13-Aug-2024

ବଲାଙ୍ଗୀର , ତା. ୧୨/୮ ( ପ୍ରେରଣା ଖବର )-  ବଲାଙ୍ଗୀର ଜିଲ୍ଲା ସଇଁତଲା ବ୍ଲକ ଅନ୍ତର୍ଗତ ଡେଙ୍ଗ  ଉନ୍ନୀତ ଉଚ୍ଚ ବିଦ୍ୟାଳୟର ଠାରେ ଅମରାବତୀ ଇକୋ କ୍ଲବର ତରଫରୁ ପ୍ରଧାନ ଶିକ୍ଷକ ଚଣ୍ଡାଳ ମିଶ୍ରଙ୍କ ତତ୍ତ୍ବାବଧାନରେ ବିଶ୍ୱ ହସ୍ତୀ  ଦିବସ ପାଳିତ ହୋଇଯାଇଛି । ଅଗଷ୍ଟ ୧୨ରେ ‘ବିଶ୍ୱ ହସ୍ତୀ ଦିବସ’ ପାଳନ ହୁଏ । ଏହାର ମହତ୍ଵ  ହାତୀ ସମ୍ମୁଖୀନ ହେଉଥିବା ଆହ୍ଵାନ ଗୁଡିକ ବିଷୟରେ ସଚେତନତା ସୃଷ୍ଟି କରିବା ଏବଂ ଏହାର ସୁରକ୍ଷା ତଥା ସଂରକ୍ଷଣ ପାଇଁ ଆଲୋକପାତ କରିବାକୁ ଲକ୍ଷ୍ୟ ରଖିଛି ।

୨୦୨୪ ପାଇଁ ବିଷୟବସ୍ତୁ ହେଉଛି ‘ପ୍ରାଚୀନ ସୌନ୍ଦର୍ଯ୍ୟ ଏବଂ ପରିବେଶର ଗୁରୁତ୍ୱ । ଏହି ଥିମ୍ ହାତୀମାନଙ୍କର ବଞ୍ଚିବା ନିଶ୍ଚିତ କରିବାକୁ ପ୍ରାକୃତିକ ବାସସ୍ଥାନ ସଂରକ୍ଷଣର ଗୁରୁତ୍ୱକୁ ସୂଚିତ କରେ । ବିଶେଷକରି ହାତୀ ସଂଖ୍ୟା ହ୍ରାସକୁ ଦୃଷ୍ଟିରେ ରଖି ଏହା ଏକ ଗୁରୁତ୍ୱପୂର୍ଣ୍ଣ କାରଣ ଭାବରେ ବାସସ୍ଥାନ ସଂରକ୍ଷଣକୁ ସମାଧାନ କରିବାର ଆବଶ୍ୟକତା ଆଲୋକିତ କରେ । ବାସସ୍ଥାନ ସୁରକ୍ଷା ଉପରେ ଧ୍ୟାନ ଦେଇ, ଥିମ୍ ଏକ ସ୍ଥାୟୀ ପରିବେଶ ସୃଷ୍ଟି କରିବାକୁ ଲକ୍ଷ୍ୟ ରଖିଛି ଯେଉଁଠାରେ ହାତୀମାନେ ଆଗକୁ ବଢି ପାରିବେ ଏବଂ ଭବିଷ୍ୟତ ପିଡି ପାଇଁ ସେମାନଙ୍କ ବଞ୍ଚିବା ନିଶ୍ଚିତ କରିବେ ବୋଲି ଶିକ୍ଷକ, ଶିକ୍ଷୟିତ୍ରୀଗଣ ମତ ପ୍ରକାଶ କରିଥିଲେ ।

ଛାତ୍ରଛାତ୍ରୀ ମଧ୍ୟରେ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ଜୁନିୟର ଆସିଷ୍ଟେଣ୍ତ  ଅବିନାଶ ଭୋଇ,  ଶିକ୍ଷକ  କୃପାସିନ୍ଧୁ ମିଶ୍ର, ସୁଦର୍ଶନ ଦାଶ, ଲିଙ୍ଗରାଜ ନନ୍ଦ,  ସମୀର ସେଠି,   ହିମାଂଶୁ ଶେଖର ବିଶ୍ୱାଳ, ଶିକ୍ଷୟୀତ୍ରୀ ରେଣୁକା ସାହୁ, ଗାୟତ୍ରୀ ବାରିକ,  ତପସ୍ୱିନୀ ପଟେଲ, କାନ୍ତି ଭୋଇ,  ଶିବାନୀ ମଲ୍ଲିକ, ଦ୍ରୋପଦୀ ଭୋଇ ଉପସ୍ଥିତ ଥିଲେ । କାର୍ଯ୍ୟକ୍ରମକୁ ଅମରାବତୀ ଇକୋ କ୍ଲବର ପ୍ରକୃତିବନ୍ଧୁ ଶିକ୍ଷକ ରାମ ନାରାୟଣ ଦାଶ ପରିଚାଳନା କରିଥିଲା ବେଳେ ବିଜ୍ଞାନ ଶିକ୍ଷକ ଦୀପକ ସେନ ଧରୁଆ ଅର୍ପଣ କରିଥିଲେ ।