04-Oct-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା କାରାଗାର ଉପରେ  ପୋଲିସ ବିଭାଗ ପକ୍ଷରୁ ହଠାତ ଚଢ଼ାଉ କରାଯାଇ ବ୍ୟାପକ ମାତ୍ରାରେ ମାଦକ ଦ୍ରବ୍ୟ ଜବତ କରାଯାଇଛି l  ସୂଚନା ଅନୁଯାୟୀ ବରଗଡ଼ ଜିଲ୍ଲା କାରାଗାର ଭିତରେ ରହିଥିବା କଏଦୀ ମାନଙ୍କ ନିକଟକୁ ବେଆଇନ ଭାବରେ ଜେଲ କର୍ମଚାରୀଙ୍କ ଦ୍ୱାରା ମାଦକ ଦ୍ରବ୍ୟ ସହିତ ଅନେକ ସାମଗ୍ରୀ ପଠାଯାଉଥିବା ଖବର ବରଗଡ଼ ଏସପି ପ୍ରହଲ୍ଲାଦ ସହାଇ ମୀନାଙ୍କ ନିକଟକୁ ଆସିଥିଲା ।ତେବେ ଏହାର ତଦନ୍ତ ପାଇଁ ଆଜି ସକାଳ ଭୋର  ୫ ଟା ୧୫ ମିନିଟ ସମୟରେ ଯୁଦ୍ଧ କାଳୀନ ଭିତ୍ତି ରେ ପୋଲିସ ବିଭାଗ ପକ୍ଷରୁ ଏସପି ଙ୍କ ସହିତ ୧୪ ଜଣ ଅଫିସର ଓ ୪ ପ୍ଳାଟୁନ ପୋଲିସ ଫୋର୍ସ ହଠାତ ଜିଲ୍ଲା କାରାଗାର କୁ ପହଁଞ୍ଚି ଚଢ଼ାଉ କରିଥିଲେ ।
 ଗୋଟେ ପରେ ଗୋଟେ  ସମସ୍ତ କଏଦୀ ଙ୍କୁ ଜାଞ୍ଚ କରିଥିଲେ ।ତେବେ ଦୀର୍ଘ ଦେଢ଼ ଘଣ୍ଟାର ଏପରି ଯାଞ୍ଚ ପ୍ରକ୍ରିୟା ପରେ କେଏଦୀ ମାନଙ୍କ ଠାରୁ ବ୍ୟାପକ ମାତ୍ରାରେ ଭାଙ୍ଗ, ଖଇନି ଓ ଗୁଟଖା ପରି ମାଦକ ଦ୍ରବ୍ୟ ଜବତ କରାଯାଇଥିବା ବରଗଡ଼ ଏସପି ଜଣାଇଛନ୍ତି । ତେବେ ଜେଲ ଭିତରେ ଏପରି ମାଦକ ଦ୍ରବ୍ୟ ଆଇନ ଅନୁଯାଇ ନିଷେଧ ଥିବା ବେଳେ ଏତେ ମାତ୍ରାରେ ମାଦକ ସାମଗ୍ରୀ ଜେଲ ଭିତରକୁ ଗଲା କିପରି ? ଜେଲ କର୍ମଚାରୀଙ୍କ ବିନା ସହମତି ଓ ସହଯୋଗରେ ଏପରି ନିଷେଧ ସାମଗ୍ରୀ କଣ ଜେଲ ଭିତରକୁ ଯାଇ ପାରିବ ସେନେଇ ପ୍ରଶ୍ନ ଉଠିଛି ?  ଏପରି ବେଆଇନ କାରନାମା ରେ କେଉଁ ଜେଲ କର୍ମଚାରୀ ମାନଙ୍କ ସମ୍ପୃକ୍ତି ରହିଛି ତାହାର ତଦନ୍ତ କରାଯାଇ  ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜଣାଇଛନ୍ତି ବରଗଡ଼ ଏସପି ପ୍ରହଲ୍ଲାଦ ସହାଇ ମୀନା ।