03-Aug-2024

ବରଗଡ଼ (ନିରଞ୍ଜନ ତ୍ରିପାଠୀ)::କ୍ରମଶଃ ସାମାଜିକ ଅବକ୍ଷୟ ତୀବ୍ରତର ହେଉଛି। ଫଳରେ ସମାଜରେ ବିଶୃଙ୍ଖଳିତ ଆଚରଣ ବଢ଼ିବାରେ ଲାଗିଛି। ସୁତରାଂ ସମାଜକୁ ଶୃଙ୍ଖଳିତ କରିବା ପାଇଁ ବାର୍ଦ୍ଧକ୍ୟର ପ୍ରଜ୍ଞା ଏକାନ୍ତ ଆବଶ୍ୟକ। ବରଗଡ଼ ଜିଲ୍ଲା ବିଜେପୁର ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଅନ୍ତର୍ଗତ ଜାରିଂ କ୍ଲଷ୍ଟର ସ୍ତରୀୟ ଅବସରକାଳୀନ ବିଦାୟ ସମ୍ବର୍ଦ୍ଧନା ସମାରୋହରେ ଏହି ମତପ୍ରକାଶ ପାଇଛି। ବିନିକା ଵ୍ଲକର ପ୍ରାକ୍ତନ ଵିଇଓ ଘନଶ୍ୟାମ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦଘାଟନ କରିଥିଲେ।ଜାରିଂ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଆୟୋଜିତ ଏହି ଉତ୍ସବରେ କ୍ଷେତରପଡା ସ୍କୁଲର ପ୍ରଧାନଶିକ୍ଷକ ସୌଦାମିନୀ ମାଝୀ. ଅଧ୍ୟକ୍ଷତା କରିଥିଲେ।ପ୍ରାକ୍ତନ ଗୋଷ୍ଠୀ ଶିକ୍ଷା ଅଧିକାରୀ ସୁରେଶ କୁମାର ରାଉତରାୟ,ପିପିଲିପାଲି ପ୍ରାଥମିକ ସ୍କୁଲର ପ୍ରଧାନଶିକ୍ଷକ ପଙ୍କଜିନୀ ସାହୁ,ଵୁଡାପାଲି ହାଇସ୍କୁଲର ସହକାରୀ ଶିକ୍ଷକ ଅନନ୍ତରାମ ମେହେରଙ୍କୁ କ୍ଲଷ୍ଟର ପକ୍ଷରୁ ଉପଢ଼ୌକନ ଓ ମାନପତ୍ର ଦେଇ ଅଵସର କାଳୀନ ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ଗୀତାଞ୍ଜଳି ସାହୁ,ରୀତା ଖେତି, ମନ୍ଦାକିନୀ ପଧାନ ପ୍ରମୁଖ ମାନପତ୍ର ପଠନ କରିଥିଲେ। ସ୍ଥାନୀୟ ସ୍କୁଲର ଛାତ୍ରୀ ଜୟନ୍ତୀ ସାହୁ ଓ ସାଥୀଗଣ  ପ୍ରାରମ୍ଭିକ ସଂଗୀତ ପରିବେଷଣ କରିଥିଲେ। ସିଆରସିସି ରାଜେଶ୍ଵର ବେହେରା ସମାରୋହକୁ ସଂଯୋଜନା କରିଥିଲେ।ଗେହ୍ଲାମଣି ମଲ୍ଲିକ,ଭୋଜରାଜ ଦୀପ, ବାସୁଦେବ ପଧାନ ପ୍ରମୁଖ ଶିକ୍ଷକଗଣ ସମ୍ବର୍ଧିତ ପ୍ରତିଭାଙ୍କୁ ଶୁଭେଚ୍ଛା ଜ୍ଞାପନ କରିଥିଲେ। ସ୍ଥାନୀୟ ସ୍କୁଲର ପ୍ରଧାନଶିକ୍ଷକ ଭାଦ୍ରବ ପାଣ୍ଡେ ଅତିଥି ପରିଚୟ ଦେଇଥିବା ବେଳେ ଲେମଧର ସେବାଶ୍ରମର ଶିକ୍ଷୟିତ୍ରୀ ନମିତା ବେହେରା ଉଦ୍ଦେଶ୍ୟ ଜ୍ଞାପନ କରିଥିଲେ। କାର୍ଯ୍ୟକ୍ରମରେ କ୍ଲଷ୍ଟରର ଦଶଗୋଟି ସ୍କୁଲର ପ୍ରଧାନଶିକ୍ଷକ, ଶିକ୍ଷକ ଶିକ୍ଷୟିତ୍ରୀଙ୍କ ସମେତ ବିଜେପୁର ସିଆରସିସି ସୁଧାଂଶୁ ଶେଖର ଜାଲ,ପଡା ସିଆରସିସି ନବୀନ କୁମାର ସାହୁ, ଶିକ୍ଷକ ସଂଘର ସଂପାଦକ ସୌମ୍ୟରଂଜନ ପଧାନ ପ୍ରମୁଖ ଯୋଗଦେଇ ଥିଲେ। ଶିକ୍ଷକ ପ୍ରସନ୍ନ ଭୋଇ ଧନ୍ୟବାଦ ଅର୍ପଣ କରିଥିଲେ।