09-Dec-2024

କଳାହାଣ୍ଡି (ତ୍ରିନାଥ ବେଶ୍ରା )
ରାଜମିଡିଆଓ ଲକ୍ଷ୍ମୀ ଟେଲିଭିଜନ ନେଟୱାର୍କ ର ଅଷ୍ଟମ ବାର୍ଷିକ ସ୍ୱନକ୍ଷତ୍ର ଉତ୍ସବ ରାମ ମନୋହର ଲୋହିଆ ଏକାଡେମୀ ପରିସରରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ ରେ ଭୁବନେଶ୍ୱର ମଧ୍ୟ ନିର୍ବାଚନମଣ୍ଡଳୀର   ବିଧାୟକ ଅନନ୍ତ ନାରାୟଣ ଜେନା ଓ କାକଟପୁର ର ବିଧାୟକ ତଥା ପୂର୍ବତନ ମନ୍ତ୍ରୀ ତୁଷାର କାନ୍ତି ବେହେରା ମୂଖ୍ୟ ଅତିଥି ଓ ସମ୍ମାନିତ ଅତିଥି ଭାବେ ଯୋଗଦେଇ ଗଣତାନ୍ତ୍ରିକ ରାଷ୍ଟ୍ର ରେ ଗଣତନ୍ତ୍ର ର ସୁରକ୍ଷା ପାଇଁ ଗଣମାଧ୍ୟମ ର ଆବଶ୍ୟକତା ସମ୍ପର୍କରେ ଆଲୋକପାତ କରିଥିଲେ। ଅନ୍ୟ ମାନଙ୍କ ମଧ୍ୟରେ କଂଗ୍ରେସ କିଷାନ ସେଲ୍ ଅଧ୍ୟକ୍ଷ  ଅମିୟ କୁମାର ପଟ୍ଟନାୟକ, ସମାଜସେବୀ ମୀରା ପରିଡ଼ା, ଶ୍ରଦ୍ଧାଞ୍ଜଳି ରାୟ, ସସ୍ମିତା ଦାଶ ସମ୍ମାନିତ ଅତିଥି ଭାବେଯୋଗ ଦାନ କରିଥିଲେ ସେହିପରି ପ୍ରାଚୀ ଉଚ୍ଚ ମାଧ୍ୟମିକ ବିଦ୍ୟାଳୟ ର ଅଧକ୍ଷ ଡଃ ଦିଲିପ କୁମାର ସେନାପତି ମୂଖ୍ୟ ବକ୍ତା ଭାବେ ଯୋଗଦେଇ ଥିଲେ।ରାଜ୍  ମିଡ଼ିଆ ଲକ୍ଷ୍ମୀ ଟେଲିଭିଜନ ନେଟୱାର୍କ ର  ଅଧକ୍ଷ ଡଃ ରାଜେଶ କୁମାର ମାହାନ୍ତି ଙ୍କ ଅଧ୍ୟକ୍ଷତାରେ ଅନୁଷ୍ଟିତ କାର୍ଯ୍ୟକ୍ରମ ଟିକୁ ପରିଚାଳନା ସଂପାଦକ ଡଃ ଚିତ୍ତରଞ୍ଜନ ବିଶ୍ୱାଳ, ସଞ୍ଜୟ କୁମାର ସାହୁ, ନବିନ ତାଣ୍ଡି ଓ ଆଲଫା ରାୟ ପରିଚାଳନା କରିଥିଲେ। ହରିହର ଶତପଥି ବାର୍ଷିକ ବିବରଣୀ ଉପସ୍ଥାପନା କରିଥିଲେ। ଅନ୍ୟ ମାନଙ୍କ ମଧ୍ୟରେ କୋଣାର୍କ ଐତିହ୍ୟ ପରିଷଦ ର ରାଷ୍ଟ୍ରୀୟ ଉପାଧ୍ୟକ୍ଷ ସଞ୍ଜୟ କୁମାର ବରାଳ, ସ୍ମିଧ୍ୟା ଭଞ୍ଜଦେଅ ,ସସ୍ମିତା