10-Dec-2024

  ତରଭା(କପିଳାସ ସେଠ )ତରଭା ବ୍ଲକ ଠାରୁ ପ୍ରାୟ ୨୫ କିଲୋମିଟରରେ ଅବସ୍ଥିତ ଚାରଭଟ୍ଟା ପଞ୍ଚାୟତ କାର୍ଯ୍ୟଳୟ ପରିସରରେ ପଞ୍ଚାୟତସ୍ତରୀୟ ଅଭିଯୋଗ ଶୁଣାଣି ଶିବିର ବିଡିଓ ଗଙ୍ଗାରାମ ବୁଡ଼େକଙ୍କ ଅଦକ୍ଷତାରେ ଅନୁଷ୍ଠିତ ହୋଇ ଯାଇଛି I ଏହି ଅଭିଯୋଗ ଶିବିରରେ ୧୫ଗୋଟି ଅଭିଯୋଗ ପଞ୍ଜିକୃତ ହୋଇ ଥିବା ବେଳେ ସର୍ବାଧିକ ଅଧିକାରୀ ଉପସ୍ଥିତି ଅଭିଯୋଗ କାରୀଙ୍କୁ କେବଳ ପ୍ରତିଶୃତି ମିଳିଛି I ରାଜ୍ୟ ସରକାର ପ୍ରସାସନିକ ସେବା ବ୍ଲକସ୍ତରରୁ ପଞ୍ଚାୟତସ୍ତର ପହଞ୍ଚାଇବା ଉଦେଶ୍ୟ ରେ ତରଭା ବ୍ଲକର ଚାରଭଟ୍ଟା ପଞ୍ଚାୟତ ରେ ପଞ୍ଚାୟତ ସ୍ତରୀୟ ଅଭିଯୋଗ ଶିବିରରେ ପଞ୍ଚାୟତରେ ଥିବା ଯୁବ ଖେଳାଳି ମାନଙ୍କ ଖେଳୁଆଡ଼ ମାନଙ୍କୁ ସୃଦୃଢ କରିବା ପାଇଁ ଏଠାରେ ଥିବା ଖେଳ ପଡିଆ କୁ ଉନ୍ନତି କରଣ କରିବା ପାଇଁ ଜେ.ସି. ସି.କ୍ଲବର ସଭ୍ୟ ମାନେ ଲିଖିତ ଭାବେ ବିଡ଼ିଓ ଙ୍କ ଦୃଷ୍ଟିଆକର୍ଷଣ କରିଥିଲେ I ଚାରଭଟ୍ଟା ସହର ଠାରୁ ଦୂରରେ ଥିବାରୁ ବ୍ୟାଙ୍କ ଗ୍ରାହକ ମାନଙ୍କ ସୁବିଧା ପାଇଁ ଏଠାରେ ଏକ ଜାତୀୟ କରଣ ବ୍ୟାଙ୍କର ଏ ଟି ଏମ ସ୍ଥାପନ କରିବା ପାଇଁ ସୁଜିତ କୁମାର ପାତ୍ର ଓ ତାଙ୍କ ସାଥି ବିଡ଼ିଓ ଠାରେ ଦାବୀ କରିଥିଲେ  I ଚାରଭଟ୍ଟାରେ ପାଇପ ଯୋଗ ଯୋଗାଇ ଦିଆ ଯାଉଥିବା ଅନେକ ସ୍ଥାନରେ ପାଇପ ଫାଟି ଜଳ ଯୋଗାଣରେ ବ୍ୟଘାତ ହେଉଛି I ଏହାର ମରାମତି କରିବା ପାଇଁ ଦୁର୍ଯୋଧନ ବଢିଆ, ଗ୍ରାମରେ ଥିବା ଡ୍ରେନ ସଫା କରିବା ନେଇ ଭୋଜ ରାଜ ପାତ୍ର ଓ ଅନ୍ୟ ମାନେ, ଖଇରଭାଡ଼ି କଲୋନୀ ପଡ଼ାରେ ନୂତନ ନଳ କୂପ ଖୋଲିବା ପାଇଁ କମ୍ଭୁ ପାଣି ରଣା, କଳାକାର ଭତ୍ତା ପାଇଁ ରବିଚନ୍ଦ୍ର କୁଅଁରଙ୍କ ସହ ୧୫ଗୋଟି ଅଭିଯୋଗ ସ୍ଥାନ ପାଇଥିଲା I ଅଭିଯୋଗ ମାନଙ୍କୁ ଶୀଘ୍ର କାର୍ଯ୍ୟ କାରି କରାଯିବ ବୋଲି ବିଡ଼ିଓ ପ୍ରତିଶୃତି ଦେଇ ଥିଲେ I ଏହି ଶିବିରରେ ତହସିଲଦାର ତୁଳା ମୁଦୁଲି, ଚାରଭଟ୍ଟା ସରପଞ୍ଚ ସସ୍ମିତା ହରିପାଳ, ବି ଭି ଓ ଡ଼ ଶ୍ୟାମ ସୁନ୍ଦର ପାଣ୍ଡେ, ଆର ଡବ୍ଲୁ ଏସ ଏସ ସହକାରୀ ଯନ୍ତ୍ରୀ ରବୀନ୍ଦ୍ର ସାହୁ ସମିତିସଭ୍ୟ ଘନଶ୍ୟାମ ଡାଙ୍ଗ, ନାଏବ ସରପଞ୍ଚ ଅମିନ ଦୀପ, ଯୋଗାଣ ଅଧିକାରୀ ପ୍ରଶାନ୍ତ ପଧାନ,ଏ ଡି ଇ ଓ  ସ୍ୱସ୍ତିକ ପଧାନ, ଡବ୍ଲୁ ଇ ଓ ସଳଖାନ ମାଝୀଙ୍କ ସହ ମସ୍ୟ ବିଭାଗ, ଆଇ ସି ଡ଼ିଏସ ବିଭାଗ, କୃଷି ବିଭାଗ,ସ୍ୱାସ୍ଥ୍ୟ ବିଭାଗ, ସମସ୍ତ ବ୍ଲକସ୍ତରୀୟ ଅଧିକାରୀ ଉପସ୍ଥିତଥିଲେ  I ଚାରଭଟ୍ଟା ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ରସିକ ସୁନା ଓ ସରପଞ୍ଚ ଶ୍ରୀମତୀ ହରିପାଳଙ୍କ ତତ୍ତ୍ୱବୋଧନରେ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇ ଥିଲା I