28-Nov-2024

ତରଭା(କପିଳାସ ସେଠ) ତରଭା  ଏ.ଇ.ଏସ୍ ମହାବିଦ୍ୟାଳୟ ପରିସରରେ ୭୫ତମ ସମ୍ବିଧାନ ଦିବସ ପାଳିତ ହୋଇଯାଇଛି। ମହାବିଦ୍ୟାଳୟରେ ଭାରତ ରତ୍ନ ଡଃ ବାବା ସାହେବ ଆମ୍ବେଦକରଙ୍କ ଫଟୋଚିତ୍ରରେ ମାଲ୍ୟାର୍ପଣ ସହ ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା  I ତରଭା  ମହାବିଦ୍ୟାଳୟର ଅଧ୍ୟକ୍ଷ କୃଷ୍ଣଚନ୍ଦ୍ର ମିଶ୍ରଙ୍କ ଅଧ୍ୟକ୍ଷତା କରିଥିଲେ I ଏଥିରେ  ମୁଖ୍ଯ ଅତିଥିଭାବେ ପରିଚାଳନା କମିଟିର ମୁଖ୍ଯ ଶୈଲେନ୍ଦ୍ର ସାହୁ ଯୋଗଦେଇ ଛାତ୍ର ଛାତ୍ରୀଙ୍କୁ ସମ୍ବିଧାନ କେମିତି ଭାରତୀୟ ନାଗରିକଙ୍କୁ ନ୍ଯାୟ, ସମାନତା, ସ୍ୱତନ୍ତ୍ରତା ପ୍ରଦାନ କରିଅଛି ଏବଂ ତାଙ୍କ ମଧ୍ଯରେ ଭ୍ରାତୃଭାବ ସ୍ଥାପନ ଉତ୍ସାହିତ କରୁଅଛି ବୋଲି ମତ   ରଖିଥିଲେ ।  ମୁଖ୍ଯବକ୍ତା ଭାବେ ତରଭା ଓକିଲ ସଂଘର ପୂର୍ବତନ ସଭାପତି ସୁବିଜ୍ଞ ଦରବାନ ଯୋଗଦେଇ ଭାରତୀୟ ସମ୍ବିଧାନ ଓ ଗଣତନ୍ତ୍ରକୁ ମଜଭୂତ କରିବା ସହ ଏକତା ଓ ଅଖଣ୍ଡତାକୁ ଅକ୍ଷୂର୍ଣ୍ଣ ରଖିବା ପାଇଁଁ ସମସ୍ତେ ସମ୍ବିଧାନର ନୀତି ଓ ଆଦର୍ଶର ଅନୁପାଳନ କରିବାକୁ ଆହ୍ବାନ ଦେଇଛନ୍ତି। ସମ୍ମାନିତ ଅତିଥିଭାବେ ତରଭା ଷ୍ଟେଟ ବ୍ୟାଙ୍କ ମ୍ୟାନେଜର ସୁଶାନ୍ତ ସାହୁ ଯୋଗଦେଇ ଭାରତରେ ସମ୍ବିଧାନ ଲାଗୁ ହେବା ଫଳରେ ନାରୀମାନଙ୍କୁ ,ଶୋଷିତ ସର୍ବହାର ଗୋଷ୍ଠୀଙ୍କୁ କେମିତି ହକ୍ ଅଧିକାର ମିଳିପାରିଛି ସେ ସମ୍ପର୍କରେ ଅବଗତ କରାଇ ଥିଲେ। ଅଧକ୍ଷ ଶ୍ରୀ ମିଶ୍ର ସ୍ବାଗ ତ ଭାଷଣ ସହ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ଅଧ୍ୟାପିକା ବିନତୀ ମିଶ୍ର ଅଧ୍ୟାପକ, ରୋଶନ ମେହେର ଏବଂ ମହାବିଦ୍ୟାଳୟର ଅନ୍ୟାନ୍ଯ ଅଧ୍ୟାପକ/ଅଧ୍ୟାପିକା ସହ ଛାତ୍ରଛାତ୍ରୀମାନେ ଯୋଗ ଦେଇଥିଲେ I