10-Jul-2024

ବଲାଙ୍ଗୀର(ପ୍ରେରଣା ଖବର ): ଓଡିଶା ସରକାରରେ ମୁଖ୍ୟମନ୍ତ୍ରୀ ଥିବା କନକବର୍ଦ୍ଧନ ସିଂଦେଓ ବଲାଙ୍ଗୀର ଜିଲ୍ଲାକୁ ତିନିଦିନିଆଁ ବଲାଙ୍ଗୀର ଜିଲ୍ଲା ଗସ୍ତରେ ଆସି ବିଭିନ୍ନସ୍ଥାନରେ ଦଳୀୟକର୍ମିଙ୍କ ଦ୍ୱାରା ଆୟୋଜିତ ରୋଡସୋ ଓ ଅନୁଷ୍ଠାନମାନଙ୍କ ଦ୍ୱାରା ଆୟୋଜିତ ସମ୍ବର୍ଦ୍ଧନା କାର୍ଯ୍ୟକ୍ରମରେ ଯୋଗଦେଇଛନ୍ତି । ମଙ୍ଗଳବାର ଦିନ ସକାଳେ କନକବର୍ଦ୍ଧନ ଭୁବନେଶ୍ୱରରୁ ଟ୍ରେନରେ ଆସି ବଲାଙ୍ଗୀର ଷ୍ଟେସନରେ ଓହ୍ଲାଇ

ସର୍କିଟହାଉସକୁ ପହଞ୍ଚିଥିଲେ । ରେଳଷ୍ଟେସନଠାରୁ ତାଙ୍କୁ ଦଳୀୟକର୍ମିମାନେ ସ୍ୱାଗତଜଣାଇ ସର୍କିଟହାଉସକୁ ଆଣିଥିଲେ । ସେଠାରୁ ସେ ତାଙ୍କ ସରକାରୀ ଗାଡିରେ ତାଙ୍କ ନିଜ ଘର ପାଟଣାଗଡ ରାଜଖମାରକୁ ଯାଇଥିଲେ । ପରେ ପାଟଣାଗଡ,ଲାଠୋର ଇତ୍ୟାଦି ଅଞ୍ଚଳରେ ହୋଇଥିବା ସମ୍ବର୍ଦ୍ଧନା ସଭାରେ ଯୋଗଦେଇଥିଲେ । ପାଟଣାଗଡ ପହଞ୍ଚି ସେ ପାଟଣେଶ୍ୱରୀ,ଦଶମତି,ଜଗନ୍ନାଥ ମନ୍ଦିରକୁ ଦର୍ଶନ କରିଥିଲେ । ବୁଧବାରଦିନ ସକାଳ ୧୦ଟାରେ ପାଟଣାଗଡରୁ ଆସି ବଲାଙ୍ଗୀର ପଥରଚେପାସ୍ଥିତ ଭାଜପାର ଜିଲ୍ଲାକାର୍ଯ୍ୟାଳୟରେ ଦଳୀୟ କର୍ମକର୍ତ୍ତାଙ୍କୁ ଭେଟିଥିଲେ । ସେଠାରୁ ଏକ ଭବ୍ୟ ମୋଟରସାଇକେଲ ଶୋଭାଯାତ୍ରାରେ ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ,ତାଙ୍କ ଧର୍ମପତ୍ନୀ ବଲାଙ୍ଗୀର ସାଂସଦ ସଂଗୀତାକୁମାରୀ ସିଂଦେଓ,ତାଙ୍କ ଝିଅ ନିଭୃତିକୁମାରୀ ସିଂଦେଓ ମେୱାର ସହର ପରିକ୍ରମା କରାଯାଇଥିଲା । ବରିଷ୍ଠ ଭାଜପାନେତା ଗୋପାଳଜୀ ପଣିଗ୍ରାହୀ ଓ ପୂର୍ବତନ କାଉନସିଲର ପିତାମ୍ବର ଖମାରୀଙ୍କ ନେତୃତ୍ୱରେ ଅନୁଷ୍ଠିତ ଏହି ଶୋଭାଯାତ୍ରାରେ ଶତାଧିକ ଯୁବକାର୍ଯ୍ୟକର୍ତ୍ତା ଯୋଗଦେଇଥିଲେ । ସ୍ଥାନୀୟ ଠିକଦାରପଡା ଛକଠାରେ ଭାଜପାର ଯୁବନେତା ଅନନ୍ତ ଦାସ, ଅନୀଳ ପାଣିଗ୍ରାହୀ, ବଡବାବୁ ସେଲମା ପ୍ରମୁଖଙ୍କ ନେତୃତ୍ୱରେ ଶତାଧିକ ଯୁବକ କନକ ଓ ସଂଗୀତାଙ୍କୁ ସ୍ୱାଗତ ଜଣାଇଥିଲେ । ଏଠାରେ ସେମାନେ ଶୈଳଶ୍ରୀ ପ୍ୟାଲେସକୁ ଯାଇ ମନ୍ଦିରଦର୍ଶନ କରିଥିଲେ । ଦିନ ୧୧.୩୦ରେ ଉପମୁଖ୍ୟମନ୍ତ୍ରୀ ବଲାଙ୍ଗୀର ଜିଲ୍ଲାପାଳଙ୍କ କାର୍ଯ୍ୟାଳୟଠାରେ ଥିବା ଓସୱାନ ସେଣ୍ଟରରେ ଭିଡିଓକନଫରେନ୍ସିଂରେ ରାଜ୍ୟମନ୍ତ୍ରୀମଣ୍ଡଳର କ୍ୟାବିନେଟ ବୈଠକରେ ଯୋଗ ଦେଇଥିଲେ । କନକବର୍ଦ୍ଧନଙ୍କ ଜିଲ୍ଲାପାଳ ଗସ୍ତସମୟରେ

ସମ୍ବଲପୁର ଡିଆଇଜି ହିମାଂଶୁ ଲାଲ,ବଲାଙ୍ଗୀର ଜିଲ୍ଲାପାଳ ଶୀବାଜୀ ଗୌରବ ଇସଲୱାର,ଏସପି ଋଷିକେଶ ଖିଲାରୀ, ସଦରଏସଡିପିଓ ପ୍ରଦୀପକୁମାର ସାହୁ ଓ ଇନ୍ସପେକ୍ଟରଗଣ ଉପସ୍ଥିତ ଥିଲେ । ସେଠାରୁ ପୁଣି ବାହାରି ପାଟଣେଶ୍ୱରୀମନ୍ଦିର ଓ ସମଲେଶ୍ୱରୀମନ୍ଦିରଦର୍ଶନ କରି ସ୍ଥାନୀୟ ଜଗନ୍ନାଥପଡାର ଜଗନ୍ନାଥମନ୍ଦିର ପରିସରରେ ୮୪ଘର ଅଘରିଆ ସମାଜ ଦ୍ୱାରା ଆୟୋଜିତ ସମ୍ବର୍ଦ୍ଧନା ସଭାରେ ଯୋଗଦେଇଥିଲେ । ପରେ ବିଭିନ୍ନ ବ୍ଲକଅଞ୍ଚଳରେ ଆୟୋଜିତ ସମ୍ବର୍ଦ୍ଧନା ସଭାରେ ଯୋଗଦେଇଥିଲେ ।