09-Jan-2021

ବଲାଙ୍ଗୀର,(ପ୍ରେରଣା ଖବର)- ସ୍ଥାନୀୟ ସିଭିଲ କୋର୍ଟ ବାର ହଲ୍ ଠାରେ ବଲାଙ୍ଗିର ଜିଲ୍ଲା ଓକିଲ ସଂଘ ପକ୍ଷରୁ ‘ନୂଆଁ ମୋଟର ଭାଇକିଲ ଆକ୍ଟ ଲୋକଙ୍କ ପାଇଁ ବେଶୀ ଫଳପ୍ରଦ ନାଁ ହାନୀକାରକ ?(IS THE NEW MOTOR VEHICLES ACT MORE BENEFICIAL OR HARMFUL TO PEOPLE  ? )  ଶୀର୍ଷକ ବିଷୟବସ୍ତୁ ଉପରେ ଏକ ସେମିନାର ଅନୁଷ୍ଠିତ ହୋଇଥିଲା । ଓକିଲ ସଂଘର ସଭାପତି ପ୍ରବୀଣ କୁମାର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସେମିନାରରେ ବଲାଙ୍ଗୀର ଜିଲ୍ଲା ଦୌରା ଜଜ୍ ଶ୍ୟାମ ସୁନ୍ଦର ଦାସ ମୁଖ୍ୟ ଆଲୋଚକ ଭାବରେ ଯୋଗ ଦେଇ ସରକାର ପ୍ରଣୟନ କରିଥିବା ନୂଆଁ ମୋଟର ଭାଇକିଲ ଆକ୍ଟର ଆଇନଗତ ଦିଗ ଉପରେ ତର୍ଜମା କରିବା ସହ ଏହାର ଅଣୁପାଳନ ଉପରେ ସମସ୍ତଙ୍କୁ ବୁଝାଇଥିଲେ । ସମ୍ମାନିତ ବକ୍ତା ଭାବରେ  ବଲାଙ୍ଗିର ସହ ସଡକ ପରିବହନ ଅଧିକାରୀ ଯୋଗ ଦେଇ ଶୀର୍ଷକ ବିଷୟବସ୍ତୁ ଉପରେ ଆଲୋଚନା କରିଥିଲେ । ଜିଲ୍ଲା ଓକିଲ ସଂଘର ସଂପାଦକ ବାସୁଦେବ ରଥଙ୍କ ସଂଯୋଜନାରେ ଅନୁଷ୍ଠିତ ଏହି ସେମିନାରରେ ଅନ୍ୟ ମାନଙ୍କ ମଧ୍ୟରେ ଏଡ଼ଭୋକେଟ ଜୟକୃଷ୍ଣ ସାହୁ, ଭବାନୀ ଶଙ୍କର ଶତପଥୀ, ପ୍ରମୋଦ  ବହିଦାର, ଅନିମେଶ ପଣ୍ଡା, ଯାଜ୍ଞସେନୀ ମହାନନ୍ଦ, ଦେବଦତ୍ତ ଯୋଷୀ, ସ୍ମିତା ମହାପାତ୍ର, ଚନ୍ଦ୍ରଶେଖର ମିଶ୍ର ଓ ଆଇନ ଛାତ୍ର ରୋଶନ ପଣ୍ଡା ଭାଗ ନେଇ ମୋଟର  ଭାଇକିଲ ଏକ୍ଟର ସପକ୍ଷ ଓ ବିପକ୍ଷ ଦିଗ ଉପରେ ଆଲୋଚନା କରିଥିଲେ । ସରକାରଙ୍କ ନୂଆଁ ମୋଟର ଭାଇକିଲ ଆଇନ ସାଧାରଣ ଲୋକଙ୍କ ସୁବିଧା ପାଇଁ ତିଆରି ହୋଇଛି । ଜଣେ ସଚେତନ ନାଗରିକ ଭବରେ ଏହି ସବୁ ନିୟମକୁ ଆମେ ସମସ୍ତେ ପାଳନ କରିବା ଉଚିତ ବୋଲି ଆଲୋଚନାରେ ମତପ୍ରକାଶ ପାଇଥିଲା । ଏହି ସେମିନାରରେ ଜିଲ୍ଲା ଓକିଲ ସଂଘର ସମସ୍ତ ସଭ୍ୟ,ସଭ୍ୟା ଯୋଗ ଦେଇଥିଲେ । ଶେଷରେ ସଂଘ ର ସଂପାଦକ ବାସୁଦେବ ରଥ ଧନ୍ୟବାଦ ଜ୍ଞାପନ କରିଥିଲେ ।