20-Oct-2024

ବଙ୍ଗୋମୁଣ୍ଡା/ସିନ୍ଧେକେଲା(ଅନୀଲ କୁମାର ତ୍ରିପାଠୀ):  ବଲାଙ୍ଗୀର ଜିଲ୍ଲା ସିନ୍ଧେକେଲାରେ ରହୁଥିବା ସରଜୁ କୁମାର ବାଗ ଙ୍କ ମଝିଆ ଝିଅ ଓଡିଶା ସିଭିଲ ସର୍ଭିସ ପରୀକ୍ଷାରେ ୧୭୮ ରାଙ୍କରେ ଉତ୍ତିର୍ଣ୍ଣ ହୋଇଛନ୍ତି। ଦିପ୍ତୀରେଖା ଙ୍କ ବାପା ଅଲଣ୍ଡା ୟୁପି ସ୍କୁଲର ପ୍ରଧାନ ଶିକ୍ଷକ ଥିବାବେଳେ ମାଁ ଶାନ୍ତିଲତା ସିପକା ଅର୍ସାତୁଲା ୟୁପି ସ୍କୁଲର ପ୍ରଧାନଶିକ୍ଷୟତ୍ରୀ ଅଛନ୍ତି।ଦିପ୍ତୀରେଖାଙ୍କ ବଡ ଭଉଣୀ ସ୍ମୃତିରେଖା ବାଗ ମଧ୍ୟ ୨୦୨୦ ରେ ସିଭିଲ ସର୍ଭିସ ପରୀକ୍ଷାରେ କୃତକାର୍ଯ୍ୟ ହୋଇ ବର୍ତ୍ତମାନ ଆସିଷ୍ଟାଣ୍ଟ କମିସନର ସିଟି ଜିଏସଟି ଟ୍ରେନିଙ୍ଗରେ ଅଛନ୍ତି। ଜାନୁଆରୀରେ ତାଙ୍କର ପ୍ଲେସ ଅଫ୍ ପୋଷ୍ଟିଂ ହେବ ବୋଲି ତାଙ୍କ ବାପାଙ୍କ ଠାରୁ ସୁଚନା ମିଳିଛି। ଦିପ୍ତୀରେଖାଙ୍କ ସାନ ଭାଇ ମଧ୍ୟ ସିଭିଲ

ସର୍ଭିସ ପାଇଁ ପଢ଼ୁଛନ୍ତି। ତେବେ ଦିପ୍ତୀରେଖା ଙ୍କୁ ଆଗକୁ ଆଉ କଣ କରିବାପାଇଁ ଚାହୁଁଛନ୍ତି ବୋଲି ପଚାରିବାରୁ ଆଇଏଏସ୍ ହେବା ପାଇଁ ଆହୁରି ପଢିବି ଓ ସାଧାରଣ ଲୋକଙ୍କ ସେବା କରିବି ବୋଲି କହିଛନ୍ତି। ତାଙ୍କ ସଫଳତାରେ ଓଡିଶା ୟୁନିଅନ  ଅଫ ଜର୍ନାଲିଷ୍ଟ ବଲାଙ୍ଗୀର ଜିଲ୍ଲା ଶାଖାର ସମ୍ପାଦକ (ଗ୍ରାମୀଣ) ଅନିଲ କୁମାର ତ୍ରିପାଠୀ, ବଙ୍ଗୋମୁଣ୍ଡା ବ୍ଲକ ସାଂସଦ ପ୍ରତିନିଧି ଅନିଲ ନାଏକ, ଯୁବନେତା ଯୁବରାଜ ବାଗ, ସାମ୍ବାଦିକ ଦିନେଶ ଜୈନ, ଆର୍ତ୍ତତ୍ରାଣ ସାହୁ, ଅଭିଷେକ ଦାସ, ହେମନ୍ତ ସାହୁ ପ୍ରମୁଖ ଦିପ୍ତୀରେଖା ଓ ତାଙ୍କ ପରିବାରକୁ ଅଭିନନ୍ଦନ ଜଣାଇଛନ୍ତି।