12-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ସହରରେ ଖୁବ୍ ଉତ୍ସାହ ଓ ଆନନ୍ଦ ଉଦ୍ଦପନା ସହ ଶାରଦୀୟ ଦୂର୍ଗାପୂଜା ପାଳନ ହେଉଥିବାବେଳେ,ଏକ୍ରମରେ ୨ୟ ରାଜ୍ୟ ସ୍ତରୀୟ ଦ୍ୱୀ-ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ସ୍ଥାନୀୟ ଗୁରୁବାରୀ ମିର୍ଦ୍ଧା ମିନି ଷ୍ଟାଡିୟମ,ଏମ୍-ଗଣ୍ଡପାଲି ଠାରେ ଅମରଦୀପ ଯୁବକ ସଂଘ, ଏମ୍-ଗଣ୍ଡପାଲି ଆନୁକୁଲ୍ୟରେ ଗତକାଲି ଆୟୋଜିତ ହୋଇଥିଲା। ଆଜି ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ବିଜେପୁର ସରପଞ୍ଚ ସଂଘର ସଭାପତି ତଥା ସମାଜସେବୀ ଶ୍ରୀମତୀ ସବିତା ସାହୁ ଏବଂ ସମ୍ମାନୀତ ଅତିଥି ଭାବେ ବୁଡାପାଲି ସମିତି ସଭ୍ୟ ଶ୍ରୀଯୁକ୍ତ ଜୟକୃଷ୍ଣ ଡନସନା ଯୋଗଦାନ କରି ଅନୁଷ୍ଠିତ ଟୁର୍ଣ୍ଣାମେଣ୍ଟକୁ ଉଦଯାପନ କରିବା ସହ ବିଜେତା ଓ ଉପବିଜେତା ଦଳର ଅଧିନାୟକ ମାନଙ୍କୁ ପୁରସ୍କୃତ କରିବା ସହ ଦୁଇ ଧରି ଅନୁଷ୍ଠିତ ଫୁଟବଲ ଖେଳର  ଖେଳାଳୀ ମାନଙ୍କୁ ପବିତ୍ର ଶାରଦୀୟ ଦୂର୍ଗାପୂଜା ଅବସରରେ ଅଭିନନ୍ଦନ ସହ ଶୁଭେଚ୍ଛା ଜ୍ଞାପନ କରିଥିଲେ। ଆଜି ଫାଇନାଲ ମ୍ୟାଚ ଦେଖିବାକୁ ପ୍ରବଳ ଜନସମାଗମ ଲକ୍ଷ କରାଯାଇଥିଲା।