03-Oct-2024

ଡୁଙ୍ଗୁରିପାଲି(ଅରବିନ୍ଦ ମିଶ୍ର)-ଏହି ବ୍ଲକର କପାସିରା ଗ୍ରାମର ଅଙ୍ଗନୱାଡି କର୍ମୀ ସନ୍ତୋଷିନୀ ସ୍ମାଇଁଙ୍କୁ ଆକ୍ରମଣ କରାଯାଇଥିବା କୁଙ୍ଗୁରିପାଲି ଥାନାରେ ପିଢିତାଙ୍କ ସ୍ୱାମୀ ଜୟ ପ୍ରକାଶ ଫରିକାର ଅଭିଯୋଗ କରିଛନ୍ତି । ମିଳିଥିବା ସୂଚନା ଅନୁସାରେ ଡୁଙ୍ଗୁରିପାଲି ବ୍ଳକର ଶିଶୁ ବିଭାଗରେ କାଯ୍ୟରତ କ୍ଷେତ୍ର ପରିଦର୍ଶୀକା ସୀତା ମେହେର ଗତକାଲି ଅପରାହ୍ନ ୫ଟାରେ କପାସିରା ଗ୍ରାମକୁ ଯାଇଥିଲେ । ଗ୍ରାମର ସମସ୍ତ ଜର୍ମୀମାନଙ୍କୁ ଡାକି ଛୁଟିଦିନ ହୋଇଥିଲେ ମଧ୍ୟ ସେହି ଗ୍ରାମର କର୍ମୀ ବବି ପଧାନଙ୍କ ଘରେ ସଭା କରିଥିଲେ । ସେଠାରେ ଅନ୍ୟଏକ କର୍ମୀ ନିଳମ ସ୍ବାଇଁଙ୍କୁ କ୍ଷେତ୍ର ପରିଦର୍ଶିକା ସୀତା ମେହେର ପ୍ରବତ୍ତାର ସନ୍ତୋଷିନୀ ସ୍ବାଇଁଙ୍କୁ ମାଡ ମରାଇଥିଲେ । ସେ ପିନ୍ଧିଥିବା ସୁନା ଚେଳ ମଧ୍ୟ ଛଡାଇ ନେଇଥିଲେ । ଘଟଣା ସ୍ଥଳରେ କର୍ମୀ ଜଣକ ଆହତ ହୋଇ ପଡିଯାଇଥିବା ବେଳେ ସେଠାରେ ଉପସ୍ଥିତ କ୍ଷେତ୍ର ପରିଦର୍ଶିକା ସମାଧାନ କରିବା ପରିବର୍ଭେ ଭୟରେ କୌଶଳ କ୍ରମେ ସେଠାରୁ ଫେରାର ମାରିଥିଲେ । ଘଟଣା ସ୍ଥଳରେ ଆହତ କର୍ମୀକୁ ପରିବାର ଲୋକେ ଉଦ୍ଧାର କରି ତୁଙ୍ଗୁରିପାଲି ଡାକ୍ତରଖାନାରେ ଭର୍ତି କରିଥିଲେ । ଏହାକୁ ନେଇ ଡୁଙ୍ଗୁରିପାଲି ଥାନାରେ ଅଭିଯୋଗ କରାଯାଇଥିଲା । ଅଭିଯୋଗକୁ ଭିରି କରି ଥାନା କେଶ ନଂ.୨୧୩/ ୨୦୨୪ ଭାରତୀୟ ନ୍ୟାୟ ସଂହିତା ୨୯୬, ୧୧୫(୨)୩୫୧(୨) ଏବଂ ୪୯ରେ ଏକ ମାମଲା ରଜ୍ଜୁ କରି ତଦନ୍ତ ଜାରି ରଖିଛନ୍ତି । ଏଠାରେ ସୂଚନାଯୋଗ୍ୟ ଯେ କ୍ଷେତ୍ରପରିଦର୍ଶୀକା ଶ୍ରୀମତୀ ସୀତା ମେହେର ବିଭିନ୍ନ ସମୟରେ ତମାମୁରା ସେକ୍ଟର କର୍ମୀମାନଙ୍କୁ ହଇରାଣ କରିଆସୁଥିବା ସେମାନେ ସିଡିପିଓଙ୍କଠାରେ ବଦଳୀପାଇଁ ଲିଖୁତ ଭାବରେ ୩୧ଜଣ କର୍ମୀ ଅଭିଯୋଗ କରିଥିଲେ । ଅଭିଯୋଗରେ ଉଲ୍ଲେଖ କରିଥିଲେ ଯେ, ବିଭିନ୍ନ କେନ୍ଦ୍ରର ଶିଶୁମାନଙ୍କ ପାଇଁ ପୋଷାକ, ଜୋତା, ମୋଜା, ପ୍ରିକିଟୁ, ମେଡିସିନ କିଟ୍ ପାଇଁ କର୍ମୀମାନଙ୍କ ଯୁଗ୍ମ ଜମାଖାତାରେ ଟଙ୍କା ଜମା ହୋଇଥାଏ । ଉକ୍ତ ଟଙ୍କାକୁ ଯାଞ୍ଚ କମିଟୀର ଅନୁମୋଦନ କ୍ରମେ ୱାର୍ଡମେମ୍ବରଙ୍କ ସହିତ କର୍ମୀମାନଙ୍କ ଯୁଗ୍ମ ସ୍ବାକ୍ଷରରେ ଉକ୍ତ ଟଙ୍କା ଉଠାଯାଇଥାଏ । ଉକ୍ତ ସାମଗ୍ରୀ କିଣାରେ କ୍ଷେତ୍ରପରିଦର୍ଶୀଳା ଟଙ୍କା ଦାବୀ କରିଥାନ୍ତି । ଟଙ୍କା ନଦେଲେ କେସ୍ ବହିରେ ଭୁଲ ଅଛି କହି ନିଜେ ଇଆଡୁ ସେଆଡୁ ଲେଖ୍ ଦିଅରି ବୋଲି ଅଭିଯୋଗ କରିଛନ୍ତି । ଗୋଟିଏ ଶିଶୁଙ୍କ ପାଇଁ ସରକାର ୫ଟଙ୍କ୪୦ ପଇସା ଅଣ୍ଡା ବାବଦକୁ ଦେଉଥିବା ବେଳେ ବଜାର ଦର ୭ଟଙ୍କାରେ କର୍ମୀମାନେ ଅଣ୍ଡା କିଣୁଛନ୍ତି । ସକାଳ ଜଳଖୁଆ ଏକଟଙ୍କା ୨୦ ପଇସା, ୩୦ ପଇସାର ତେଲ, ମସଲା ପନିପରିବା, ଡାଲିକୁ ତଥା ସମସ୍ତ ମିଶାଇ ଦିନକୁ ଗୋଟିଏ ଶିଶୁ ପ୍ରତି ୭ଟଙ୍କା ୭୦ପଇସା ସରକାର ଦେଉଥିବା ବେଳେ କ୍ଷେତ୍ରପରିଦର୍ଶୀକାଙ୍କୁ ସେଥୁରୁ କିପରି ଟଙ୍କା ଦିଆଯାଇ ପାରିବ ବୋଲି କର୍ମୀ ମହଲେ ଅସନ୍ତୋଷ ଦେଖା ଯାଉଛି । ଆହୁରି ମଧ୍ୟ ଜଣେ କର୍ମୀ ହାରାହାରି ୩୫ଖଣ୍ଡ ଖାତା ଲେଖାଲେଖି କରୁଥିବା, ସରକାରଙ୍କ ବିଭିନ୍ନ କାର୍ଯ୍ଯକ୍ରମ, ଗ୍ରାମ ପରିଦର୍ଶନ, ଶିଶୁଙ୍କ ଓଜନ, କିଶୋରି ବାଲିକାଙ୍କୁ ସଚେତନ ପ୍ରଭୃତି କାମ କଲେ ମାସକୁ ୧୦ହଜାର ଟଙ୍କା ମିଳୁଥିବାବେଳେ ଜଣେ କ୍ଷେତ୍ରପରିଦର୍ଶୀକା ହାରାହାରି ୫୦ରୁ ୭୦ ହଜାର ଦରମା ନେଉଛନ୍ତି । ଏଥିରେ ପୁଣି କର୍ମୀମାନଙ୍କ ଠାରୁ ଟଙ୍କା କରିବା ଦୁର୍ଭାଗ୍ୟ ଜନକ । ଯଦି ଏହିକର୍ମୀମାନଙ୍କ ଅଭିଯୋଗ ସତ୍ୟ ହେଲେ ସାଙ୍ଘାତିକ । ଏଣୁ ଏହାରି ଉଚ୍ଚ ସ୍ତରୀୟ ତଦନ୍ତ କରାଯାଉ। ଏହାକୁ ନେଇ ଆଜି ସଡିପିଓଙ୍କ କାର୍ଯ୍ୟାଳୟ ପରିସର ସଭାଗୃହରେ ଉକ୍ତ ସେକ୍ଟର କର୍ମୀମାନଙ୍କୁ ନେଇ ବୈଠକ ଚାଲିଥିବା ଜଣାଯାଏ। ଏ ସଂପର୍କରେ ସିଡିପିଓଙ୍କୁ ଯୋଗାଯୋଗ କରାଯାଇଥିଲେ ସମ୍ଭବ ହୋଇ ପାରି ନଥିଲା। ଅନ୍ୟପକ୍ଷରେ ଆଜି କ୍ଷେତ୍ରପରିଦର୍ଶୀକା ଛୁଟିରେ ଥିବାରୁ ତାଙ୍କର ମଧ୍ଯ ପ୍ରତିକ୍ରୀୟା ମିଳି ପାରିନଥୁଲା ।