10-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଜଳ ସେଚନ ବିଭାଗ ଅଧିନରେ ଥିବା ମା ବଞ୍ଜାରୀ ୨ ନମ୍ବର ତାଲପାଲି ପାଣି ପଞ୍ଚାୟତର ନୂତନ କର୍ମକର୍ତ୍ତା ଗଠନ ହୋଇଯାଇଛି । କ୍ଷୁଦ୍ର ଜଳସେଚନ ଡିଭିଜନର ସହକାରୀ  ଯନ୍ତ୍ରୀ ଅମିୟ କୁମାର ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ସହକାରୀ ଯନ୍ତ୍ରୀ ଜିତେନ୍ଦ୍ରିୟ ଖେସ,ଅମିନ ସୁରେଶ କୁମାର ବାରିକ ଏବଂ କର୍ମକର୍ତ୍ତା ମାନେ ଉପସ୍ଥିତ ରହି ୨୮ ଟି ଚକ ଗଠନ କରାଯାଇଛି । ଏଥିରେ ଗିଧମାଲ,ବ୍ରାହ୍ମଣମାଲ, ତାଲପାଲି ଏବଂ ଜନକେଡା ଗ୍ରାମର ଚାଷୀ ମାନଙ୍କୁ ନେଇ ମା ବଞ୍ଜାରି ପାଣି ପଞ୍ଚାୟତ ନମ୍ବର ୨ ର ନୂତନ କମିଟି ଗଠନ କରାଯାଇଥିବା ବେଳେ ପୂର୍ବତନ ସରପଞ୍ଚ ଚୈତନ୍ୟ ସାହୁ ବକ୍ତବ୍ୟ ରଖିଥିବା ବେଳେ କର୍ମକର୍ତ୍ତା ମାନେ ନିଜ ନିଜର ମତ ରଖିଥିଲେ । ଏଥିରେ ଉପସ୍ଥିତ ଥିବା ସମସ୍ତ ସଭ୍ୟସଭ୍ୟାଙ୍କ ସଭାପତି ଭାବେ, ବିପିନ ବିହାରୀ ସାହୁ,ଉପସଭାପତି ମାନଭଞ୍ଜନ ସାହୁ,ନୀଳ କାନ୍ତ ବାଗ,ସମ୍ପାଦକ ଭାବେ ନୀଳକଣ୍ଠ ସାହୁ,ସହ ସମ୍ପାଦକ ଭାବରେ ଫକୀର ସାହୁ,ଗୋକୁଳ ସାହୁ, କୋଷାଧ୍ୟକ୍ଷ ଭାବେ ବିଦ୍ୟାଧର ସାହୁ,ମନୋନୀତ ହୋଇଥିବା ବେଳେ ପରିଶେଷରେ ଅନାଦି ସାହୁ ଧନ୍ୟବାଦ୍ ଅର୍ପଣ କରିଥିଲେ । ସମସ୍ତ ସଦସ୍ୟ ମାନେ ଆଜି ମଲକେନ୍ ନାଲା କୁ ଯାଇ କିପରି ଭାବରେ ସୁଚାରୁରୂପେ ସମସ୍ତ ଚାଷୀଙ୍କ ବିଲକୁ ପାଣି ପହଞ୍ଚି ପାରିବ ସେହି ବିଷୟରେ ଆଲୋଚନା କରି ଡ୍ୟାମର ପାଣି ଛଡା ଯାଇଥିଲା । ଯାହା ଫଳରେ ଗିଧମାଲ,ବ୍ରାହ୍ମଣମାଲ, ଜନକେଡା ଓ ତାଲପାଲି ଗ୍ରାମର ଚାଷୀ ମାନେ ପର୍ଯ୍ୟାୟ କ୍ରମେ ପାଣି ପାଇପାରିବେ ବୋଲି ସଭାପତି ପ୍ରକାଶ କରିଛନ୍ତି ।