09-Oct-2024

ଲୋଇସିଂହା, (ବିନୋଦ ଦୀପ) ଲୋଇସିଂହା ବ୍ଲକ ସ୍ଥିତ ମିଶନ ଶକ୍ତି ସଭା ଗୃହରେ ସିଡିପିଓ ଗାୟତ୍ରୀ ବାରିକ ଙ୍କ ଦ୍ୱାରା ଆୟୋଜିତ ବେଟି ବଚାଓ, ବେଟି ପଢ଼ାଓ କାର୍ଯ୍ୟକ୍ରମ ଅନୁଷ୍ଠିତ l ଉକ୍ତ କାର୍ଯ୍ୟକ୍ରମ ରେ ଗୋଷ୍ଠୀ ଉନ୍ନୟନ ଅଧିକାରୀ ଅକ୍ଷୟପାଣି ଉଦ୍ଦୁ, ଏବିଡିଓ ଟଙ୍କଧର ଭୋଇ ମଂଚାସୀନ ଥିବାବେଳେ ଉପସ୍ଥିତ ସୁପରଭାଇଜର, ଅଙ୍ଗନବାଡି ସହ ଛାତ୍ରୀ ମାନେ ଉପସ୍ଥିତ ଥିଲେ l ଭୃଣହତ୍ୟା ଯାହାକି ଆଇନ ଅନୁଯାୟୀ ଅପରାଧ, ଝିଅ ଙ୍କ ଅପେକ୍ଷା ପୁଅମାନେ ହିଁ ସବୁକାର୍ଯ୍ୟ କରିପାରିବେ, ଝିଅଟି ଜନ୍ମହେଲେ ଲୋକଙ୍କ ମନ ଦୁଃଖ ହୋଇଥାଏ, ହେଲେ ଝିଅ ନିଜ ଘରେ ଥାଉ ଅବା ଶ୍ୱଶୁର ଘର ରେ ଥାଉ ଘର ଟି ସୁନ୍ଦର ଓ ହସଖୁସିରେ ଭରିଯାଏ, ଏଣୁ ଝିଅ ନିଜକୁ କୁ ଓ ନିଜର ପାରିପାର୍ଶ୍ୱକ ଠିକ କଲେ ସବୁ ଠିକ ରହିବ ବୋଲି ସିଡିପିଓ ଗାୟତ୍ରୀ ବାରିକ ପ୍ରକାଶ କରିଥିଲେ l  ବିଡ଼ିଓ ଶ୍ରୀ ଉଦ୍ଦୁ ଙ୍କ ଉଦ୍ଦେଶ୍ୟ ରେ ଆଜିକାଲି ଝିଅଙ୍କୁ ସବୁ କ୍ଷେତ୍ରରେ ସରକାର ଙ୍କ ତରଫରୁ ଅଗ୍ରାଧିକାର ଦିଆଯାଉଛି ତାହାର ଫାଇଦା କେମିତି ନେବେ ତାହା ସେମାନଙ୍କ ଉପରେ ନିର୍ଭର l ଏହାସହ ବିଭିନ୍ନ ଯୋଜନା ଝିଅ ମାନଙ୍କ ପାଇଁ ଲାଗୁ କରିଛନ୍ତି ସରକାର l ଇଣ୍ଟରକାଷ୍ଟ ବିବାହ ରେ ସରକାର ବିଭିନ୍ନ ସୁବିଧା ଦେଉଛି l ଗାଁ ମାନଙ୍କରେ ଛୋଟ ବେଲୁ ପାଠ ପଢୁଛନ୍ତି, ବିଦ୍ୟାଳୟ କୁ ଯାଇ ଜ୍ଞାନ ଅର୍ଜନ କରୁଛନ୍ତି l ଲୋକ ଙ୍କ ଚିନ୍ତାଧାରା ବେଟି ବଚାଓ ବେଟି ପଢ଼ାଓ  ହେବା ଆବଶ୍ୟକ l ଆଜିକାଲି ଝିଅମାନେ ପୋଲିସ ବିଭାଗ, ଫରେଷ୍ଟ ବିଭାଗ, ସେନାବାହିନୀ, ରେଳଗାଡି ଓ ଏରୋପ୍ଲେନ ଚଳାଇଲେଣି ଏଣୁ ସେମାନେ ପୁଅ ଠାରୁ ମଧ୍ୟ କମ ନୁହଁ l ଏଣୁ ବାଲ୍ୟବିବାହ କୁ ନାଁ, ବିଦ୍ୟାଳୟ କୁ ହଁ l ଏହାସହ ଛାତ୍ରୀ ଙ୍କୁ ନେଇ ବିଭିନ୍ନ ପ୍ରତିଯୋଗିତା ହୋଇଥିଲା l କୃତି ପ୍ରତିଯୋଗୀ ଙ୍କୁ ବିଡ଼ିଓ ଶ୍ରୀ ଉଦ୍ଦୁ ଙ୍କ ଦ୍ୱାରା ପୁରସ୍କୃତ କରାଗଲା l