27-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା କ୍ରାଫ୍ଟ ଭିଲେଜ୍ କପାଶିରା  ଗ୍ରାମରେ  " ମହୀୟସୀ  ଇଳାପଣ୍ଡା ମହିଳା  ସମିତି " କାର୍ଯ୍ୟାଳୟରେ  ସଭାପତି  ଶ୍ରୀମତୀ ରଜନୀ  ଭୋଇଙ୍କ  ଅଧ୍ୟକ୍ଷତାରେ  ଇଳା ପଣ୍ଡା ଜୟନ୍ତୀ  ପାଳିତ  ହୋଇଯାଇଛି । ସଂପାଦିକା  ସୁଚରିତା  ମିଶ୍ରଦାସ  ଏନ୍.ଜି. ଓ. ର  ଲକ୍ଷ୍ୟ  ଶିକ୍ଷା , ସ୍ବାସ୍ଥ୍ୟ , ପରିବେଶ ପରିମଳ  ଏବଂ  ବୃକ୍ଷରୋପଣ  ଉପରେ  ଆଲୋକପାତ  କରିଥିଲେ । ସଭାପ୍ରାରମ୍ଭରେ  ସଂପାଦିକା ପ୍ରଦୀପ  ଜଳାଇ ଭାବପୂର୍ଣ୍ଣ ଶ୍ରଦ୍ଧାସୁମନ  ଅର୍ପଣ କରିଥିଲେ । ପ୍ରତିଷ୍ଠାତା  ସଂସ୍ଥାପକ  ବୈଷ୍ଣବ  ଭୋଇ ,  'ରେ  ଆତ୍ମନ୍  ...ନିଦ୍ରା ପରିହରି ....' ହାର୍ମୋନିୟମ୍ ରେ  ସ୍ବରସହ  ବାଦନ  କରିଥିଲେ  ଏବଂ  ଇଳା ପଣ୍ଡାଙ୍କ  କଳା -  ସଂସ୍କୃତି  ଓଡିଆତ୍ବ  ଉପରେ  ବିଷଦ୍ ବକ୍ତବ୍ୟ  ରଖିଥିଲେ । ଉପଦେଷ୍ଟା  ଶ୍ରୀମାନ୍  ସଞ୍ଜିବ କୁମାର  ଦାଶ  ଜନସେବା  ଉପରେ  ଗୁରୁତ୍ବ  ଦେବାକୁ  ଦିଗଦର୍ଶନ  ଦେଇଥିଲେ । ସଞ୍ଚାର  କଳାକାର ଶ୍ରୀମତୀ ବସନ୍ତ ଗଣ୍ଡ  ଇଳା ପଣ୍ଡାଙ୍କ   ଗ୍ରାମ  ବରପାଲି କଁଟାପାଲି  ଏବଂ ଥେରୁବାଲି  ପ୍ରୋଗ୍ରାମରେ  ତାଙ୍କ  ଅନୁଭବସିଦ୍ଧ  କଥା ବଖାଣିବା  ସହିତ  ମାତୃବନ୍ଦନା  ଗାନ  କରିଥିଲେ । ଅନ୍ୟତମ  ଅତିଥି  ଭାବରେ ହୃଷୀକେଶ  ପଧାନ  ଭିନ୍ନକ୍ଷମ  ସଂଯୋଜକ  ଅମ୍ବାଭୋନା  ବ୍ଲକ୍  ଏନ୍. ଜି. ଓ.  ସଂପର୍କରେ  ବକ୍ତବ୍ୟ  ରଖିଥିଲେ । ଦଳିତ  ଶିଶୁ ୧୪ ଜଣଙ୍କୁ  ଶିକ୍ଷା ଉପକରଣ ବଣ୍ଟନ କରାଯାଇଥିଲା ।  ଶ୍ରୀୟା ଦାଶ ଧନ୍ୟବାଦ ଅର୍ପଣ କରିଥିଲେ