21-Nov-2024

ତୁଷୁରା(ପ୍ରେରଣାଖବର):ଆଜି ପ୍ରାତଃ ୪ ଘଣ୍ଟା ସମୟରେ ତୁଷୁରା ନିବାସୀ ପ୍ରମୋଦ ଦର୍ଜି ଙ୍କ ଧର୍ମ ପତ୍ନୀ ସୁରେଶ୍ଵରୀ ଦର୍ଜି ଙ୍କ ୭୫ ବର୍ଷ ବୟସରେ ଦେହାନ୍ତ ହୋଇଯାଇଛି।ସେ ଜଣେ କର୍ତବ୍ୟନିଷ୍ଠା ଧର୍ମ ପରାୟଣ ମହିଳା ଥିଲେ ବାର୍ଦ୍ଧକ୍ୟ ଯୋଗୁଁ ସେ ଅନେକ ଦିନରୁ ଚିକିତ୍ସିତ ହେଉଥିଲେ।ଚିକିତ୍ସିତ ଅବସ୍ଥାରେ ତାଙ୍କ ନିଜ ଘର ତୁଷୁରା ରେ ତାଙ୍କର ମୃତ୍ୟୁ ହୋଇଥିଲା।ମୃତ୍ୟୁ ବେଳକୁ ତାଙ୍କ ନିକଟରେ ତାଙ୍କ ପୁତ୍ର ବଲାଙ୍ଗିର ଦର୍ଜି ସମାଜ ର ସାଧାରଣ ସମ୍ପାଦକ ସରୋଜ ଦର୍ଜି,ବୁଲୁ ଦର୍ଜି,ପୁତ୍ରବଧୂ,ନାତି ନାତୁଣୀ,ତାଙ୍କ ସ୍ଵାମୀ ପ୍ରମୋଦ ଦର୍ଜି,ତାଙ୍କ ଝିଅ ମାନେ ତଥା ଆତ୍ମୀୟ ସ୍ୱଜନ ଉପସ୍ଥିତ ଥିଲେ।ସେ ଜଣେ ଧର୍ମ ବିଶ୍ବାସୀ ଭାଗବତ ପ୍ରେମୀ ମହିଳା ଭାବେ ବେଶ୍ ଜଣାଶୁଣା।ସେ ତାଙ୍କ ପରିବାର ର ସମସ୍ତ ସଦସ୍ୟ ଙ୍କୁ ନିଜର ସ୍ନେହ ବଳରେ ନିଜର କରି ପାରିଥିଲେ।ତାଙ୍କ ମିଲାପି ଗୁଣ ଯୋଗୁଁ ସେ ପଡୋଶୀ ଙ୍କ ସହିତ ମଧ୍ୟ ସମଭାବାପନ୍ନ ହୋଇ ରହିଥିଲେ।ତାଙ୍କ ବିୟୋଗ ରେ ଅଞ୍ଚଳରେ ତଥା ନିଜ ସମାଜ ରେ ଶୋକ ର ଛାୟା ଖେଳି ଯାଇଛି।ଆଉ ଶୁବିବନି ମାଁ ର ସ୍ନେହଭରା ଡାକ।ଚିର ନିଦ୍ରାରେ ରହିଗଲେ ସୁରେଶ୍ଵରୀ।ସମସ୍ତ ପରିବାର କୁ ଛାଡ଼ି ଚାଲିଗଲେ ଆରପାରିକୁ ସବୁଦିନ ପାଇଁ।ଆଉ ଦେଖା ହେବ ନାହିଁ ଏ ଜୀବନରେ,ଏ ଜନମରେ।ସେ ଇଶ୍ୱରୀୟା,ନମସ୍ୟା,ଧର୍ମ ପରାୟଣ ଙ୍କୁ ବଲାଙ୍ଗିର ଦର୍ଜି ଜାତି ସମାଜ ପକ୍ଷରୁ ଲୋତକଭରା ଅଶ୍ରୁଳ ବିଦାୟ ଶ୍ରଦ୍ଧାଞ୍ଜଳି।ତାଙ୍କର ଅମର ଆତ୍ମା ର ସଦଗତି ହେଉ।ଏହାହିଁ ଈଶ୍ୱର ଙ୍କ ଠାରେ ପ୍ରାର୍ଥନା।