14-Aug-2024

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ପ୍ରଶାସନ ତରଫରୁ ହର ଘର ତ୍ରିରଙ୍ଗା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ସ୍ବାଧୀନତାର ଅମୃତ ମହୋତ୍ସବ ପାଳନ ଅବସରରେ ଦେଶର ନାଗରିକ ମାନଙ୍କ ଏକତା, ଅଖଣ୍ଡତା ବଜାୟ ରଖିବା ପାଇଁ ତ୍ରିରଙ୍ଗା ଅଭିଯାନ ଆରମ୍ଭ କରାଯାଇଛି l ବ୍ଲକ ଗୋଷ୍ଠୀ ଅଧିକାରୀ ମହାପାତ୍ର କୁଲଦୀପ ମହାନ୍ତି ଙ୍କ ନେତୃତ୍ୱରେ ଉକ୍ତ କାର୍ଯ୍ୟକ୍ରମ ଆୟୋଜିତ କରାଯାଇଥିଲା l ଏହି ଅବସରରେ ବ୍ଲକ ସମ୍ମୁଖରେ  ଡୁଡୁକା ଗ୍ରାମ ର ହାଇସ୍କୁଲ ,ଏମ ଇ ସ୍କୁଲ୍ ର 200 ଛାତ୍ରଛାତ୍ରୀ ଙ୍କୁ ନେଇ ଏକ ବିରାଟ ସାଇକଲ ଶୋଭାଯାତ୍ରା କରାଯାଇ ଥିଲା l ଏହା ବ୍ଲକ ସମ୍ମୁଖରୁ ବାହାରି ଡୁଡୁକା ସ୍କୁଲ ଛକ , ୟୁ ପି ସ୍କୁଲ ଛକ ଦେଇ ବସ୍ତି ଭିତରେ ଥିବା ଜଗନ୍ନାଥ ମନ୍ଦିର ଦେଇ ଦୁଗ୍ଧକେନ୍ଦ୍ର ଦେଇ ପୁଣି ବ୍ଲକ କୁ  ଫେରି ଆସିଥିଲେ l

ଏହି ଶୋଭାଯାତ୍ରା ଟି ବ୍ଲକ ଅଧ୍ୟକ୍ଷା ଗୀତାଞ୍ଜଳି ଦାସ ସବୁଜ ପତାକା ଦେଖାଇ ଶୁଭାରମ୍ଭ କରିଥିବା ବେଳେ ବି ଡି ଓ ମହାପାତ୍ର କୁଲଦୀପ ମହାନ୍ତି , ଆଗଲପୁର ମେଡିକାଲ ଅଧିକାରୀ ଡ୍ ଧୀରେନ୍ଦ୍ର ମେହେର , ଆଗଲପୁର ତହସିଲ ଦାର   ଚ ଏ ନୁ ଗଣ୍ଡ  ଉକ୍ତ ରାଲି ରେ ସାମିଲ ଥିଲେ l ଏହି ରାଲି ରେ ପ୍ରତ୍ୟକ ସାଇକେଲ ରେ ଜାତୀୟ ପତାକା ଓ ସ୍ଵାସ୍ଥ୍ୟ ସଚେତନ ଲେଖାଥିବା ପ୍ଲା କାର୍ଡ ଲଗାଯାଇ ଥିଲା l ଏହି କାର୍ଯ୍ୟକ୍ରମ ରେ ଜି ପି ଓ ସୌଭାଗ୍ୟ ପଧାନ , ଏସ ବି ଏମ୍ ଅଂଶୁମାନ ଗୁରୁ , ଜଳ ଓ ପରିମଳ ବିଭାଗ ଯନ୍ତ୍ରୀ ଦୁର୍ଗା ପ୍ରସାଦ ମିଶ୍ର , ସହକାରୀ ଯନ୍ତ୍ରୀ ଟଙ୍କଧର କାଲୋ , ଓଡ଼ିଶା ଜୀବିକା ମିଶନ ଅଧିକାରୀ ଜ୍ଞାନ ରଞ୍ଜନ ସା, ବି ଏସ ଏସ ଓ ସୁଶାନ୍ତ ମହାକୁଡ଼ , ପ୍ରତ୍ୟେକ ଗ୍ରାମ ପଞ୍ଚାୟତ ଅଧିକାରୀ , ବ୍ଲକ ର ଅନ୍ୟାନ୍ୟ କର୍ମଚାରି ସହିତ ବିଭିନ୍ନ ସ୍କୁଲ ଋ ଶିକ୍ଷକ ,ଶିକ୍ଷୟିତ୍ରୀ ମାନେ ସହଯୋଗ କରିଥିଲେ l ଆଜି ର କାର୍ଯ୍ୟକ୍ରମ ରେ ପ୍ରବଳ ବର୍ଷା ହେଉ ଥିଲେ ହେଁ ଖାତିର ନ କରି ପ୍ରତ୍ୟକ ବିଭାଗ ର ଅଧିକାରୀ କର୍ମଚାରୀ, ଅଣ କର୍ମଚାରୀ,ଅତିଥି , ଛାତ୍ର ଛାତ୍ରୀ, ଶିକ୍ଷକ, ଶିକ୍ଷୟିତ୍ରୀ ପୂର୍ଣ୍ଣ ଭାବେ ଉକ୍ତ କାର୍ଯ୍ୟକ୍ରମ ସହଯୋଗ କରିଥିଲେ l