30-Nov-2024

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଉଫୁଲା ପଞ୍ଚାୟତ ଅନ୍ତର୍ଗତ କମଲପୁର ମହାନଦୀ ସ୍ଥିତ ଖେଳପଡିଆରେ ୧୬ ତମ କମଲପୁର କ୍ରିକେଟ ଟୁଣ୍ଡାମେଣ୍ଟ ଉଦଯାପିତ ହୋଇଯାଇଛି। ଫାଇନାଲ ମେଚ କୋଟଶମଲେଇ ଓ ମନମୁଣ୍ଡା ଦଳ ମଧ୍ୟରେ ଦୁଇଟି ଫର୍ମାଟ ରେ ଅନୁଷ୍ଠିତ ହୋଇଥିଲା। ଉଭୟ ଫର୍ମାଟ ରେ କୋଟଶମଲାଇ ଦଳକୁ ହରାଇ ମନମୁଣ୍ଡା ଦଳ ଚାମ୍ପିଅନ ହୋଇଥିଲା।‌ ପୁରସ୍କାର ବିତରଣ ଉତ୍ସବରେ ବିନିକା ବ୍ଳକ ଅଧ୍ୟକ୍ଷ ଅଶୋକ ନନ୍ଦ, ସ୍ଥାନୀୟ ବ୍ଳକ ଉପାଧ୍ୟକ୍ଷ ନାରାୟଣ ଲୁହା, ଉଲୁଣ୍ଡା ବ୍ଳକ ଅଧ୍ୟକ୍ଷ ପ୍ରତିନିଧି କୃତିବାସ ମିଶ୍ର, ଜିଲ୍ଲା ପରିଷଦ ସଭ୍ୟ ଲବ କୁମାର ସାହୁ, ନିର୍ମଲ ଷଣ୍ଢ, ସ୍ଥାନୀୟ ସରପଞ୍ଚ ଶ୍ରୀୟା କର୍ମୀ, ବସିଷ୍ଟ ପଣ୍ଡା, ଆତ୍ମା ଅଧ୍ୟକ୍ଷ ବିବସ୍ପତି ପଣ୍ଡା, ଚମ୍ପାମାଲ ସମିତି ସଭ୍ୟ ଲକ୍ଷ୍ମୀ ନାରାୟଣ ପୁରୋହିତ ଓ ଅନ୍ୟାନ୍ୟ ଅତିଥି ମାନେ ଯୋଗଦେଇ ବିଜେତା ଉପବିଜେତା ଦଳକୁ ପୁରସ୍କାର ବିତରଣ କରିଥିଲେ। ଉଗ୍ରସେନ ମେହେର ଓ ଅନନ୍ତ ବିଶ୍ଵାଲ ଖେଳ ପରିଚାଳନା କରିଥିଲେ। ବିଗ୍ରମ ସାହୁ ସ୍କୋର ଦାଇତ୍ୱ ନିର୍ବାହ କରିଥିବା ବେଳେ ସଚିକାନ୍ତ ଚାନ୍ଦ ଧାରାବିବରଣୀ ପ୍ରଦାନ କରିଥିଲେ।