23-Sep-2024

ବରଗଡ଼:( ନିରଞ୍ଜନ ତ୍ରୀପାଠି )-ବରଗଡ଼ ଜିଲ୍ଲା ସୋହେଲା ବ୍ଲକ୍ ଅନ୍ତର୍ଗତ ଇଚ୍ଛାପାଲି ଗ୍ରାମର ମେହେର ଫାର୍ମ ହାଉସ ଠାରେ ଜିଲ୍ଲା ଅନୁସୂଚିତ ଜାତି ଓ ଜନଜାତି କର୍ମଚାରୀ କଲ୍ୟାଣ ସମନ୍ଵୟ ପରିଷଦ ର ଏକ ବୈଠକ ସରୋଜ କୁମାର ଭୋଇ ଙ୍କ ସଭାପତିତ୍ବରେ ଅନୁଷ୍ଠିତ  ହୋଇଥିଲା । ଏହି ଅବସରରେ ମୁଖ୍ୟ ଅତିଥି ରୂପେ ମଞ୍ଚାସିନ ଥିଲେ ତୁଳରାମ ମେହେର ଏବଂ ଜିଲ୍ଲା ସଂଯୋଜକ ନାରାୟଣ ମେହେର  । ସଭାକୁ ପରିଚାଳନା କରିଥିଲେ ପ୍ରଫୁଲ୍ଲ କୁମାର ଭୋଇ । ସଭାର ଉଦ୍ଦେଶ୍ୟ ଜ୍ଞାପନ କରିଥିଲେ କ୍ଷିରେଶ୍ୱର ତାଣ୍ଡି । ତାପରେ ଉପସ୍ଥିତ ସଦସ୍ୟ ସଦସ୍ୟା ଗଣ ନିଜ ନିଜ  ମତାମତ ଉପସ୍ଥାପନା କରିଥିଲେ । ତାପରେ  ଓଡ଼ିଶା ଅନୁସୂଚିତ ଜାତି ଓ ଅନୁସୂଚିତ ଜନଜାତି କର୍ମଚାରୀ କଲ୍ୟାଣ ସମନ୍ମୟ ପରିଷଦ ର ଜିଲ୍ଲା ସ୍ତରୀୟ କର୍ମକର୍ତ୍ତା ଚୟନ କରାଗଲା । ସର୍ବସମ୍ମତି କ୍ରମେ ଜିଲ୍ଲା ସଂଘ ର ସଭାପତି ରୂପେ କ୍ଷିରେଶ୍ଵର ତାଣ୍ଡି, କାର୍ଯ୍ୟକାରୀ ସଭାପତି ଉମାକାନ୍ତ ଭୋଇ,ସାଧାରଣ ସମ୍ପାଦକ ଜୋହନ ନାଏକ,ଅତିରିକ୍ତ ସାଧାରଣ ସମ୍ପାଦକ ସୁଜାତା ଧରୁଆ,ସାଂଗଠନିକ ସମ୍ପାଦକ ପ୍ରଫୁଲ୍ଲ କୁମାର ଭୋଇ, ନିୟୋଜନ ସମ୍ପାଦକ ଉଦ୍ଧବ ମହାନନ୍ଦ,ସାଂସ୍କୃତିକ ସମ୍ପାଦକ ରୋହିତ କୁମାର ଭୁଏ, ଆର୍ଥିକ ସମ୍ପାଦକ ନନ୍ଦିଘୋଷ ଭୁଏ ,ଅତିରିକ୍ତ ସମ୍ପାଦକ ଗୋବର୍ଦ୍ଧନ ବରିହା ଙ୍କୁ ମନୋନୀତ କରାଯାଇ ଶପଥ ପାଠ କରାଯାଇ ଥିଲା । ଏହି କାର୍ଯ୍ୟକ୍ରମରେ ରାଜକୁମାର ବଘେଲ, ଉଚ୍ଛବ ଭୋଇ,ଗୌତମ  ବାରିକ,ବେଣୁଧର ଦୀପ,ରୀନା ନାଗ,ଗୌର କନ୍ଧ ,ଯୋଗେଶ୍ୱର ମେହେର,ଦଶରଥ କଲେତ ପ୍ରମୁଖ ସହଯୋଗ କରିଥିଲେ । ଶେଷରେ ଯଜ୍ଞସେନି ଧରୁଆ ସମସ୍ତଙ୍କୁ ଧନ୍ୟବାଦ୍ ଦେଇଥିଲେ I