22-Nov-2024

ବଲାଙ୍ଗୀର(ଦେବାଶିଷ ବହିଦାର): ସହଯୋଗ ଫାଉଣ୍ଡେସନର ତତ୍ତ୍ୱାବଧାନରେ  ସୋନପୁର ଜିଲ୍ଲା ନିମ୍ନା ଗ୍ରାମର  ବାସିନ୍ଦା ସୁରେଖା ଦାଶ(୯୦ ବର୍ଷ ) ଙ୍କ ମରଣ ପରେ ନେତ୍ରଦାନ କଲେ।  ପ୍ରକାଶ ଥାଉକି, ଜୀବନ ଥିଲା ସମୟରେ ସହଯୋଗ ଫାଉଣ୍ଡେସନର ସଭ୍ୟମାନେ ଧର୍ମପରାୟଣ ମହିଳା ସୁରେଖା ଦାଶ ପାଖକୁ ଯାଇ ନେତ୍ରଦାନ  କରବା ପାଇଁ ଅଵଗତ କରିଥିଲେ । ମୃତ୍ୟୁ ହେବା ପୂର୍ବରୁ ସୁରେଖା ଦାଶ ଦୁଇ ପୁତ୍ର ସତ୍ୟ ନାରାୟଣ ଦାଶ, ରାମ ନାରାୟଣ ଦାଶ ପାଖକୁ ଡାକି
ମୋର ମରଣ ପରେ ନେତ୍ର ଦାନ କରିବ ଯାହା ଫଳରେ ଅନ୍ୟମନେ ମୋର ଆଖିରେ ପୁଣି ଦୁନିଆକୁ ଦେଖିପାରିବେ ବୋଲ କହିଥିଲେ । ସୁରେଖା ଦାଶଙ୍କ ବାର୍ଦ୍ଧିତଜନିତ ମରଣ ପରେ  ନେତ୍ରଦାନ ସମୟରେ ଦୁଇ ପୁତ୍ର ସହ ପୁତ୍ରବଧୁ ଆମ୍ବୁଜାକ୍ଷୀ ଦାଶ, ଝିଅ  ଯୁଗେଶ୍ୱରୀ ମିଶ୍ର, ପ୍ରାଣେଶ୍ୱରୀ ଶତପଥୀ, ଶାନ୍ତିଲତା ନନ୍ଦ, ବାସନ୍ତୀ ଦେବତା, ଗୀତାଞ୍ଜଳୀ ମିଶ୍ର, ଜଇଁ ସତ୍ୟ ନାରାୟଣ ମିଶ୍ର, ଧ୍ରୁବ ଚରଣ ଶତପଥୀ, ଦୁର୍ବାଦଲ ମିଶ୍ର, ନାତି  ସନତ କୁମାର  ମିଶ୍ର, ନରେଶ କୁମାର ଶତପଥୀ, ସୁନୀଲ ମିଶ୍ର, ତୃପ୍ତିମୟୀ ମିଶ୍ର , ସୁଶ୍ରୀ ରାଣୀ ବଡ଼ପଣ୍ଡା, ଦେବାଶିଷ ଦେବତା, ସାନନ୍ଦ ନନ୍ଦ ଓ ଆତ୍ମୀୟ ଜନ ତଥା ସହଯୋଗ ଫାଉଣ୍ଡେସନର ସଭ୍ୟ ପବନ ଅଗ୍ରୱାଲା, ରେଡ଼କ୍ରସ କର୍ମୀ ରବିଚନ୍ଦ୍ର ପଶାୟତ ପ୍ରମୁଖ ଉପସ୍ଥିତ ଥିଲେ ।