16-Jul-2024

ନବରଙ୍ଗପୁର (ମିହିର ଶଙ୍କର ପାତ୍ର,) ଡାବୁଗାଁରେ ପବିତ୍ର ବାହୁଡ଼ାଯାତ୍ରା ସମୟରେ ଘଟିଛି ଅଘଟଣ। ରଥଟଣା ସମୟରେ ରଥ ଏକ ବିଦ୍ୟୁତ ପୋଲକୁ ଧକ୍କା ଦେବାରୁ ଦୁଇ ଜଣ ଦଇତାପତି ତଳକୁ ଖସି ପଡ଼ିଛନ୍ତି। ସେମାନେ ହେଲେ ପ୍ରଦୀପ ସାହୁ ଓ ନୀଳକଣ୍ଠ ମହାପାତ୍ର। ଦଇତାପତି ପ୍ରଦୀପ ସାହୁ ଗୁରୁତର ଆହତ ହୋଇଥିଲେ । ତୁରନ୍ତ ଆହତ ଦୁଇ ଦଇତାପତି ଙ୍କୁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଗୁରୁତର ପ୍ରଦୀପ ସାହୁଙ୍କ ମୁଣ୍ଡ ଫାଟି ଥିବାରୁ ମୁଣ୍ଡରେ ସିଲାଇ ପଡିଛି।ଆଜି ରଥ ଟାଣିବା ସମୟରେ ପ୍ରବଳ ବର୍ଷା ହୋଇଥିଲା। ଯଥାଶୀଘ୍ର ଜଗନ୍ନାଥ ମନ୍ଦିର ପହଞ୍ଚାଇବାକୁ ଶ୍ରଦ୍ଧାଳୁ ଭକ୍ତମାନେ ଅନିୟନ୍ତ୍ରିତ ହୋଇ ରଥ ଟାଣି ଥିଲେ ଏଵଂ ଜଗନ୍ନାଥ ମନ୍ଦିର ଠାରୁ ମାତ୍ର ଅଳ୍ପ ଦୂରରେ ଥିବା ବିଦ୍ୟୁତ ପୋଲ ସହ ରଥ ଧକ୍କା ହୋଇଥିଲା। ତେବେ ଡାବୁଗାଁ ରଥଟଣା ସମୟରେ ଏଭଳି ଏଭଳି ଅଘଟଣ ପ୍ରଥମ ଥର ଦେଖିବାକୁ ମିଳିଛି।