02-Dec-2024

ବରପାଲି (ସୁଦାମ ଦୀପ) 
ବରପାଲି ବ୍ଲକ ସ୍ତରୀୟ ସନାତନୀ ବ୍ରାହ୍ମଣ ସମାଜର ଏକ ବୈଠକ ସ୍ଥାନୀୟ ଜଗନ୍ନାଥ ମନ୍ଦିରରେ ଶନିବାର ଅନଷ୍ଠିତ ହୋଇଯାଇଛି ସନାତନୀ ବ୍ରାହ୍ମଣ ସମାଜର ବ୍ଲକ ସଭାପତି ପଣ୍ଡିତ କୃଷ୍ଣଚନ୍ଦ୍ର ଦେବତାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ବ୍ଲକର ବିଭିନ୍ନ ଶାଖାର ନୂତନ କର୍ମକର୍ତ୍ତାମାନଙ୍କୁ ସ୍ଵାଗତ କରାଯାଇଥିଲା । ଏହା ସହିତ ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ବ୍ରାହ୍ମଣ ସମାଜ ପକ୍ଷରୁ ସାମୁହିକ ବ୍ରତ କାର୍ଯ୍ୟକ୍ରମ ଅନୁଷ୍ଠିତ ହେବ। ଆସନ୍ତା ଫେବୃୟାରୀ ୬ ତାରିଖରେ ଚାରିକର୍ମ ଓ ୭ ତାରିଖରେ ବ୍ରତ କରାଯିବ ବୋଲି ସଭାରେ ପ୍ରସ୍ତାବ ନିଆଗଲା । ଏଥିପାଇଁ ଅରୁଣ କୁମାର ପଣ୍ଡା ଙ୍କ ସହ ରମାକାନ୍ତ ତ୍ରିପାଠୀ, ବାଲ କିଶୋର ଖାଡଙ୍ଗା, ହୃଦାନନ୍ଦ ଦାଶ ପ୍ରସ୍ତାବିତ ବ୍ରତ କାର୍ଯକ୍ରମର ଆବାହକ ରହିଛନ୍ତି । ଏହି ବୈଠକରେ ସମ୍ପାଦକ ଶରତ ଚନ୍ଦ୍ର ପାଣିଗ୍ରାହୀ, ପଣ୍ଡିତ ହେମନ୍ତ କୁମାର ମିଶ୍ର, ପଣ୍ଡିତ ପୀନାକି ଦାଶ, ନରେନ୍ଦ୍ର କୁମାର ହୋତା, ଡକ୍ଟର ସରୋଜ କୁମାର ଦାଶ, ଦାମୋଦର ପଣ୍ଡା ପ୍ରମୁଖ ବ୍ଲକ୍‌ର ସମସ୍ତ ଶାଖାର ସଭ୍ୟ ଉପସ୍ଥିତ ଥିଲେ।