଦ୍ଧାଶ୍ରମର" ଦର୍ଶକଙ୍କୁ ବିମୋହିତ କରିଦେଇଥିଲା‌। ଶେଷରେ ବିଦ୍ୟାଳୟର ସାମାଜିକ ବିଜ୍ଞାନ ଶିକ୍ଷକ ଗୋପ ମହାନନ୍ଦ ଧନ୍ୟବାଦ ଅର୍ପଣ କରିଥିଲେ।