26-Sep-2024

ବରଗଡ଼:(ନିରଞ୍ଜନ ତ୍ରିପାଠୀ)-ମହାରଷ୍ଟ୍ର ପୁନେରେ ରହୁଥିବା ପ୍ରବାସୀ ପଶ୍ଚିମ ଓଡ଼ିଶାର ସମସ୍ତ ପରିବାର ମିଶି ନୂଆଁଖାଇ ଭେଟ ଘାଟ ବହୁ ଆନନ୍ଦ ଉଲ୍ଲାସରେ ପାଳନ କରିଛନ୍ତି ।ଓଡ଼ିଶାର ମହାନ ଗଣ ପର୍ବ।ଏହି ନିଆରା କୃଷି ଭିତ୍ତିକ ପର୍ବରେ ପ୍ରବାସୀ ପଶ୍ଚିମ ଓଡ଼ିଶାବାସୀ ଓଡ଼ିଶା ନୂତନ ଭାବେ ଅମଳ ଧାନ ନେଇ ଓ ତହିଁରେ ପ୍ରସ୍ତୁତ ଭୋଗକୁ ଇଷ୍ଟଦେବୀଙ୍କ ଠାରେ ଲଗେଇ,ସଂଘର  ସଭାପତି ହେମସାଗର ସାହୁଙ୍କ ଅଧ୍ୟକ୍ଷତାରେ ନୂଆଁଖାଇ ଭେଟଘାଟ ଉତ୍ସବ   ଅଙ୍କୁଶ ରାଓ ଲାଣ୍ ଗେହଲ, ଭୋଷରି, ପୁନେ ଠାରେ ପାଳନ କରିଥିଲେ ।ମହାରାଷ୍ଟ୍ର  ପୁନେର  ପ୍ରବାସୀ ପଶ୍ଚିମ ଓଡ଼ିଶାବାସୀଙ୍କ ଦ୍ଵାରା ପଞ୍ଜୀକୃତ  "ଭେଟଘାଟ କଲ୍ଚରାଲ ଏସୋସିଏସନ୍" ୨୦୦୫ ରୁ ପ୍ରତ୍ୟେକ ବର୍ଷ ଏହି ଠାରେ ପାଳନ କରି ଆସୁଛି। ଏହି  ବର୍ଷ ନୂଆଁଖାଇ ଭେଟ୍ ଘାଟ୍ କାର୍ଯ୍ୟକ୍ରମରେ ପ୍ରାୟ ୬୦୦ ରୁ ଅଧିକ ମାନ୍ୟଗଣ୍ୟ, ବୁଦ୍ଧିଜୀବୀ,ସଂସ୍କୃତି ପ୍ରେମୀ ଏକତ୍ରିତ ହୋଇଥିଲେ ।ପ୍ରଥମେ ବିଭିନ୍ନ ଦେବଦେବୀଙ୍କୁ ପୁଜା ଅର୍ଚ୍ଚନା କରାଯାଇ ଭୋଗ ଲଗା ଯାଇଥିଲା।ପରେ ସମସ୍ତଙ୍କୁ ଭୋଗ ପ୍ରସାଦ ସହ,ସୁସ୍ବାଦୁ ଖାଦ୍ୟ ଯଥା:- ଭାତ,ଡାଲି,କରଡ଼ି ଲେଥା, ଆରିସା ପିଠା, ଆମ୍ବୁଲ ରାଇ ପ୍ରଭୃତି ବ୍ୟଞ୍ଜନବଣ୍ଟନ କରଯାଇଥିଲା। ଚଳିତ ବର୍ଷ ପଶ୍ଚିମ ଓଡ଼ିଶାର  ଢ଼ୁଲିଆଖୁସା  କଳାପରିଷଦ, ବରଗଡ଼ର ଗୀତବାଦ୍ୟ ସହ ସମ୍ବଲପୁରୀ ନୃତ୍ୟ ଗୀତରେ ଦୁଲୁକିଥିଲା ମଞ୍ଚ। ଆନନ୍ଦ ରେ ଖୁବ୍ ଝୁମିଥିଲେ ଦର୍ଶକ ।

କମେଡି କିଙ୍ଗ ମନ ପଟେଲ,କେଦାର ପଟେଲ ଓ ଚାନ୍ଦିନୀ ସୁନାଙ୍କ ହାସ୍ୟ ନାଟକରେ ହସି ହସି ଲୋକେ ବେଦମ୍ ହୋଇ ପଡିଥିଲେ।କଳା ଓ ସଂସ୍କୃତିକୁ ପ୍ରଚାର ପ୍ରସାର କରିବା ସହିତ ନାରୀ ମାନଙ୍କୁ ଉପାର୍ଜନ କ୍ଷମତା ଦେଇ ଆସୁ ଥିବା ଦଣ୍ଡରତ୍ନ ବିପିନ ଜାଲଙ୍କୁ ଦଣ୍ଡ ଅର୍ଜୁନ  ଉପାଧିରେ ସମ୍ମାନୀତ କରାଯାଇଥିଲା। ପିଙ୍କି ଶର୍ମାଙ୍କ କରିଓଗ୍ରାଫ କରିଥିବା ଆର୍ମି ସ୍କୁଲର କୁନି କୁନି ପିଲାଙ୍କ ଡାନ୍ସ ବହୁତ୍ ହୃଦୟସ୍ପର୍ଶୀ ହୋଇଥିଲା।ଏହି ଅବସରରେ ମଞ୍ଚରେ ଏକ ବାର୍ଷିକ ପତ୍ରିକା ଉନ୍ମୋଚନ ହୋଇଥିଲା , ମୁଖିଆ ଭାବରେ ଜିତେନ୍ଦ୍ର ମିଶ୍ର, ପ୍ରତ୍ୟୁଷା ଗୁରୁ ଓ ପିଙ୍କି ଶର୍ମା ମଞ୍ଚ ପରିଚାଳନାରେ ଥିବାବେଳେ ,ସଭ୍ୟ ତନ୍ମୟ ପାଟଜୋଶୀ, ଉପେନ୍ଦ୍ର ତ୍ରିପାଠୀ, ଅଭିନବ ଯୋଶୀ, ଦୀପକ ପଟେଲ୍, ଅଭିଳାଷ ମିଶ୍ର, ଘଣ୍ଟେଶ୍ୱର ନେଲ ଦାଶ ପ୍ରମୁଖ  ଦାୟିତ୍ଵ ତୁଲାଇଥିଲେ ।

ଉପସ୍ଥିତ ସମସ୍ତ ପଶ୍ଚିମ ଓଡ଼ିଶାର ପ୍ରବାସୀ ସମ୍ବଲପୁରୀ ବେଶ ଭୁଷାରେ ସଜେଇ ହୋଇଥିବା ଦେଖିବାକୁ ମିଳିଥିଲା। ସବୁଠାରୁ ବେଶୀ ନିଆରା ଥିଲା ସମସ୍ତଙ୍କ ମନପସନ୍ଦ ସମ୍ବଲପୁରୀ ନାଚ। ଅନେକ ପ୍ରତିଯୋଗୀ ମାନଙ୍କୁ ଅତିଥି ମାନେ ପୁରସ୍କୃତ କରିଥିଲେ ।ଶେଷରେ ସୁନିଲ ସାହୁ ନିଜର ବକ୍ତବ୍ୟ ରଖିବା ସହ ସ୍ୱାଗତ କରି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।