13-Jul-2024

ବିନିକା(ହିମାଂଶୁ ଶେଖର ପୁଟେଲ)ସ୍କୁଲରେ ଛାତ୍ର,ଶିକ୍ଷକ ଓ ସ୍କୁଲ କର୍ମଚାରୀ ଉପସ୍ଥିତ ଥିଲେ ବି ଦିନ ଦ୍ବିପହରରେ ଅର୍ଥାତ ଦିନ ପ୍ରାୟ ଅଢେ଼ଇ ଘଣ୍ଟା ସମୟରେ ଜଣେ ଛାତ୍ରଙ୍କ ନୂଆଁ ସାଇକଲ ଚୋରୀ ହେବା ଘଟଣା ସମସ୍ତଙ୍କୁ ଚକିତ କରୁଛି ।ଘଟଣାଟି ଘଟିଛି ଖୋଦ ବିନିକା ସହର ଭିତରେ ଥିବା ସରକାରୀ ବାଳକ ଉଚ୍ଚ ବିଦ୍ୟାଳୟରେ । ବିଦ୍ୟାଜୟକୁ ପ୍ରବେଶ କରିବା ସମୟରେ ଲାଗିଛି ଦୁଇଟି ଗେଟ।ନୀତି ପ୍ରତିଦିନ ଛାତ୍ର ମାନେ ପାଠ ପଡ଼ିବାକୁ ଆସୁଛନ୍ତି ।ଗାଁ ଗହଳିର ଛାତ୍ର ମାନେ ସାଇକଲ ଯୋଗେ ଆସିବା ପରେ ଗେଟ ଭିତରେ ଥିବା ଷ୍ଟାଣ୍ଡରେ ସାଇକଲ ରଖି ଅଧ୍ୟୟନ ପାଇଁ କୋଠରୀ ଭିତରକୁ ଯାଇଥାନ୍ତି ।ହେଲେ ଦଶମ ଶ୍ରେଣୀରେ ପଡ଼ୁଥିବା ଗୁଲୁଣ୍ଡା ଗ୍ରାମର ସୁମିତ କର୍ମୀ ନାମକ ଜଣେ ଛାତ୍ର ନିଜର ନୂଆଁ ସାଇକଲକୁ ରଖି କ୍ଲାସରୁମରେ ପାଠ ପଡୁଥିଲା।କିନ୍ତୁ ଦିନ ୩ଟା ରେ ଦେଖିବା ପରେ ଷ୍ଟାଣ୍ଡରେ ସାଇକଲ ନଥିଲା ।ସାଇକଲ ଟି ଚୋରୀ ହୋଇଥିବା ଜଣାପଡିବା ପରେ ସ୍କୁଲରେ ଲାଗିଥିବା ସି ସି ଟିଭି ଫୁଟେଜ ଯାଞ୍ଚ କରାଯାଇଥିଲା ।ହେଲେ ଚୋରୀ କରିଥିବା ଚୋରକୁ ଠିକ ଭାବରେ ଚିହ୍ନଟ ହେଉନଥିବାରୁ ଆଜି ବାଧ୍ୟ ହୋଇ ହାଇସ୍କୁଲର ପ୍ରଧାନ ଶିକ୍ଷକ ବିନିକା ଥାନାରେ ସାଇକଲ ଚୋରୀ ବିଷୟରେ ଅଭିଯୋଗ କରିଛନ୍ତି । ବହୁ ଦୁଃଖ କଷ୍ଟରେ ଟଙ୍କା ଖର୍ଚ୍ଚ କରି ପାଠ ପଡ଼ିବାକୁ ଆସୁଥିବା ଛାତ୍ରର ଚୋରୀ ସାଇକଲ ମିଳିବ କି ନାହିଁ ତାହା ସମୟ କହିବ।ତେବେ ସ୍କୁଲରେ ଦିନ ଦ୍ବିପହରରେ ଛାତ୍ରଙ୍କ ସମେତ ସୁଲ କର୍ମଚାରୀ ଉପସ୍ଥିତ ରହିଥିଲେ ମଧ୍ୟ ଚୋର କେମିତି ସ୍କୁଲ ଭିତରକୁ ଗଲା ଏବଂ ସାଇକଲ ଚୋରୀ କରି ଫେରାର ମାରିଲା ସତରେ କଣ ଛାତ୍ର ଓ କର୍ମଚାରୀ ନଜରବନ୍ଦୀରେ କିଛି ସମୟ ରହିଯାଇଥିଲେ କି ବୋଲି ସାଧାରଣରେ ଆଲୋଚନା ହେଉଛି।