ମିଶ୍ର ,ଯୋଗ ଗୁରୁ ରୁପାଲି ମହାନ୍ତି ,ଲକ୍ଷ୍ମୀପ୍ରିୟା ଦେ , ତ୍ରିନାଥ ବେସ୍ରା, ଲଲାଟେନ୍ଦୁ ମିଶ୍ର ପ୍ରମୁଖ ବ୍ୟକ୍ତିମାନଙ୍କୁ ମାନପତ୍ର ଉପଢୌକନ ପୁଷ୍ପଗୁଚ୍ଛ ପ୍ରଦାନ କରି ସମ୍ବର୍ଦ୍ଧିତ କରାଯାଇଥିଲା।

ରିପବ୍ଲିକ ଓଡିଶା ଓ ରାଜ୍ ମିଡ଼ିଆ ଲକ୍ଷ୍ମୀ ଟେଲିଭିଜନ ନେଟୱାର୍କ ସଂସ୍ଥା ଟି ନବମ ବର୍ଷ ରେ ପାଦ ଥାପି ଥିବାରୁ ଅତିଥି ମାନେ ଏକ ସାମୁହିକ ଟ୍ରଷ୍ଟ ସ୍ଥାପନ କରି ଏହାର ପ୍ରକାଶନ ବିଭାଗ କୁ ସୁଦୃଢ଼ୀକରଣ କରିବାକୁ ମତପ୍ରକାଶ କରିଥିଲେ। ବନ୍ଦ ହୋଇଯାଇଥିବା ସାପ୍ତାହିକ ଖବରକାଗଜ ଶୁଭ୍ରମ ର ପୁନଃ ବିନ୍ୟାସ କରି ପ୍ରକାଶ କରିବାକୁ ମତପ୍ରକାଶ କରିଥିଲେ। ସର୍ବୋପରି ଏହି କାର୍ଯ୍ୟକ୍ରମ ର ନିର୍ଦେଶକ ରାଜେଶ କୁମାର ମାହାନ୍ତି ଙ୍କ ସାଧୁତା କର୍ତ୍ତବ୍ୟ ପରାୟଣତା କୁ ବକ୍ତା ମାନେ ଭୂୟସୀ ପ୍ରଶଂସା କରିଥିଲେ। କାର୍ଯ୍ୟକ୍ରମ ଶେଷରେ ପଶ୍ଚିମ ଓଡିଶା ସ୍ପେସିଆଲ ସାମ୍ବାଦିକ ତ୍ରିନାଥ ବେଶ୍ରା ଧନ୍ୟବାଦ ଅର୍ପଣ କରିଥିଲେ।ଏହି କାର୍ଯ୍ୟକ୍ରମ ଅବସରରେ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ୮୦ରୁ ଉର୍ଦ୍ଧ୍ବ ପ୍ରତିଭାକୁ ସମ୍ମାନିତ କରିବା ସହ ପ୍ରଫୁଲ୍ଲ କୁମାର ବେହେରା କୁ ରାଜ୍ ମିଡ଼ିଆ ୨୦୨୪ ସମ୍ମାନରେ ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମ କୁ ଅନ୍ୟ ମାନଙ୍କ ମଧ୍ୟରେ ହରିହର ଶତପଥୀ , ଅଜିତ କୁମାର ଜୋଷି, ଅଜୟ ସ୍ୱଇଁ, ବିନ୍ଦିଆରାଣୀ ମିଶ୍ର, ସୁଜାତା ପାଣିଗ୍ରାହୀ, ସଂଯୁକ୍ତା ସାହୁ, ରାଜଲକ୍ଷ୍ମି ନାୟକ, ଅଲିଭା ଦାଶ , ମମତା ପ୍ରଧାନ ପ୍ରମୁଖ ସହଯୋଗ କରିଥିଲେ।