10-Nov-2024

ବରପାଲି(ସୁଦାମ ଦୀପ):  ବରଗଡ ଜ଼ିଲ୍ଲା ବରପାଲି ବ୍ଲକ ଅନ୍ତର୍ଗତ ଲୋକକଳା ଗ୍ରାମ କୁମ୍ଭାରୀ ଠାରେ ୧୭୫ତମ ବ୍ରଜେଶ୍ବରୀ ସ୍ନାନ ଉତ୍ସବ ମହାସମାରୋହ ଅନୁଷ୍ଠିତ ହୋଇ ଯାଇଛି l ଏହି ଅବସରରେ ଦୁଇଦିନ ବ୍ୟାପି ଓଡିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ଲୋକ ମହୋତ୍ସବ ଅନୁଷ୍ଠିତ ହୋଇଛି l ବ୍ରଜେଶ୍ଵରୀ ନୃତ୍ୟ କଳା ସଂସଦର ସଭାପତି କେତନ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ସାନ୍ଧ୍ୟ କାଳୀନ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବିଜେପୁର ବିଧାୟକ ସନତ ଗଡତିଆ, ସମ୍ମାନିତ ଅତିଥି ଭାବରେ ହରେକୃଷ୍ଣ ଭୋଇ, ସଭାପତି ସଂସ୍କାର ଭାରତୀ ପଶ୍ଚିମ ଓଡିଶା ପ୍ରାନ୍ତ ଯୋଗଦାନ କରି କୁମ୍ଭାରୀ ଗ୍ରାମର ଇତିହାସ ସହ କଳା ହିଁ ଗ୍ରାମର ପରିଚୟ ବୋଲି ମତବ୍ୟକ୍ତ କରିଥିଲେ l ଏହି କାର୍ଯ୍ୟକ୍ରମ ରେ ପଦ୍ମଶ୍ରୀ ଭାଗବତ ପଧାନ, କଳାକାର ରବୀନ୍ଦ୍ର ପଣ୍ଡା ସ୍ୱାଗତ ଭାଷଣ ସହିତ ଅତିଥି ପରିଚୟ ପ୍ରଦାନ କରିଥିଲେ l ଏହି ଅବସରରେ କେତେକ ବିଶିଷ୍ଟ କଳାକାର ମାନଂକୁ ସମ୍ବର୍ଦ୍ଧିତ କରାଯାଇଥିଲା l କାର୍ଯ୍ୟକ୍ରମକୁ କଳାକାର ରାମଜୀ ପଧାନ କାର୍ଯ୍ୟକ୍ରମ ପରିଚାଳନା ସହିତ ଧନ୍ୟବାଦ ଅର୍ପଣ କରିଥିଲେ l