14-Jul-2024

କଣ୍ଟାମାଳ(ଜୟ କୁମାର ମହାରଣା ) ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକ ଘଣ୍ଟାପଡ଼ାସ୍ଥିତ ବନ୍ୟା ଆଶ୍ରୟସ୍ଥଳୀଠାରେ ଭାଜପାର ପଞ୍ଚାୟତ ସ୍ତରୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି।  ଭାଜପା ପଞ୍ଚାୟତ ପ୍ରମୁଖ ଅମୂଲ୍ୟ ପ୍ରଧାନଙ୍କ ସଭାପତିତ୍ଵରେ ଅନୁଷ୍ଠିତ ବୈଠକରେ ଜିଲ୍ଲା ଉପସଭାପତି ଚିତ୍ତରଂଜନ ପାତ୍ର, ଘଣ୍ଟାପଡ଼ା ମଣ୍ଡଳ ସଭାପତି ପିନାକଧର ରଣା, ଯୁବ ମଣ୍ଡଳ ସଭାପତି ଋଷି ରଣା, ଆଦିବାସୀ ମୋର୍ଚ୍ଚା ମଣ୍ଡଳ ସଭାପତି ଗୋପୀନାଥ କହଁର, ମଣ୍ଡଳ ପ୍ରଭାରୀ ସୁଶାନ୍ତ

ପଟେଲ, ବରିଷ୍ଠ ନେତା ସୂର୍ଯ୍ୟ ଦେହୁରୀ ପ୍ରମୁଖ ଉପସ୍ଥିତ ରହି ଭାଜପାର ଡବଲ ଇଞ୍ଜିନର ବିଜୟ ପାଇଁ ସମସ୍ତ କର୍ମୀଙ୍କ ସହଯୋଗ, ଅକ୍ଲାନ୍ତ ପରିଶ୍ରମକୁ ଧନ୍ୟବାଦ ଓ କୃତଜ୍ଞତା

ଜଣାଇଥିଲେ ଏବଂ ନିର୍ବାଚନ  ପରବର୍ତ୍ତୀ ସମୀକ୍ଷାରେ ନିଜ ଅଞ୍ଚଳର ବିଭିନ୍ନ ସମସ୍ୟା, ଜନ କଲ୍ୟାଣ ଯୋଜନାରେ ଯେପରି ପ୍ରକୃତ ହିତାଧିକାରୀ ବଞ୍ଚିତ ନ ହେବେ, ତା ଉପରେ ଆଲୋକପାତ କରିଥିଲେ। ବୈଠକରେ ପଞ୍ଚାୟତର ବହୁ କର୍ମୀ ଉପସ୍ଥିତ ରହି ସମୀକ୍ଷାରେ ଭାଗନେଇଥିଲେ। ଶେଷରେ ପଞ୍ଚାୟତ ସଂପାଦକ ରାଜୀବ ରଣା ଧନ୍ୟବାଦ ଦେଇଥିଲେ।