28-Nov-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ ବିଜେପୁର ମହାବିଦ୍ୟାଳୟ, ବିଜେପୁରରେ  ଜାତୀୟ ସମ୍ବିଧାନ ଦିବସ ରାଜନୀତି ବିଜ୍ଞାନ ଏବଂ ଜାତୀୟ ସେବା ଯୋଜନାର ମିଳିତ ଉଦ୍ୟମରେ ମହାସମାରୋହରେ ପାଳିତ ହୋଇଯାଇଛି l ଏହି ସମାରୋହରେ ବିଜେପୁର ମହାବିଦ୍ୟାଳୟର ଅଧ୍ୟକ୍ଷ ପ୍ରଦୀପ କୁମାର ମିଶ୍ରଙ୍କର ସଭାପତିତ୍ୱରେ ପରିଚାଳିତ ହୋଇଥିଲା l ସମାରୋହର ଆରମ୍ଭ ରାଜନୀତି ବିଭାଗର ଛାତ୍ରୀମାନଙ୍କ ପ୍ରାରମ୍ଭିକ ସଂଗୀତ ଗାନ କରିଥିଲେ ଏବଂ ମଂଚାସୀନ ଅତିଥିମାନଙ୍କ ଦ୍ୱାରା ଡ଼. ବି. ଆର ଆମ୍ବେଦକରଙ୍କର ଫୋଟୋଚିତ୍ର ପୁଷ୍ପମାଲ୍ୟ ଦେବା ସହ ଦୀପ ପ୍ରଜ୍ବଳନ କରିଥିଲେ l ରାଜନୀତି ବିଜ୍ଞାନର ଅଧ୍ୟାପକ ଶ୍ରୀଯୁକ୍ତ ରମେଶ ସାହୁ ମଂଚାସୀନ ଅତିଥିମାନଙ୍କର ପରିଚୟ ପ୍ରଦାନ କରିଥିଲେ l ସଭାପତି ଶ୍ରୀଯୁକ୍ତ ମିଶ୍ର ସମ୍ବିଧାନିକ ନୀତି ନିୟମ ପ୍ରତି ସମସ୍ତ ଛାତ୍ରଛାତ୍ରୀ ତଥା ଅଧ୍ୟାପକ-ଅଧ୍ୟାପିକାମାନଙ୍କୁ  ସଚେତନ କରିଥିଲେ l ଏହି ସଭା ସମ୍ମାନିତ ଅତିଥି ସରୋଜ କୁମାର ପାଣିଗ୍ରାହୀ ବୃହତ ଜନତାଙ୍କ ଶୃଙ୍ଖଳିତ ଜୀବନଯାପନ ପାଇଁ ସମ୍ବିଧାନର ଆବଶ୍ୟକତା ସମ୍ପକରେ ନିଜର ଅଭିଭାଷଣ ରଖିଥିଲେ l ଏହି ସଭାର ମୁଖ୍ୟବକ୍ତା ଶ୍ରୀଯୁକ୍ତ ଅମୁଲ୍ୟନିଧି ପଧାନ ସମ୍ବିଧାନ ସମ୍ପର୍କୀୟ ପୁଙ୍ଖାନୁପୁଙ୍ଖ ବିବରଣୀ ସମ୍ପର୍କରେ ଅବଗତ କରିଥିଲେ l 
ଏହି ସଭାର ସଂଯୋଜନା କରିଥିଲେ ଜାତୀୟ ସେବା ଯୋଜନାର ସଂଯୋଜିକା ଇଂରାଜୀ ବିଭାଗର ଅଧ୍ୟାପିକା ଶ୍ରୀମତୀ ପ୍ରତୀକ୍ଷା ସେଠ୍ ଏବଂ ଧନ୍ୟବାଦ ଅର୍ପଣ କରିବା ସହିତ ସମସ୍ତ ଦାୟିତ୍ୱର ଭାର ନେଇଥିଲେ ରାଜନୀତି ବିଜ୍ଞାନର ଅଧ୍ୟାପିକା ମଣ୍ଟି ବିଶି l ଏହି ସଭାରେ ପ୍ରାଧ୍ୟାପକ ମହେନ୍ଦ୍ର ପଧାନ, ପ୍ରାଧ୍ୟାପକ ପ୍ରଶାନ୍ତ ସାହୁ, ପ୍ରାଧ୍ୟାପକ ଯୋଗେଶଚନ୍ଦ୍ର ଭୋଇ, ଡକ୍ଟର ଦିନେଶ ଅଗ୍ରୱାଲା, ଅଧ୍ୟାପକ ସୁରେନ୍ଦ୍ର ସାହୁ, ଅଧ୍ୟାପକ ଶାନ୍ତନୁ ସାହୁ, ଅଧ୍ୟାପକ ରବିକାନ୍ତ ମହାନନ୍ଦ,ଅଧ୍ୟାପକ ଗଣେଶ ସାହୁ, ଅଧ୍ୟାପକ ପଦ୍ମଲୋଚନ ଷାଣ୍ଢ, ପି.ଇ.ଟି ସାନନ୍ଦ ସେଠ୍, ଅଧ୍ୟାପିକା ଅନୁକମ୍ପା ପଧାନ, ଝରଣା ମହାକୁର, ସନ୍ତୋଷିନୀ ପଧାନ, ମାନସୀ ମହାରଣା, ସ୍ଵାଗତିକା ଗଡ଼ତିଆ, ନମ୍ରତା ପଧାନ, ମିନାକ୍ଷୀ ପଧାନ l ସମ୍ବିଧାନ ଦିବସ ଅବସରରେ ଡକ୍ଟର ଦିନେଶ ଅଗ୍ରୱାଲାଙ୍କ କଳ୍ପିତା (ହିନ୍ଦୀ ଅନୁବାଦ) ଉନ୍ମୋଚିତ ହୋଇଥିଲା l ସଭାଶେଷରେ ଶ୍ରୀଯୁକ୍ତ ଅଧ୍ୟକ୍ଷଙ୍କ ସହିତ ସମସ୍ତ ଅଧ୍ୟାପକ-ଅଧ୍ୟାପିକା, ଛାତ୍ରଛାତ୍ରୀ ସମ୍ବିଧାନର ପ୍ରସ୍ତାବନା ପାଠ କରିଥିଲେ l ସଭାର ଦ୍ଵିତୀୟ ଅଧିବେଶନରେ ସାଂସ୍କୃତିକ କାର୍ଯ୍ୟକ୍ରମ ଭିତ୍ତିକ ପ୍ରତିଯୋଗିତା କରାଯିବା ସହିତ କୃତି ଛାତ୍ରଛାତ୍ରୀମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା l