10-Jul-2024

କଣ୍ଟାମାଳ (ଜୟ କୁମାର ମହାରଣା)
କଣ୍ଟାମାଳ ବ୍ଳକ ଘଣ୍ଟାପଡ଼ାସ୍ଥିତ ସମଲେଶ୍ଵରୀ ସରକାରୀ ଉଚ୍ଚବିଦ୍ୟାଳୟରେ ମୋ ସ୍କୁଲ ଅଭିଯାନର ବୈଠକ ସଭାପତି ସୁଶାନ୍ତ ମାଝୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି। ପ୍ରଧାନଶିକ୍ଷକ ପିତବାସ ପଣ୍ଡା ବିଦ୍ୟାଳୟର ଅଭିଯାନର ଜମାରାଶି ଆୟ,ବ୍ୟୟଉପରେ ଆଲୋକପାତ କରାଇ ଅନୁଷ୍ଠାନରେ ନିର୍ମିତ କାର୍ଯ୍ୟ ଉପରେ ବିବରଣୀ ରଖିଥିଲେ। ସେହିପରି ଅନ୍ୟ ସଦସ୍ୟମାନେ ବିଦ୍ୟାଳୟର ଆବଶ୍ୟକତାକୁ ନେଇ ଏକ ସଭାଗୃହ, ୧୦୦ ଶଯ୍ୟା ବିଶିଷ୍ଟ ଛାତ୍ରାବାସ ସ୍ଥାପନ ପାଇଁ ଶିକ୍ଷା ବିଭାଗ ଓ ସ୍ଥାନୀୟ କଣ୍ଟାମାଳ ବିଧାୟକ କହ୍ନେଇ ଚରଣ ଡାଙ୍ଗଙ୍କ ଦୃଷ୍ଟି ଆକର୍ଷଣ ପାଇଁ ପଦକ୍ଷେପ ନେବାକୁ ପ୍ରସ୍ତାବ ନିଆଯାଉଥିଲା ଏବଂ ଚତୁର୍ଥ ଶ୍ରେଣୀ କମିଚାରୀ ନିଯୁକ୍ତି ପାଇଁ ଜିଲ୍ଲା ଶିକ୍ଷାଧିକାରୀଙ୍କୁ ଜଣାଇବାକୁ ପ୍ରସ୍ତାବ ଗ୍ରହଣ କରାଯାଇଥିଲା। ଉକ୍ତ ବୈଠକରେ ଅବସରପ୍ରାପ୍ତ ଶିକ୍ଷକ ଶ୍ରୀପତି ମଲିକ, ସୂର୍ଯ୍ୟନାରାୟଣ ସାହୁ, ପ୍ରଭାତ କୁମାର ସାହୁ,ଆରତ ବାଇ, ସୂର୍ଯ୍ୟ ଦେହୁରୀ, ବିଶ୍ଵାମିତ୍ର ମାଝୀ, ବିରେନ୍ଦ୍ର ଦେହୁରୀ, ଅଶୋକ ଦେହୁରୀ ପ୍ରମୁଖ ଉପସ୍ଥିତ ରହି ଆଲୋଚନାରେ ଭାଗନେଇଥିଲେ। ସମସ୍ତ ଶିକ୍ଷକଶିକ୍ଷୟତ୍ରୀ ସହଯୋଗ କରିଥିଲେ।