21-Nov-2024

ସୁବର୍ଣ୍ଣପୁର ( ମନୋରଞ୍ଜନ ତ୍ରିପାଠୀ )
 ସୋନପୁର ଅବକାରୀ ବିଭାଗର ଏକ ଟିମ ବୈଦ୍ୟନାଥ ଛକ୍‌ଠାରେ ଚଢଉ କରି ୨୧୫ ବୋତଲ କଫ୍ ସିରଫ ଜବତ କରିବା ସହ ଜଣକୁ ଗିରଫ କରିଛି। ଅଭିଯୁକ୍ତ ଜଣକ ତରଭା ଥାନା ଅନ୍ତର୍ଗତ ଝାରତରଭା, ତେଲିପଡାର ଓମ୍ ପ୍ରସାଦ ଦଳବେହେରା ହୋଇଥିବା ବେଳେ ଏହି କଫ ସିରଫ ଚାଲାଣରେ ବ୍ୟବହୃତ ଏକ ବାଇକକୁ ମଧ୍ୟ ବିଭାଗ ଜବତ କରିଛି। ଏ ନେଇ ଅବକାରୀ ବିଭାଗ ଏକ ମାମଲା ରୁଜୁକରି ଅଭିଯୁକ୍ତକୁ କୋର୍ଟଚାଲାଣ କରିଥିବା ସୂଚନା ମିଳିଛି। ଅବକାରୀ ଅଧିକ୍ଷକ ପ୍ରବୀର କୁମାର ସାମଲଙ୍କ ନିର୍ଦ୍ଦେଶକ୍ରମେ ଇନ୍ସପେକ୍ଟର ପ୍ରକାଶ କୁମାର ସା, ଇନ୍ସପେକ୍ଟର ହରପ୍ରସାଦ ରଣା, ଏସଆଇ ସାନ୍ତନୁ ପଟ୍ଟନାୟକ, ଏସ୍‌ଆଇ ବିଶ୍ୱନାଥ ଭୋଇ, ଏଏସଆଇ ସନ୍ତୋଷ ସାହୁ ପ୍ରମୁଖ କର୍ମଚାରୀ ଏହି ଚଢଉରେ ସାମିଲ୍ ଥିଲେ।