31-Jul-2024

ଡୁଙ୍ଗୁରିପାଲି(ଅରବିନ୍ଦ ମିଶ୍ର) ସୁବର୍ଣ୍ଣପୁର ଜିଲ୍ଲା ପ୍ରସାଶନ ପକ୍ଷରୁ ଗତକାଲି ଡୁଙ୍ଗୁରିପାଲି ପଞ୍ଚାୟତ ସମିତି ସଭାଗୃହରେ ବିଡିଓ ବିପିନ ବିହାରୀ ଦୀପଙ୍କ ତତ୍ତ୍ୱାବଧାନରେ ଯୁଗ୍ମ ଅଭିଯୋଗ ଶୁଣାଣି ଅନୁଷ୍ଠିତ ହୋଇଯାଇଛି । ଉକ୍ତ ଅଭିଯୋଗ ଶୁଣାଣୀରେ ଜିଲ୍ଲାପାଳ ଅନ୍ୟା ଦାଶ, ଅତିରିକ୍ତ ଜିଲ୍ଲା ଆରକ୍ଷୀ ଅଧିକ୍ଷକ ବୀରେନ୍ଦ୍ର କୁମାର  ନାୟକ ଯୁଗ୍ମ ଜନଶୁଣାଣୀ ଶିବିରରେ ଯୋଗଦାନ କରି ଜନସାଧାରଣଙ୍କ ବିଭିନ୍ନ ଆପତ୍ତି ଓ ସମସ୍ୟା ନିହିତ ୯୦ ଗୋଟି ପଞ୍ଜିକୃତ ଅଭିଯୋଗ ଦରଖାସ୍ତ ଗ୍ରହଣ କରିଥିଲେ । ସେଥି ମଧ୍ୟରୁ ୮୨ଗୋଟି ବ୍ୟକ୍ତିଗତ ରହିଥିବା ବେଳେ ୮ଗୋଟି ସାମୁହିକ ଅଭିଯୋଗ ରହିଥିଲା ।  ପ୍ରମୁଖ ଅଭିଯୋଗ ମଧ୍ୟରେ ବରଗଡ-ବୋରିଗୁମ୍ମା ୨୬ନମ୍ବର ଜାତୀୟ ରାଜପଥର ଡୁଙ୍ଗୁରିପାଲି ସହର ମଧ୍ୟରେ ୩କିମି ରାସ୍ତା ଅତି ଶୋଚନୀୟ ହୋଇ ପଡିଛି । ଏହାର ମରାମତି କରା ଯିବାକୁ ବଣିକ ସଂଘ ପକ୍ଷରୁ  ଦାବୀ କରାଯାଇଥିଲା ।  ସଂପ୍ରସାରଣ କାର୍ଯ୍ୟ ଅନ୍ୟ ଅଂଚଳରେ ହୋଇ ସାରିଥିବା ବେଳେ ଡୁଙ୍ଗୁରପାଲିରେ ହୋଇ ନଥିବାରୁ ଏଥିପାଇଁ ଅନେକ ଆନ୍ଦୋଳନ କରାଯାଇ ପ୍ରସାଶନ ପକ୍ଷରୁ ପ୍ରତିଶୃତି ମିଳି ଥିଲେ ମଧ୍ୟ କୌଣସି କାର୍ଯ୍ୟ ହୋଇ ନଥିଲା । ବଣିକ ସଂଘର  ଲକ୍ଷ୍ମଣ ମେହେର, ସୁନୀଳ ମିତ୍ତଳ, ସୁନୀଳ ମେହେର, ପବିତ୍ର ମୋହନ ପାଣ୍ଡିଆ, ରତ୍ନାକର ସେଠ, ବନମାଳୀ ମେହେର, ଜଗନ୍ନାଥ ମିଶ୍ର ପ୍ରମୁଖ ଜିଲ୍ଲାପାଳଙ୍କୁ ଭେଟି ଆଲୋଚନା କରିଥିଲେ । ସେହି ପରି ଗତ ୨୬ତାରିଖରେ ବ୍ଲକ କାର୍ଯ୍ୟାଳୟ ପରିସର ବିଡିଓଙ୍କ ସରକାରୀ ବାସ ଭବନ ସମ୍ମୁଖରେ ଇଚ୍ଛାପୁର ସରପଞ୍ଚ ପ୍ରଶାନ୍ତ ସାହୁଙ୍କୁ ଭୁଜାଲିରେ ଆକ୍ରମଣ କରିଥିଲେ ।  ଏଥିରେ ସେ ଗୁରୁତର ହୋଇ ବୁର୍ଲାରେ ଚିକିତ୍ସାଧିନ ରହିଛନ୍ତି । ବର୍ତ୍ତମାନ ପର୍ଯ୍ୟନ୍ତ ଅଭିଯୁକ୍ତ ଗିରଫ କରାଯାଇ ନାହିଁ । ଆଗାମୀ ୨୪ ଘଣ୍ଟା ମଧ୍ୟରେ ଗିରଫ କରାନଗଲେ  ବ୍ଲକ କାର୍ଯ୍ୟାଳୟ ସମେତ ସମସ୍ତ ସରକାରୀ କାର୍ଯ୍ୟାଳୟ ବନ୍ଦ କରାଯାଇ ରାସ୍ତା ରୋକ କରାଯିବ ବୋଲି ବ୍ଲକ ସରପଞ୍ଚ ସଂଘ ପକ୍ଷରୁ ଆଜି ଜିଲ୍ଲାପାଳଙ୍କୁ ଲିଖିତ ଅଭିଯୋଗ କରିଛନ୍ତି । ବ୍ଲକର  ବିଦ୍ୟାଳୟ ତଥା ଅଙ୍ଗନୱାଡି କେନ୍ଦ୍ର ଗୁଡିକରେ ଚାଉଳ ବଣ୍ଟନ କରାଯାଉଛି । ଏଥିରେ ଖୁଦ ଏବଂ କମ୍ ଓଜନର ଚାଉଳ ରହୁଥିବାରୁ ଏହାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ନିତେଇ ପାଳ ଦାବୀ କରିଛନ୍ତି । ଅନ୍ୟ ଦରଖାସ୍ତ ଗୁଡିକୁ ନିର୍ଦ୍ଦିଷ୍ଟ ସମୟ ମଧ୍ୟରେ ସମାଧାନ କରିବା ପାଇଁ ସଂପୃକ୍ତ ବିଭାଗ ଗୁଡିକୁ ପ୍ରଦାନ କରାଯାଇଛି ।  କାର୍ଯ୍ୟକ୍ରମରେ ଜିଲ୍ଲାପରିଷଦ ଅଧ୍ୟକ୍ଷା ସୁପାର ଠେଲା,  ବ୍ଲକ ଅଧ୍ୟକ୍ଷା ଅହଲ୍ୟା ସାହୁ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ଅଶ୍ୱନୀ ମେହେର,  ଉପଜିଲ୍ଲାପାଳ ସୁରଜ କୁମାର ପଟ୍ଟନାୟକ, ଅଧିକ୍ଷଣ ଯନ୍ତ୍ରୀ ଦାମୋଦର କୈବର୍ତ୍ତ, ଜିଲ୍ଲା ମୁଖ୍ୟ ଯୋଗାଣ ଅଧିକାରୀ ସୁରେଶ ପାଣିଗ୍ରାହୀ,  ଜିଲ୍ଲା ପଞ୍ଚାୟତ ଅଧିକାରି ଅର୍ଜୁନ ଚରଣ ମାଝୀ, ଜିଲ୍ଲା ସୁଚନା ଓ ଲୋକ ସଂପର୍କ ଅଧିକାରୀ ଅଶ୍ୱନୀ ଭୋଇ, ଜିଲ୍ଲା ସଂସ୍କୃତି ଅଧିକାରୀ ଯମୁନା ପ୍ରଧାନ, ଜିଲ୍ଲା ମଙ୍ଗଳ ଅଧିକାରୀ ଅଚ୍ୟୁତାନନ୍ଦ ସିଂ, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଗୋବିନ୍ଦ ବଲ୍ଲଭ ଷଡଙ୍ଗୀ, ଜିଲ୍ଲା ଶିକ୍ଷାଅଧିକାରୀ ଲକ୍ଷ୍ମଣ ଭୋଇ, ଜିଲ୍ଲା କ୍ରୀଡା ଅଧିକାରୀ ଚିତ୍ତରଞ୍ଜନ ମିଶ୍ର, ଜିଲ୍ଲା ଶ୍ରମ ଅଧିକାରିୀ ସବିତା କୁମାରୀ ନାୟକ,  ଜିଲ୍ଲା ମତ୍ସ୍ୟ ଅଧିକାରୀ ପ୍ରଶନ୍ନ କୁମାର ପଟ୍ଟନାୟକ, ନିର୍ବାହୀ ଯନ୍ତ୍ରୀ  ଅଶୋକ କୁମାର ମିଶ୍ର,  ଗ୍ରାମ୍ୟ ଉନ୍ନୟନ ଯନ୍ତ୍ରୀ ବିଏନ ରେଡ୍ଡି, ଉଠା ଜଳସେଚନ ଯନ୍ତ୍ରୀ ପ୍ରଫୁଲ୍ଲ କୁମାର ବେହେରା,  ଉପନିର୍ଦ୍ଦେଶକ ବିନୟ ପୃଷ୍ଟି,  ଫରେଷ୍ଟ ରେଞ୍ଜ ଅଫିସର ଡମ୍ବରୁଧର ପ୍ରଧାନ,  ପଉନିର୍ଦ୍ଦେଶକ ହସ୍ତତନ୍ତ ବିନୟ, ଜିଲ୍ଲା ଶିଳ୍ପ କେନ୍ଦ୍ର ଜିଏମ ଅଭିଜିତ ତ୍ରୀପାଠି,  ସିଡିଭିଓ ପରମାନନ୍ଦ ସେଠୀ, ରାମପୁର ତହସିଲଦାର ବିମଳ ପାତ୍ର, ଡେପୁଟି କଲେକ୍ଟର ଶୁଭଶ୍ରୀ ରଥଙ୍କ ସମେତ ଜିଲ୍ଲା ଓ ବ୍ଲକ ସ୍ତରୀୟ ଅଧିକାରୀମାନେ ଉପସ୍ଥିତ ଥିଲେ