07-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ଗାଇସିଲେଟ ବ୍ଲକ ଅଧିନସ୍ଥ ଯୁବାଖୋଲ ଗ୍ରାମରୁ ଜମରତଲା ଗ୍ରାମକୁ ସଂଯୋଗ କରୁଥିବା ରାସ୍ତା  ମରଣଜନ୍ତା ପାଲଟିଛି । ଏହି ରାସ୍ତା ନିର୍ମାଣ ପାଇଁ ଅନେକ ଥର  ଗ୍ରାମର ଆଇନ ଛାତ୍ର ଆଶିଷ ଜ୍ୟୋତିଷ  ଟ୍ଵିଟର ମାଧ୍ୟମରେ ଗ୍ରାମ୍ୟ ବ୍ଲକ ଉନ୍ନୟନ ଅଧିକାର,ଗାଇସିଲେଟଙ୍କୁ ଅନୁରୋଧ କରିଥିଲେ । ଘଟଣା ସ୍ଥଳକୁ ଆସି ସମସ୍ତ ବିଷୟ ତତାରଖ କଲାପରେ ରାସ୍ତା ନିର୍ମାଣ ହେବ ବୋଲି ପ୍ରତିଶ୍ରୁତି ଦେଇଥିଲେ । ହେଲେ ପ୍ରଶ୍ନର ଉତ୍ତର ନିରବତା ଆସନ୍ନ ମଧ୍ୟରେ ଅଟକି ରହିଲା। ରାସ୍ତା ଯେମିତି କୁ ସେମିତି ଅବସ୍ଥାରେ ଅଦ୍ୟାବଧି ପଡ଼ିରହିଛି।  
 ଏହି ରାସ୍ତା ଦେଇ ସ୍କୁଲ ଛାତ୍ରଛାତ୍ରୀ ଜମରତଲା ହାଇସ୍କୁଲ ଯିବା ଆସିବା କରି ଥାନ୍ତି। ପାଟଣାଗଡ଼,ଘସିଏନ, ଲରମ୍ବା ଯିବା ଆସିବା କରିଥାନ୍ତି ଲୋକେ। ଫଳରେ ବର୍ଷାଋତୁରେ ଏହି ରାସ୍ତା ଉପରେ ନିର୍ଭର କରୁଥିବା ଯାତ୍ରୀ ଅନେକ ସମସ୍ୟାର ସମ୍ମୁଖୀନ ହୋଇଥାନ୍ତି । ବିଭାଗୀୟ ଅଧିକାରୀଙ୍କୁ,ଦୀର୍ଘଦିନ ଧରି ଅଭିଯୋଗ କରାଯାଇଥିଲେ ସୁଦ୍ଧା ରାସ୍ତା ହେଉନାହିଁ କାହିଁକି ??? ଏଥିପ୍ରତି ସ୍ୱତନ୍ତ୍ର ଧ୍ୟାନ ଦେଇ ପଦକ୍ଷେପ ଗ୍ରହଣ କରିବାକୁ ସ୍ଥାନୀୟ ଅଧୂବାସୀମାନେ ତଥା ସଚେତନ ନାଗରିକବୃନ୍ଦ ଦାବି କରିଛନ୍ତି। ଆଜି ଏଥିପାଇଁ ଯୁବାଖୋଲ ଗ୍ରାମବାସୀ ଅତିରିକ୍ତ ଜିଲ୍ଲାପାଳ, ପଦ୍ମପୁରଙ୍କ ଦ୍ଵାରସ୍ଥ ହୋଇଛନ୍ତି। ଅତିରିକ୍ତ ଜିଲ୍ଲାପାଳ ନ ଥିବାରୁ ଡେପୁଟି ମେଡମକୁ ଭେଟି ପତ୍ର ଦେଖିଛନ୍ତି ବୋଲି ଶ୍ରୀ ଜ୍ୟୋତିଷ ଆମ ପ୍ରତିନିଧିଙ୍କୁ ଜଣାଇଛନ୍ତି।