18-Aug-2024

ପାଟଣାଗଡ(ପୂର୍ଣ୍ଣ ଶଶିଶେଖର ରାଓ):  ଆଦିବାସୀ ଭବନ ବ୍ରହ୍ମପୁରା ଠାରେ ଜିଲ୍ଲା ଆଦିବାସୀ କଲ୍ୟାଣ ସଂଘ ପକ୍ଷରୁ ଯୁଗ୍ମ ସମ୍ପାଦକ ଗିରିରାଜ ଭୋଇଙ୍କ ସଭାପତିତ୍ୱରେ ୨୧ଅଗଷ୍ଟ ଭାରତ ବନ୍ଦ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା |  ଗତ ୧ ଅଗଷ୍ଟ ୨୦୨୪ ରେ ମାନ୍ୟବର ସୁପ୍ରିମକୋର୍ଟ ଏସଟି ସମ୍ପ୍ରଦାୟ ଏବଂ ଏସସି ସମାଜ ଭିତରେ କ୍ରିମି ଲେୟାର ତଥା ଅନୁସୂଚିତ ଜାତି ଏବଂ ଅନୁସୂଚିତ ଜନଜାତି ମଧ୍ୟରେ କ୍ରିମି ଲେୟର ଅର୍ଥାତ ଏସସି ଏସଟି ସାମାଜିକ /ଅର୍ଥନୈତିକ କ୍ଷେତ୍ରରେ ସ୍ୱଚ୍ଛଳ ବ୍ୟକ୍ତି/ ସମ୍ପ୍ରଦାୟ / ସମାଜ (ଉପ -ସଂରକ୍ଷଣ / କୋଟା ଭିତରେ କୋଟା  ପଦ୍ଧତି,ଉଭୟ କେନ୍ଦ୍ର ସରକାର ଏବଂ ରାଜ୍ୟ ସରକାର ଗୁଡିକ ଲାଗୁ କରିବା ପାଇଁ ଆଦେଶ ଦେଇଛନ୍ତି  | ଏହି ରାୟ ବଳବତ୍ତର ରହିଲେ ବିଶେଷ କରି ଏସ୍ ଟି/ଏସ୍ ସି ମାନଙ୍କ ଭବିଷ୍ୟତ ଅନ୍ଧାର ହୋଇଯିବ, ଧିରେ ଧିରେ ଏସସି ଏସଟି କୋଟା ଉଠିଯିବ,ଆମ ଭବିଷ୍ୟ ପିଢ଼ି ଉପରେ ମହା ବିପଦ ମାଡ଼ି ଆସିବ ବୋଲି ସଭାରେ ମତ ପ୍ରକାଶ ପାଇଥିଲା |  ଏସସି ମଧ୍ୟରେ କ୍ରିମି ଲେୟର ଏବଂ ଏସଟି ମଧ୍ୟରେ କ୍ରିମି ଲେୟର କାନୁନ ପ୍ରତ୍ୟାହାର ଦାବୀରେ ଭାରତର ସମସ୍ତ ଏସସି ଏସଟି ସଂଘ, ମହାସଂଘ, ଜାତି ସମାଜ ସଂଗଠନ, ରାଜନୈତିକ ସଙ୍ଗଠନ ତରଫରୁ ଆସନ୍ତା ୨୧ ଅଗଷ୍ଟ ୨୦୨୪ ତାରିଖ ଭାରତ ବନ୍ଦ ଡାକରା ଦିଆଯାଇଛି l  ଭାରତ ବନ୍ଦ ଡାକରାକୁ ପାଟଣାଗଡ଼ ରେ ମଧ୍ୟ ସମର୍ଥନ ଜଣେଇ  ସମସ୍ତ ସରକାରୀ /ବେସରକାରୀ କାର୍ଯ୍ୟାଳୟ, ବ୍ୟାଙ୍କ, ବୀମା, ଦୁକାନ ବଜାର, ସ୍କୁଲ କଲେଜ, ଯାନ ବାହାନ ଅଖ ଚକ ବନ୍ଦ ରହିବ (ଜରୁରୀ କାଳୀନ ସେବା ବ୍ୟତୀତ )| ଏହି ବନ୍ଦ ଅବସରରେ ସକାଳ ଘ. ୬ରୁ ପିକେଟିଂ କରାଯିବ ଓ ସକାଳ ଘ. ୧୦ରେ ଗଡ଼ ଭିତର ଯାତ୍ରା ପଡ଼ିଆରୁ   ସଶସ୍ତ୍ର ସାଂସ୍କୃତିକ ଶୋଭାଯାତ୍ରା ରେ ସହର ପରିକ୍ରମା କରି ଉପଜିଲ୍ଲାପାଳ କାର୍ଯ୍ୟାଳୟ ଠାରେ ଉପଜିଲ୍ଲାପାଳଙ୍କ ଜରିଆରେ ମହାମହିମ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ସ୍ମାରକ ପତ୍ର ପ୍ରଦାନ କରାଯିବ | ଆଜିର ସଭାରେ ସାରଥୀ ବାଗ, ହୃଷିକେଶ ଭୋଇ, ମଦନ ମାଝୀ, ପୁରନ୍ଦର ରାଉତ, ବଡ଼ ପୁଟା, ହରିବନ୍ଧୁ ବରିହା, ସହଦେଵ ଧରୁଆ, ଧବଳେଶ୍ୱର ଭୋଇ, ଚୂଡ଼ାମଣି ଧରୁଆ, କୃଷ୍ଣ ଚନ୍ଦ୍ର ଧରୁଆ, ମିଳି ଶବର, ମଧୁମାଲା ବୁଡ଼େକ, ଯଂଜ୍ଞସେନୀ ବେହେରା, ସଂଯୁକ୍ତା ବନଗୁଳା, ଲଳିତ ମିର୍ଦ୍ଧା, କୁଶ ବରିହା, ଗୋରେଖନାଥ ବରିହା, ଟିକେଶ୍ୱର ମିର୍ଦ୍ଧା, ଜୋତ୍ସ୍ନା ମୟୀ ବରିହା ପ୍ରମୁଖ ଉପସ୍ଥିତ ଥିଲେ |