12-Aug-2024

ବୋଡ଼େନ - (ରାମନାଥ ପଣ୍ଡା)
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଚର୍ଚ୍ଚିତ ବଣ ପାହାଡ ଘେରା ପଞ୍ଚାୟତ ନାଗ ପଡା ଠାରେ ଆଜି ବି ଡି ଓ ପ୍ରିୟରଞ୍ଜନ କୁମାରଙ୍କ ଅଧ୍ୟକ୍ଷତାରେ ତଥା ତହସିଲଦାର ସରିତା ଗୁପ୍ତାଙ୍କ ସହଯୋଗରେ ଗାଁରେ ପ୍ରଶାସନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଲୋକମାନେ ତାଙ୍କ ସମସ୍ୟାର ସମାଧାନ ଓ ଆବଶ୍ୟକତାକୁ ପୂରଣ କରିବା ନିମିତ୍ତ ଅଭିଯୋଗ ମାନ ଆଣିଥିଲେ ।୪୮ ରୁ ଉର୍ଦ୍ଧ୍ବ ଅଭିଯୋଗ ଲିପିବଦ୍ଧ ହୋଇଥିବା ଜଣାଯାଇଛି ।କିଛି ଅଭିଯୋଗର ତୁରନ୍ତ ସମାଧାନ ହୋଇଥିବାବେଳେ ଅନ୍ୟ ଅଭିଯୋଗ ଗୁଡ଼ିକର ସମାଧାନ ବିଭାଗୀୟ କର୍ମଚାରୀଙ୍କ ଦ୍ଵାରା ଶୀଘ୍ର କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ।ସରପଂଚ ଗମ୍ଭୀର ତାଣ୍ଡି,ସମିତି ସଭ୍ୟା ସବିତା ଦୀପ,ସହକାରୀ ନିର୍ବାହୀ ଯନ୍ତ୍ରୀ ଆଶୁତୋଷ ରାଉତ , ଜି ପି ଇ ଓ ବିଶ୍ୱଜିତ କୁମ୍ଭାର, ଏ ପି ଓ ରବିନାରାୟଣ ରାଉତ,ଏମ ଆଇ ଆଲୋକ ପାତ୍ର, ପ୍ରୋଗ୍ରାମ ଆସିଷ୍ଟାଣ୍ଟ ହିତେଶ ଆଡବାହି,କନିଷ୍ଠ ଯନ୍ତ୍ରୀ ଧର୍ମେନ୍ଦ୍ର କୁମାର ସାହୁ,ପଞ୍ଚାୟତ ନିର୍ବାହୀ ଅଧିକାରୀ ଗୁର୍ଜ୍ଜୁ ହଂସ, ଜି ଆର୍ ଏସ ବଦ୍ରି ନାରାୟଣ ପ୍ରଧାନ,କୃଷି ଅଧିକାରୀ,ଉଦ୍ୟାନ ବିଭାଗ କର୍ମଚାରୀ,ଆଇ ସି ଡି ଏସ ଅଧିକାରୀ, ବନ କର୍ମଚାରୀ,ଶିକ୍ଷା ବିଭାଗୀୟ ଅଧିକାରୀ,ରାଜସ୍ବ ବିଭାଗ କର୍ମଚାରୀ,ବିଦ୍ୟୁତ୍ ବିଭାଗୀୟ ଅଧିକାରୀ,ଜଳ ଓ ପରିମଳ ବିଭାଗ ଅଧିକାରୀ, ବି ଆର୍ ସି ଦ୍ବୟ ଏବଂ ସମସ୍ତ ବିଭାଗର କର୍ମଚାରୀ ସମେତ ନାଏବ ସରପଂଚ କାଠ ଚିନ୍ଦା,ପୂର୍ବତନ ସରପଂଚ ନକୁଲ ମାଝୀ, ପେକ୍ସ୍ ପ୍ରେସିଡେଣ୍ଟ ଖଗେଶ୍ବର ସୁନାନି,ସମାଜ ସେବୀ ରଘୁନାଥ ମାଝୀ,ସୁରେଶ ଦୂରିଆ,ଅମୃତ ମାଝୀ ଉପସ୍ଥିତ ଥିଲେ ।୨୦୦ ରୁ ଉର୍ଦ୍ଧ୍ବ ଜନସାଧାରଣ ଉପସ୍ଥିତ ରହି ଅଭିଯୋଗ ଶୁଣାଣି ଶିବିରକୁ ସଫଳ କରିଥିବା ବେଳେ ବି ଡି ଓ ଙ୍କ ମାଧ୍ୟମରେ ତ୍ରିରଙ୍ଗା ପତାକା ବଣ୍ଟନ କାର୍ଯ୍ୟକ୍ରମ  ଅନୁଷ୍ଠିତ ହୋଇ ଉପସ୍ଥିତ ସମସ୍ତଙ୍କୁ ଜାତୀୟ ପତାକା ତ୍ରିରଙ୍ଗା ପ୍ରଦାନ କରାଯାଇଥିଲା । ସିଗ୍ ନେଚର କେମ୍ ପେନିଙ୍ଗ କାର୍ଯ୍ୟକ୍ରମ ଆହୁରି ମନଛୁଆଁ ହୋଇପାରିଛି ।ଆଜିର ଗାଁରେ ପ୍ରଶାସନ କାର୍ଯ୍ୟକ୍ରମ ପ୍ରତ୍ୟକ୍ଷ ଭାବରେ ଇଙ୍ଗିତ କରୁଥିଲା କି ଆଗାମୀ ଦିନରେ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଏବଂ ବିଡ଼ିଓ ଙ୍କ ତତ୍ତ୍ଵାବଧାନରେ ଜିଲ୍ଲା ଶାସନ ପ୍ରଗତି ଶିଳ ହେବାର ଆଶା ଦିଶୁଛି ।