08-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ଆଜି ସ୍ଥାନୀୟ ପୌର ପରିଷଦ ବରଗଡ଼ଙ୍କୁ ଓଡିଶା ଅଭିଭାବକ ମହାସଂଘ ବରଗଡ଼ ଜିଲ୍ଲା ର ଏକ ପ୍ରତିନିଧି ଦଳ ଯାଇ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ହର ପ୍ରସାଦ ଭୋଇଙ୍କୁ ଭେଟି ଲେଙ୍ଗୁ ମିଶ୍ର ଛକ ଠାରୁ ନୂତନ ଜିରା ବ୍ରିଜ ପର୍ଯ୍ୟନ୍ତ ବରଗଡ ମୁଖ୍ୟ ରାସ୍ତା ଅବରୋଧ ଓ ଜବର ଦଖଲକୁ ଅତିଶୀଘ୍ର ହଟେଇବା ପାଇଁ ମାନ୍ୟବର ଉଚ୍ଚତମ ନ୍ୟାୟାଳୟ ପୁଣି ଥରେ ପୂର୍ଣ୍ଣ କ୍ଷମତା ଓ ଅଧିକର ବରଗଡ ପୌର ପରିଷଦକୁ ନ୍ୟସ୍ତ କରିଛନ୍ତି। ଏଣୁୁ ଯଥା ଶୀଘ୍ର ହାଇକୋର୍ଟଙ୍କ ଆଦେଶକୁ ପାଳନ କରି ନିରପେକ୍ଷ ଭାବରେ ଜବର ଦଖଲକୁ ସମ୍ପୂର୍ଣ୍ଣ ଉଚ୍ଛେଦ କରିବା ପାଇଁ ଏକ ଦାବୀ ପତ୍ର, ପୌର ପରିଷଦ ବରଗଡର କାର୍ଯ୍ୟନିର୍ବାହୀ ଅଧିକାରୀ ହର ପ୍ରସାଦ ଭୋଇଙ୍କୁ ପ୍ରଦାନ କରିଛନ୍ତି।ଏହି ଅବସର ରେ ଓଡିଶା ଅଭିଭାବକ ମହାସଂଘ ବରଗଡ଼ ଜିଲ୍ଲାର ସଭାପତି ବିମଳ କୁମାର ଦାଶ, ସାରଥୀ ମେହେର, ବାଲ୍ମିକୀ ଷଡ଼ଙ୍ଗୀ, ବଳିଷ୍ଠ ଦୁର୍ଗା, ମାମ ରାଜ ସ୍ୱାଇଁ, ଗୋପୀ ନାଥ ସହୁ, ଜଟାଧାରୀ ପ୍ରଧାନ, ସଞ୍ଜୀବ ମେହେର, ଅମୀୟ ଦାଶ, ନାଭ ଚୌହାନ ଆଦି ଉପସ୍ଥିତ ଥିଲେ।