12-Aug-2024

ନୂଆପଡ଼ା  (ରାମନାଥ ପଣ୍ଡା)
ନୁଆପଡା ଜିଲ୍ଲାର  ନୂଆପଡ଼ା ବ୍ଲକ ସ୍ଥିତ ଗୋଡଫୁଲା ପଞ୍ଚାୟତ ପ୍ରାଙ୍ଗଣରେ ଜିଲ୍ଲାର ଡ଼ାକ୍ତରଖାନା କର୍ମଚାରୀମାନଙ୍କୁ ନେଇ  ଜିତେନ୍ଦ୍ର ନାଥ ସାହୁଙ୍କ ନେତୃତ୍ବରେ ଏକ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି।  ବୈଠକରେ ଜିଲ୍ଲା ନିର୍ମାଣ ଶ୍ରମିକ ସଂଘର ମୂଖ୍ୟ ଟୁଲୁ ବାଵୁ ଉପସ୍ଥିତ ରହି ଜିଲ୍ଲାର ଡାକ୍ତରଖାନାରେ କାର୍ଯ୍ୟରତ କର୍ମଚାରୀ ମାନଙ୍କ ସହିତ କଥାବାର୍ତ୍ତା କରି କର୍ମଚାରୀ ମାନଙ୍କୁ ସେମାନଙ୍କ ଅଧିକାର ଓ ସୁବିଧା ବିଷୟରେ ବୁଝାଇଥିଲେ ।  ବୈଠକରେ କର୍ମଚାରୀ ମାନଙ୍କର କିଛି ଅଭିଯୋଗ ଉପରେ ଆଲୋଚନା ହୋଇଥିଲା ।ଅଭିଯୋଗମାନ ହେଉଛି -   ନୂଆପଡ଼ା ଜିଲ୍ଲାର ଡାକ୍ତରଖାନା କର୍ମଚାରୀ ମାନଙ୍କୁ ଇ ପି ଏଫ୍ ଦିଆଯାଉନାହିଁ, ରାଜ୍ୟ ଜୀବନ ବୀମା କାର୍ଡ ପ୍ରଦାନ କରାଯାଇ ନାହିଁ,  ମାସିକ ଦରମା ମାସକୁ ମାସ ଦିଆଯାଉନାହିଁ, ଓଡ଼ିଶା ରାଜ୍ୟ ସରକାରଙ୍କର ଦୈନନ୍ଦିନ ମଜୁରୀ ହିସାବରେ  ଦରମା ଦିଆଯାଉନାହିଁ।ଉପରୋକ୍ତ ବିଷୟ ବିନ୍ଦୁ ଉପରେ ବୈଠକରେ ଆଲୋଚନା ହୋଇଥିଲା । ବୈଠକରେ ଉପସ୍ଥିତ କର୍ମଚାରୀ ମାନେ ସମସ୍ୟାର ସମାଧାନ ପାଇଁ ଏବଂ ନିଜର ଅଧିକାରକୁ ପ୍ରାପ୍ତ କରିବା ନିମିତ୍ତ ତଥା ସରକାରଙ୍କ ଆଗରେ ଉପସ୍ଥାପନ କରିବା ପାଇଁ  ସମସ୍ତଙ୍କ ନିଷ୍ପତି କ୍ରମେ ଗୋଟିଏ କର୍ମଚାରୀ ଆସୋସିଏସନ୍ କରିବାକୁ ପ୍ରସ୍ତାବ ଆଗତ କରିଥିଲେ । କର୍ମଚାରୀ ମାନଙ୍କର ପ୍ରସ୍ତାବ ହିସାବରେ "ଜିଲ୍ଲା ଡାକ୍ତରଖାନା କର୍ମଚାରୀ ଆସୋସିଏସନ୍" ସଂଘ ନାମ ରେ ସର୍ବ ସମ୍ମତିକ୍ରମେ  ନାମ କରଣ କରାଗଲା । ଏହି କର୍ମଚାରୀ ଆସୋସିଏସନ୍ ର ଜିଲ୍ଲା କମିଟି ଗଠନ କରି ପଂଜିକୃତ କରାଯିବା ପାଇଁ ସର୍ବ ସମ୍ମତିକ୍ରମେ ନିଷ୍ପତ୍ତି ଗ୍ରହଣ କରାଗଲା । ଏହି ସାଧାରଣ ବୈଠକରେ ନୂଆପଡ଼ା ଜିଲ୍ଲାର ୫ଟି ବ୍ଳକର କର୍ମଚାରୀ ମାନେ ଉପସ୍ଥିତ ରହି ଥିଲେ ।ଜିତେନ୍ଦ୍ର ସାହୁ, ନନ୍ଦ କିଶୋର ସାହୁ, ପଦ୍ମଲୋଚନ ଶବର, ନନ୍ଦ କୁମାର ଡୁଙ୍ଗରି, ଲଲିତ କୁମାର ମାଝୀ, କେଶବ ଦଳପତି, ଜିତେନ୍ଦ୍ର ନାଏକ, କୁଲଦୀପ ରାଉତ, ରତନଲାଲ ମାଝୀ, ମନରଂଜନ ବାରିକ, ମୋହର ରଣା, ଇନ୍ଦ୍ର ମାଝୀ ଓ ସମସ୍ତ କର୍ମଚାରୀ ଯୋଗଦେଇଥିଲେ । ଜିତେନ୍ଦ୍ର କୁମାର ସାହୁ ଓ ନନ୍ଦ କିଶୋର ସାହୁ ଧନ୍ୟବାଦ ଦେଇ ସଭା ସାଙ୍ଗ କରିଥିଲେ ।ପରବର୍ତ୍ତୀ ବୈଠକରେ ନୂଆ ନିଷ୍ପତ୍ତି ଗ୍ରହଣ କରିବାର ସମ୍ଭାବନା ବେଶୀ ।