30-Nov-2024

ବୀରମହାରାଜପୁର,(ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା  ବୀରମହାରାଜପୁର ସଦର ସ୍ଥିତ ସରସ୍ଵତୀ ଶିଶୁ ବିଦ୍ୟା ମନ୍ଦିରର ବାର୍ଷିକ କ୍ରୀଡା ଉତ୍ସବ ସ୍ଥାନୀୟ ମିନି ଷ୍ଟାଡିୟମ ଠାରେ ଦୁଇଦିନ ଧରି ଅନୁଷ୍ଠିତ ହୋଇଯାଇଛି। ଉଦଘାଟନୀ ଉତ୍ସବରେ ସ୍ଥାନୀୟ ତହସିଲଦାର ସୁଶ୍ରୀ ପୁନମ୍ ମହାପାତ୍ର ମୁଖ୍ୟ ଅତିଥି ତଥା ପରିଚାଳନା କମିଟି ସଭାପତି ରୁଦ୍ରାକ୍ଷ ସାହୁ, ସମ୍ପାଦକ ରାଜେନ୍ଦ୍ର ପ୍ରଧାନ, କୋଷାଧ୍ୟକ୍ଷ ଜୀତେନ୍ଦ୍ର ଦାଶ, ସହ ସମ୍ପାଦକ ପ୍ରଫୁଲ୍ଲ ଡାଙ୍ଗ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ପ୍ରଧାନ ଆଚାର୍ଯ୍ୟ ଜନକରାମ ପଟେଲଙ୍କ ତତ୍ତ୍ଵାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ଆଚାର୍ଯ୍ୟ ଫକିର ସାହୁ ବାର୍ଷିକ ବିବରଣୀ ପଠନ କରିଥିଲେ । ଆଚାର୍ଯ୍ୟା ସନ୍ତୋଷିନୀ ସାମନ୍ତରା ସଭାର ସଂଯୋଜନା କରିଥିବାବେଳେ ଆଚାର୍ଯ୍ୟା ସୁଜାତା ଶତପଥୀ ଧନ୍ୟବାଦ ଅର୍ପଣ କରିଥିଲେ । ଉଦଯାପନୀ ଉତ୍ସବରେ ସ୍ଥାନୀୟ ବ୍ଲକ ଉପାଧ୍ୟକ୍ଷ ନାରାୟଣ ଲୁହା ମୁଖ୍ୟ ଅତିଥି ଓ ଲକ୍ଷ୍ମୀନାରାୟଣ ପୁରୋହିତ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ଆଚାର୍ଯ୍ୟ ଉମେଶ ଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ । ଶିଶୁ ବାଟିକା ଠାରୁ ୧୦ମ ଶ୍ରେଣୀଯାଏ ମୋଟ ୭୪ଟି ଖେଳ ଅନୁଷ୍ଠିତ ହୋଇଥିଲା । ମୋଟ ୪୫୦ ଜଣ ଛାତ୍ର ଛାତ୍ରୀ ଏଥିରେ ଭାଗ ନେଇଥିଲେ । ସେହିଭଳି ହିଙ୍ଗମା ସ୍ଥିତ ସରସ୍ବତୀ ଶିଶୁ ମନ୍ଦିରର ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି । ବାଳକ ବର୍ଗରେ କୈଳାଶ ବଣ୍ଡକି ଓ ବାଳିକା ବିଭାଗରେ ପ୍ରଜ୍ଞାଶ୍ରୀ ମାଝୀ ଚମ୍ପିଆନ ହୋଇଥିଲେ । ଉଦଯାପନୀ ଉତ୍ସବରେ ରକସା ପଞ୍ଚାୟତର ସରପଞ୍ଚ କଲ୍ୟାଣୀ ମାଝୀ ମୁଖ୍ୟ ଅତିଥି ଓ ଶିଶୁ ମନ୍ଦିରର ସଭାପତି ଶରତ ପୁରୋହିତ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ପ୍ରଧାନ ଆଚାର୍ଯ୍ୟ ଅନନ୍ତ ଗାଇଗାରିଆ ସଭା ପରିଚାଳନା କରିଥିବାବେଳେ କମିଟି ସଦସ୍ୟ ରାମକୃଷ୍ଣ ଷଡ଼ଙ୍ଗୀ, ରାଜେନ୍ଦ୍ର ପାଢ଼ୀ, ପ୍ରଦୀପ ପାଢ଼ୀ, ସନ୍ତୋଷ ଭୋଇ ପ୍ରମୁଖ ଉପସ୍ଥିତ ଥିଲେ । ଗୁରୁଜୀ ମୋହନ ଭୋଇ,  ବିଶ୍ବମ୍ବର ପଣ୍ଡା, ଗୁରୂମା ବେବିନା ରାଉତ, ରୀତାଞ୍ଜଳି ପଣ୍ଡା, ମମତା ତ୍ରିପାଠୀ, ମମତା ଭୋଇ, ମଞ୍ଜୁ ବିଶି ସସ୍ମିତା ପଧାନ, ସସ୍ମିତା ନାୟକ ପ୍ରମୁଖ ଉପସ୍ଥିତ ଥିଲେ।