27-Oct-2024

ଶନିବାର ବିଜୁଳି ଶକ୍ତି ଉତ୍ପାଦନ ଓ ଚାଷ ପାଇଁ ଏକ ଡ଼୍ୟାମର ଆବଶ୍ୟକତା ନେଇ କନ୍ଧମାଳ ଜିଲ୍ଲା ବାଲିଗୁଡ଼ା ବ୍ଳକର ଖମଣଖୋଲ ପଞ୍ଚାୟତର ସାଡ଼େନଘାଟି ନିକଟସ୍ଥ ଚିରସ୍ରୋତା ଖଡ଼ଙ୍ଗ ନଦୀକୁ ବୌଦ୍ଧ ଜିଲ୍ଲାପାଳ ସୁବ୍ରତ କୁମାର ପଣ୍ଡା କ୍ଷେତ୍ର ପରିଦର୍ଶନ କରିଥିଲେ।

ପୂର୍ବରୁ ଗତ ସରକାର ଙ୍କ ସମୟରେ ପୂର୍ବତନ ବିଧାୟକଙ୍କ ଉଦ୍ୟରେ ଏହି ସ୍ଥାନରେ ଗଭୀର ଜଳ ସଂରକ୍ଷଣ ପାଇଁ ୧୨୬ କୋଟି ଟଙ୍କାର ମଞ୍ଜୁରୀ ହୋଇଥିଲା l କିନ୍ତୁ ବର୍ତ୍ତମାନ ରାଜ୍ୟ ବିଧାନସଭାରେ 

କଣ୍ଟାମାଳ ବିଧାୟକ କହ୍ନାଇ ଚରଣ ଡାଙ୍ଗ ଆନିକଟ ନୁହଁ ବିଦ୍ୟୁତ ଉତ୍ପାଦନ ଓ ଚାଷ ପାଇଁ ପାଣିର ଆବଶ୍ୟକତାକୁ ନେଇ ଏକ ଡ୍ୟାମ ନିର୍ମାଣ ପାଇଁ ବିଧାନସଭାରେ ଦାବି କରିଥିଲେ। ଯାହାକୁ ଓଡିଶା ସରକାର ଗ୍ରହଣ କରି କେନ୍ଦ୍ର ଜଳ ସଂପଦ ବିଭାଗକୁ ଅନୁମତି ପାଇଁ ସୁପାରିଶ କରିଥିଲେ। ଯାହାକି କେନ୍ଦ୍ର ଜଳ ସଂପଦ ବିଭାଗ ଉକ୍ତ ପ୍ରକଳ୍ପ ନିମନ୍ତେ ଉପଯୁକ୍ତ ସ୍ଥାନ ନିରୁପଣ ପାଇଁ ଓଡିଶା ସରକାରଙ୍କ ନିର୍ଦ୍ଦେଶକ୍ରମେ ବୌଦ୍ଧ ଜିଲ୍ଲାପାଳ କ୍ଷେତ୍ର ପରିଦର୍ଶନ କରିଥିଲେ। ପୂର୍ବ ନିର୍ଦ୍ଧାରିତ ସ୍ଥାନକୁ କଣ୍ଟାମାଳ ବିଧାୟକ

କହ୍ନାଇ ଚରଣ ଡାଙ୍ଗ ଓ ସହକର୍ମୀ ନିରୀକ୍ଷଣ କରି ପ୍ରକଳ୍ପ ପାଇଁ ଉପଯୁକ୍ତ ନ ଥିବା ଦର୍ଶାଇବାରୁ  ଜିଲ୍ଲାପାଳ ଅନୁଧ୍ୟାନ କରି ଉପରକୁ ସାଡେଙ୍ଗଘାଟି ନିକଟରେ ନଦୀର ଉଭୟ ପଟରେ ପାହାଡ଼ ଥିବାରୁ ପ୍ରକଳ୍ପ ପାଇଁ ଉପଯୁକ୍ତ କ୍ଷେତ୍ର ବୋଲି ଜିଲ୍ଲାପାଳ ଶ୍ରୀ ପଣ୍ଡା ପ୍ରକାଶ କରିଛନ୍ତି। ଉକ୍ତ କ୍ଷେତ୍ର ପରିଦର୍ଶନ ସମୟରେ ଜିଲ୍ଲାପାଳ ଶ୍ରୀ ପଣ୍ଡାଙ୍କ ସହ ଏଡିଏମ୍ ବୌଦ୍ଧ , କଣ୍ଟାମାଳ ତହସିଲଦାର ସୁଶ୍ରୀ ଶ୍ଵେତପଦ୍ମା ଯୋଶୀ, ବ୍ଲକ ସହକାରୀ ଯନ୍ତ୍ରୀ ଜୟ ମହନ୍ତଙ୍କ ସହ ବିଜେପିର ବହୁ କର୍ମକର୍ତ୍ତା  ଉପସ୍ଥିତ ରହିଥିଲେ।