13-Jul-2024

ବଲାଙ୍ଗୀର(ମହେନ୍ଦ୍ର ଦର୍ଜି): ସ୍ଥାନୀୟ ମାଉସୀ ମାଁ ମନ୍ଦିର ପରିସରରେ ସ୍ୱନାମଧନ୍ୟ ଅନୁଷ୍ଠାନ ପଞ୍ଚମର ଭଜନ ସନ୍ଧ୍ୟା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଏହି ଅନୁଷ୍ଠାନ ର ନୂତନ ଏବଂ ପୁରାତନ ଛାତ୍ରଛାତ୍ରୀଙ୍କୁ ନେଇ ଏହି ଭଜନ ସନ୍ଧ୍ୟା କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଅନୁଷ୍ଠାନର ମୁଖ୍ୟ ମୁରଲୀଧାରୀ ପତି ଙ୍କ ପ୍ରାରମ୍ଭିକ ସଙ୍ଗୀତ ସମସ୍ତଙ୍କ ମନ ମୋହି ନେଇଥିଲା।ପରେ ପରେ ଅନୁଷ୍ଠାନର ଅନେକ ଛାତ୍ରଛାତ୍ରୀ ଜଗନ୍ନାଥଙ୍କ ଉପରେ ଆଧାରିତ ଅନେକ ମନମୋହିଲା ସଙ୍ଗୀତ ଗାଇ ମାଉସୀ ମା ମନ୍ଦିର କୁ ଭକ୍ତିମୟ ପରିବେଶ କରିଦେଇଥିଲେ।ଜଗନ୍ନାଥ ଙ୍କ ଭଜନ ତାଳେ ତାଳେ ଭକ୍ତମାନେ ଝୁମିଥିଲେ।ପ୍ରତିବର୍ଷ ପଞ୍ଚମ ଅନୁଷ୍ଠାନ ମାଉସୀ ମାଁ ମନ୍ଦିର ଏବଂ ରାଧାରାଣୀ ମନ୍ଦିର ରେ ଭଜନ ପରିବେଷଣ କରି ଜଗନ୍ନାଥମୟ କରୁଥିବା ବେଳେ ଚଳିତ ବର୍ଷ ମଧ୍ୟ ଜଗନ୍ନାଥ ଭଜନ ପରିବେଷଣ କରି ଭକ୍ତିମୟ ପରିବେଶ ସୃଷ୍ଟି କରି ପାରିଛନ୍ତି।ମୁରଲୀଧାରୀ ପତି, ଏନ୍ ଅନ୍ୱେଷା,ଅନ୍ୱେଷା ବାଗ,ଅଦ୍ୟଶା ବେହେରା,ଗାୟତ୍ରୀ  ପୋଢ଼,ତନ୍ମୟ ମହାନନ୍ଦ ଏବଂଜିତେନ୍ଦ୍ର ବାଗ ଜଗନ୍ନାଥଙ୍କ ସୁନ୍ଦର ସୁନ୍ଦର ଭଜନ ପରିବେଷଣ କରିଥିବା ବେଳେ ବାଦ୍ୟଯନ୍ତ୍ରରେ ଶଙ୍କର ସ୍ବରୂପ

ମିଶ୍ର, ଅନିକେତ ବାଗ,ଶୁଭେନ୍ଦୁ ଜାଲ, ଆର୍ଯ୍ୟାନ୍ ପଣ୍ଡା, ବିଶ୍ଵ ନାଥ ବାବୁ,ସମ୍ବିତ କୁମାର,ତନ୍ମୟ ମହାନନ୍ଦ, ରୋହନ ପାଲ୍,ଅଦ୍ଵୈତ ସାହୁ ଏବଂ ଶିବାଶିଷ ମଣ୍ଡଳ ପ୍ରଭୃତି ସୁର ତାଳ ରେ ବାଦ୍ୟ ବଜାଇ ଭକ୍ତ ଙ୍କ ମନ ମୋହିନେଇଥିଲେ।ମୁରଲୀଧାରୀ ପତି ଙ୍କ ମୁଁତ ବଡ଼ ଦେଉଳର ପାରା, ଏନ୍ ଅନ୍ୱେଷାଙ୍କ ମନ ମୟୁରି,ଅନ୍ୱେଷା ବାଗ ଙ୍କ କଳା ଠାକୁର,ତନ୍ମୟ ମହାନନ୍ଦଙ୍କ ଗୋପ ନଗରିରୁ ଚିଠି ଆସିଛି, ଆଦ୍ୟାଶା ବେହେରାଙ୍କ ଚକାଆଖି ତତେ ମଲିନ ଡାକି ଡାକି ଏବଂ ଜିତେନ୍ଦ୍ର ବାଗଙ୍କ ମୋ ଆଗରେ କିଛି ଧୂପ ଜଗନ୍ନାଥଙ୍କ ବଛାବଛା ସଙ୍ଗୀତ ପରିବେଷଣ କରି ସାରା ଅଞ୍ଚଳକୁ ଜଗନ୍ନାଥମୟ କରିଦେଇଥିଲେ ।