19-Dec-2024

ସୋନପୁର, ତା.୧୯/୧୨ (ପ୍ରେରଣା ଖବର ) : ସୁବର୍ଣ୍ଣପୁର ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇଙ୍କ ପ୍ରତ୍ୟକ୍ଷ ତତ୍ତ୍ୱlବଧାନରେ ମାୟାବର୍ହା ଉଚ୍ଚ ବିଦ୍ୟାଳୟ ରେ ଜିଲ୍ଲା ସ୍ତରୀୟ ତ୍ରି ଦିବସୀୟ ଜୁନିୟର ରେଡକ୍ରସ ଶିକ୍ଷା ଓ ପ୍ରଶିକ୍ଷଣ ଶିବିରର ଉଦଘାଟନୀ ଉତ୍ସବର ସାନ୍ଧ୍ୟ ଅଧିବେଶନରେ ଲୋକପ୍ରିୟ କଣ୍ଠଶିଳ୍ପୀ ସୁଶ୍ରୀ ପ୍ରାପ୍ତୀ ଆଚାର୍ଯ୍ୟ ରେଡକ୍ରସ ସ୍ୱେଚ୍ଛାସେବୀ ମାନଙ୍କର ଆବେଗିକ ବିକାଶ ପାଇଁ ସଂଗୀତ ଗାନ କରିଥିଲେ । ସ୍ୱାସ୍ଥ୍ୟ ହିଁ ସଂପଦ,ସ୍ୱାସ୍ଥ୍ୟ କହିଲେ କେବଳ ଶାରିରୀକ ସ୍ୱାସ୍ଥ୍ୟକୁ ବୁଝାଇନଥାଏ ବରଂ ଶାରିରୀକ ଓ ମାନସିକ ସ୍ୱାସ୍ଥ୍ୟ କୁ ବୁଝେଇଥାଏ ।  ସଂଗୀତ ଗାନ କିମ୍ବା ଶ୍ରବଣ କଲେ ମାନସିକ ସ୍ୱାସ୍ଥ୍ୟ ସୁସ୍ଥ ରହେ । ସୁପ୍ରସିଦ୍ଧ କଣ୍ଠଶିଳ୍ପୀ ସୁଶ୍ରୀ ପ୍ରାପ୍ତୀ ଆଚାର୍ଯ୍ୟ,ମନମତାଣିଆ  ସଙ୍ଗୀତ ଗାନ କରି ଶିବିରାର୍ଥିଙ୍କ ମନରେ ଆନନ୍ଦ ଭରି ଦେଇଥିଲେ । ବାଦ୍ୟଯନ୍ତ୍ରରେ ଆଶୁତୋଷ ବାରିକ ଓ ସାଥୀ  ସହଯୋଗ କରିଥିଲେ । ପ୍ର୍ରକାଶଥାଉ ଯେ,  ଜୁନିୟର ରେଡକ୍ରସ ତାଲିମ ଶିବିରରେ ୬୨୨ ଜଣ ସ୍ୱେଚ୍ଛାସେବୀ ଓ ୩୮୦ଆଲୁମିନି ସଭ୍ୟ ତଥା ଅତିଥି ଗଣ, ଗ୍ରlମବାସୀମାନେ ଉପସ୍ଥିତ ରହି ଏହି ନିଆରା କାର୍ଯ୍ୟକ୍ରମକୁ ଉପଭୋଗ କରିଥିଲେ । କାର୍ଯ୍ୟକ୍ରମ ଶେଷରେ  ସୁବର୍ଣ୍ଣପୁର ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇ ଉକୃଷ୍ଟ ସଂଗୀତ ପରିବେଷଣ ପାଇଁ ସମାଜରେ ସ୍ୱତନ୍ତ୍ର ସ୍ଥାନ ଅଧିକାର କରିଥିବା  ସୁଶ୍ରୀ ପ୍ରାପ୍ତୀ ଆଚାର୍ଯ୍ୟଙ୍କୁ ସ୍ମୃତି ଫଳକ ଏବଂ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ । କାର୍ଯ୍ୟକ୍ରମରେ ନନ୍ଦିଘୋଷ ବାରିକ, ନିମାଇ ଚରଣ ମଲ୍ଲୀକ,  ହୃଷିକେଶ ଦେହୁରୀ, ହେମନ୍ତ ମେହେର, ହୃଷିକେଶ ଡାଙ୍ଗ,  , ଚନ୍ଦ୍ର ଶେଖର ମହାପlତ୍ର, ଶେଷଦେବ ଛତ୍ର, ପବିତ୍ର ବାରିକ, ବିଜୟ ପଣ୍ଡା, ସସ୍ମିତ ସାହୁ,  ତପସ୍ୱିନୀ ଦାଶ, ଅନୁପ୍ରୀୟା ମିଶ୍ର, ଜଗଦିଶ ଦାଶ, ଦୂର୍ଯ୍ୟୋଧନ ପଶାୟତ ପ୍ରମୁଖ ସାଧନକର୍ମି ପରିଚାଳନା କରିଥିଲେ । ସାଧନକର୍ମି ହୃଷିକେଶ ଚାନ୍ଦ, ଗୋପେଶ ପଣ୍ଡା, ଆଶିଷ ନାଏକ, ବନବାସ ମେହେର ଓ କୃଷ୍ଣଚନ୍ଦ୍ର ବାରିକ ମଂଚ ପରିଚାଳନା କରିଥିବା ବେଳେ ସଂଜୀବ ପୂଜାରୀ ଧନ୍ୟବାଦ ଅର୍ପଣ କରିଥିଲେ । ଜିଲ୍ଲା ଜୁନିୟର ରେଡକ୍ରସ ସଂପାଦକ ତଥା ଏଡିଇଓ ମଂଜୁଲତା ଭୋଇ ଓ ଭାଇସ ଚେୟାରମ୍ୟାନ ଗତିକୃଷ୍ଣ ମିଶ୍ରଙ୍କ ମାର୍ଗଦର୍ଶନରେ ସଂପନ୍ନ ହୋଇଥିବା ଭବ୍ୟ ଅlସରକୁ ସୁବର୍ଣ୍ଣପୁର ଜିଲ୍ଲା ଜୁନିୟର ରେଡକ୍ରସ ଅଫିସର ରବିଚନ୍ଦ୍ର ପଶାୟତ ସଂଯୋଜନା କରିଥିଲେ ।  ବରିଷ୍ଠ ସାଧନକର୍ମି ଚନ୍ଦ୍ରମଣି ବାଘ ସାଂସ୍କୃତିକ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ବରିଷ୍ଠ ଶିକ୍ଷକ ଦୀନବନ୍ଧୁ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।