21-Dec-2024

ବରଗଡ/ଅମ୍ବାଭୋନା:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ଅମ୍ବାଭୋନା ବ୍ଲକ ଭୁକ୍ତା ପଂଚାୟତ ଅଧିନସ୍ଥ ପ୍ରକାଶପୁର ଚି଼ଚୋଲି ଠାରେ ଶ୍ରୀ ଗୁଣ୍ଡିଚା କ୍ରିକେଟ କ୍ଲବ ( SGCC ) ଆନୁକୂଲ୍ୟରେ କ୍ରିକେଟ ଟୁର୍ନାମେଣ୍ଟ ଉଦଘାଟିତ ହୋଇଯାଇଛି। ଏହି ଅବସରରେ ଭଟଲି ନିର୍ବାଚନ ମଣ୍ଡଳୀ ର ବିଧାୟକ ଙ୍କ ପିତା ଅବସର ପ୍ରାପ୍ତ ଅଂଚଳ ର ଜଣାଶୁଣା ଡାକ୍ତର ଶ୍ରୀ ସୁନୀଲ ଆଚାର୍ଯ୍ୟ  ଙ୍କୁ ମୁଖ୍ୟ ଅତିଥିଭାବେ ସମ୍ମାନିତ କରିଥିଲେ। ବରଗଡ ଲୋକସଭା ସାଂସଦ ପ୍ରତିନିଧି ଶ୍ରୀ ଗୁନାରୁ ପ୍ରଧାନ, ଭୁକ୍ତା ଜୋନ ର ବିଜେପି ସଭାପତି ଶ୍ରୀ ପ୍ରହଲ୍ଲାଦ ଖମାରୀ ଙ୍କ ସମେତ ଅନେକ ବିଜେପି କର୍ମୀ ମାନେ ଉକ୍ତ ଉଦଘାଟନୀ ଉତ୍ସବ ରେ ଯୋଗ ଦେଇଥିଲେ। କ୍ରିକେଟ କମିଟି ର କର୍ମକର୍ତ୍ତା ମାନେ ଅତିଥି ମାନଙ୍କୁ ପାଛୋଟି ନେଇ ମଂଚାସୀନ କରିଥିଲେ। ସମସ୍ତ ଖେଳାଳି, କର୍ମକର୍ତା ଓ ଅତିଥି ମାନେ ମିଶି ପତାକା ଉତ୍ତୋଳନ କରିବା ସହିତ ସୁଚାରୁ ରୂପେ ଟୁର୍ନାମେଣ୍ଟ କୁ ସମାପନ କରିବା ପାଇଁ ଶପଥ ପାଠ କରିଥିଲେ। ଖେଳାଳି ମାନଙ୍କୁ ଉତ୍ସାହିତ କରିବା ପାଇଁ ମୁଖ୍ୟ ଅତିଥି ଡାକ୍ତର ଶ୍ରୀ ସୁନୀଲ ଆଚାର୍ଯ୍ୟ ବ୍ୟାଟିଂ କରିଥିବା ବେଳେ ସାଂସଦ ପ୍ରତିନିଧି ଶ୍ରୀ ଗୁନାରୁ ପ୍ରଧାନ ବଲିଂ କରିଥିଲେ। ପିତାମ୍ବର ବେହେରା, ରିଙ୍କୁ ସାହୁ, ଦେବାର୍ଚନ ମଲ୍ଲିକ, ଡୋଳାମଣି ସା,ତେଜେରାମ ସାହୁ, ଉଗ୍ରସେନ ନାଏକ, ଦୀପକ ଭୋଇ, ଅଲଡ୍ରିନ ପାତ୍ର, ବଳରାମ ସା, କାର୍ତ୍ତିକ ଦେହେରୀ ଓ ସମସ୍ତ କର୍ମକର୍ତ୍ତା ମାନେ ସହଯୋଗ କରିଥିଲା ବେଳେ ହିମାଂଶୁ ରାଓ୍ବତ କମାଣ୍ଟ୍ରି କରିଥିଲେ।