22-Nov-2024

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ଭାରତ ସ୍ବାଧୀନତା ହେବା ର ୭୭ ବର୍ଷ ପୂରିଯାଇଥିଲେ ସୁଦ୍ଧା ଦେଶ ର ବିକାଶ ହୋଇ ପାରୁନଥିବା ଦେଖିବାକୁ ମିଳୁଛି କିନ୍ତୁ ଏପଟେ ସରକାର ବାହାଦୁର ବଡ଼ ବଡ଼ ଅକ୍ଷର ବିଜ୍ଞାପନ ଦେଇ ବିକାଶ ର ଡିମ୍ ଡିମି ପିଟୁଛନ୍ତି। ଆଜି ମଧ୍ୟ କିଛି ଅଞ୍ଚଳ ରେ ବିକାଶ ବାଟବଣା ହୋଇଯାଇଛି। ଏଥିରେ ମୁଖ୍ୟ ଭୂମିକା ରହୁଛି ପ୍ରଶାସନିକ ଅଧିକାରୀ ଏବଂ ରାଜନେତାଙ୍କ। ବର୍ତ୍ତମାନ ଓଡ଼ିଶା ର ପଶ୍ଚିମାଞ୍ଚଳ ରେ ଦାରିଦ୍ର୍ୟତା ଓ ଅଭାବ ଅନଟନ ରେ ମୃତ୍ୟୁ ବରଣ କରୁଛନ୍ତି ଲୋକେ। ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି ଉପ ମୁଖ୍ୟମନ୍ତ୍ରୀ ଙ୍କ ଅଞ୍ଚଳରେ। ସୂଚନା ଅନୁସାରେ ବଲାଙ୍ଗିର ଜିଲ୍ଲା ପାଟଣାଗଡ଼ ନିର୍ବାଚନ ମଣ୍ଡଳୀ ବେଲପଡା ବ୍ଳକ ସେମେଲପାଲି ଗାଁ ର ଅସହାୟ ବୃଦ୍ଧ ଭଗବାନ ମଲ୍ଳିକ ନାମକ ଜଣେ ବ୍ୟକ୍ତି ଗାଁ ରୁ ଆସି ବେଲପଡା ସ୍ଥିତ ରାମମନ୍ଦିର ପଡ଼ା ଉମାକାନ୍ତ କଟା ଙ୍କ ଘରେ ରହୁଥିଲେ।ବେଲପଡା ବ୍ଳକ କାର୍ଯ୍ୟାଳୟ ର ୧୦୦ ମିଟର ଦୂରତା ରେ ରହୁଥିଲେ ମଧ୍ୟ ପ୍ରଶାସନିକ ଅଧିକାରୀଙ୍କ କୌଣସି ଦୃଷ୍ଟି ପଡୁନବାରୁ ତାଙ୍କୁ କୌଣସି ସରକାରୀ ସହାୟତା ମିଲୁନଥିଲା।ସେ ପର ଘରେ ଭିକ୍ଷା ବୃତ୍ତି କରି ନିଜ ପେଟପାଟଣା କରୁଥିବା ବେଳେ ଆଜି ତାଙ୍କ ମୃତ୍ୟୁ ଘଟିଯାଇଛି।ଶବ ସତ୍କାର ପାଇଁ ପରିବାର କୁଟୁମ୍ବ ନଥିବା ଯୋଗୁଁ ତାଙ୍କ ଶବ ସତ୍କାର ପାଇଁ ବେଲପଡା ର ଜନକଲ୍ୟାଣ ଟ୍ରଷ୍ଟ ର ସଦସ୍ୟ ମାନେ ଆଗେଇ ଆସି ଶବ ସତ୍କାର କରିଛନ୍ତି। ଉକ୍ତ ଶବ ସତ୍କାର କାର୍ଯ୍ୟ ରେ ଜନ କଲ୍ୟାଣ ଟ୍ରଷ୍ଟ ସଭାପତି କାନ୍ତ ରଣା, ସମ୍ପାଦକ କେଦାର ଦଣ୍ଡସେନା, ସଞ୍ଜିବ କୁମାର ପୃଷ୍ଟି, ସୁରେଶ ବରିହା, ସଂଗ୍ରାମ ଦୀପ,ମୂରଲୀ ମେହେର, ନରେଶ ସାହୁ ଉପସ୍ଥିତ ରହି କାର୍ଯ୍ୟ ତୁଲାଇଥିଲେ।ଜନ କଲ୍ୟାଣ ଟ୍ରଷ୍ଟ ଏଭଳି ଜନମଙ୍ଗଳ କାର୍ଯ୍ୟ ପାଇଁ ଅଞ୍ଚଳବାସୀ ସାଧୁବାଦ ଜଣାଇଛନ୍ତି।