04-Oct-2024

ବୀରମହାରାଜପୁର,  (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ମୁର୍ଷୁଣ୍ଢୀ ଠାରେ ମୁରାସୁର ଦରବାର ପାଇଁ ଶୁକ୍ରବାର  କଳାକାର ବରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଚଳିତ ବର୍ଷ ୪୨ ତମ ଶ୍ରୀ ଶ୍ରୀ ଗଜଲକ୍ଷ୍ମୀ ପୂଜା ମହୋତ୍ସବ  ଅବସରରେ ଉକ୍ତ କାର୍ଯ୍ୟକ୍ରମ ଆୟୋଜନ ହେବାର କାର୍ଯ୍ୟକ୍ରମ ରହିଥିବା କମିଟି ପକ୍ଷରୁ ସୂଚନା ରହିଛି। ସଭାପତି ଲବ କୁମାର ସାହୁ ଙ୍କ ନେତୃତ୍ୱ ଅନ୍ତର୍ଡା ସ୍ଥିତ ନିଜ ବାସ ଭବନରେ ମୁରାସୁର ମହାରାଜ ଭୂମିକା ଅଭିନୟ କରୁଥିବା  ଗୋପାଳ ଚନ୍ଦ୍ର ପଣ୍ଡା  ଙ୍କୁ ରୀତିନୀତି ଅନୁସାରେ ପୂଜାର୍ଚ୍ଚନା କରି ଗୁଆ ନଡ଼ିଆ ସହ ଉପଢ଼ୌକନ ଦେଇ ବରଣ କାର୍ଯ୍ୟ କରାଯାଇଥିଲା। ଆସନ୍ତା ୧୬ ରୁ ୨୬ ପର୍ଯ୍ୟନ୍ତ ମୁରାସୁର ଦରବାରର ଆୟୋଜନ ହେବ। ଏଥିରେ ମିନାବଜାର, ବିଭିନ୍ନ ରଙ୍ଗାରଙ୍ଗ କାର୍ଯ୍ୟକ୍ରମ ଆୟୋଜନ ପାଇଁ କମିଟି ପକ୍ଷରୁ ସ୍ଥିର କରାଯାଇଛି। ଏଥିରେ କମିଟିର ସଭାପତି ତଥା ଜିଲ୍ଲା ପରିଷଦ ସଭ୍ୟ ଲବ କୁମାର ସାହୁ, ଉପଦେଷ୍ଟା ରାଜଗୋପାଳ ପାଣିଗ୍ରାହୀ, ସମ୍ପାଦକ ତ୍ରୟଞ୍ଜିବ ମିଶ୍ର , ସହସମ୍ପାଦକ  ବିଦ୍ୟାଧର ଖୁର୍ଡିଆ,  କମିଟି ସଭ୍ୟ ମନୋଜ ନାଏକ, ବଳରାମ ପଧାନ, ଶ୍ୟାମ ନନ୍ଦ  ଓ ସନ୍ତୋଷ ସାମର୍ଥ ପ୍ରମୁଖ ସାମିଲ ହୋଇଥିଲେ।