22-Nov-2024

ବରଗଡ:(ନିରଞ୍ଜନ ତ୍ରିପାଠୀ)-ଡ଼ା. ଜୟପାଲ ସେନାପତି, ଅତିରିକ୍ତ ଜିଲ୍ଲା ଜନସ୍ୱାସ୍ଥ୍ୟ ଅଧିକାରୀ ବରଗଡ଼ ଗତ ତା.୨୧.୧୧.୨୦୨୪ରିଖ ସନ୍ଧ୍ୟା ୭.୩୦ମି ରେ ଇହଧାମ ତ୍ୟାଗ କଲେ। ତାଙ୍କର ଅମର ଆତ୍ମାର ସଦଗତି ନିମନ୍ତେ  ଜିଲ୍ଲା ମୁଖ୍ୟ ଚିକିତ୍ସାଳୟ ବରଗଡ ଠାରେ ଭାରପ୍ରାପ୍ତ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ଼ା. ସୁବାଷ ଅଗ୍ରୱାଲଙ୍କ ସଭାପତିତ୍ବରେ ଏକ ଶୋକସଭା ଅନୁଷ୍ଠିତ ହୋଇଯାଇଛି । ଅମର ଆତ୍ମାର ସଦଗତି  ନିମନ୍ତେ ପ୍ରଥମେ ୨ ମିନିଟ ନିରବ ପ୍ରାର୍ଥନା କରାଯାଇଥିଲା । ସମସ୍ତ ସ୍ୱାସ୍ଥ୍ୟ କର୍ମଚାରୀ ଶ୍ରଦ୍ଧା ସୁମନ ଅର୍ପଣ ପୂର୍ବକ ତାଙ୍କର ସ୍ମୃତିଚାରଣ କରିଥିଲେ । ପ୍ରକାଶ ଥାଉ କି ଡ଼. ସେନାପତି ତା୦୧-୦୬-୧୯୬୩ ରେ କଟିଙ୍ଗିଆ କନ୍ଧମାଳ ଠାରେ ଜନ୍ମଗ୍ରହଣ କରି ୧୩-୧୧-୧୯୯୪ ରେ ମେଡିକାଲ ଅଫିସର ହିସାବରେ ସରକାରୀ ଚାକିରୀରେ ଯୋଗଦାନ କରିଥିଲେ । ଗତ ତା ୦୯.୧୦.୨୦୨୦ ରେ ପଦୋନ୍ନତି ପାଇ ବରଗଡ଼ ଜିଲ୍ଲାରେ ଯୋଗଦାନ କରି ତାଙ୍କର କାର୍ଯ୍ୟ ସୁଚାରୁ ରୁପେ ତୁଲାଇ ଆସୁଥିଲେ ।ଆସନ୍ତା ୩୧-୦୫-୨୦୨୮ରେ କାର୍ଯ୍ୟରୁ ଅବସର ଗ୍ରହଣ କରିବା ପୂର୍ବରୁ ଗତ ତା ୨୧-୧୧-୨୦୨୪ରେ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟ ଠାରେ ଚିକିତ୍ସାଧିନ ଅବସ୍ଥାରେ ଇହଧାମ ତ୍ୟାଗ କରିଛନ୍ତି।ସେ ଜଣେ ମେଳାପୀ ମିଷ୍ଟଭାଷୀ ତଥା ନିଜ ଅଧିନସ୍ଥ ସମସ୍ତ କର୍ମଚାରୀ ମାନଙ୍କୁ ନିଜ ପରିବାରର ଜଣେ ଜଣେ ସଦସ୍ୟ ଭାବେ ଦେଖୁଥିଲେ ବୋଲି କର୍ମଚାରୀ ମହଲରେ ଶୋକର ଛାୟା ଖେଳି ଯାଇଛି। ମୃତ୍ୟୁ ପୂର୍ବରୁ ତାଙ୍କ ସହଧର୍ମିଣୀ, ଏକ ପୁଅ ଏକ ଝିଅଙ୍କୁ ସବୁଦିନ ପାଇଁ ଛାଡ଼ି ଚାଲି ଯାଇଛନ୍ତି।