-+91-9937148622 |
prerana_bgr@rediffmail.com |
Thursday 14th May 2026 |
R.N.I. Regd No. ODIODI/2010/46693
Breaking News
11-Jul-2024
ବଲାଙ୍ଗୀର(ମହେନ୍ଦ୍ର ଦର୍ଜି): ଆଗଲପୁର ବ୍ଲକ କୁଟାସିଂହା -ପଟୁଆପାଲି ରାସ୍ତା ଦବି ଯାଇଥିବା କେନାଲ ପୋଲ ଉପରେ ମାଟି ପକାଇ ପ୍ୟାଚ କରାଯାଉଥିବା ଦେଖାଯାଇଛି। କଂକ୍ରିଟ ରାସ୍ତା ଉପରେ ମାଟି ପକାଇବା କେତେ ଯୁକ୍ତିଯୁକ୍ତ ଏହା ଦେଖି ଲୋକେ ପ୍ରଶ୍ନ ଉଠାଇଛନ୍ତି । ସୂଚନା ଅନୁସାରେ ଠିକାଦାର ଏହି ରାସ୍ତା ଉପରେ ୨ ଟି ପୋଲ ନିର୍ମାଣ କରିଛନ୍ତି । ୨ଟି ଯାକ ପୋଲର ଉଭୟ ପାର୍ଶ୍ୱ କଂକ୍ରିଟ ନିମ୍ନମାନର କାମ ଯୋଗୁଁ ଦବି ଯାଇଥିଲା । ରାସ୍ତା ଦବି ବଡବଡ଼ ଗର୍ତ୍ତ ସୃଷ୍ଟି ହୋଇଥିବାରୁ ଲୋକେ ଦୁର୍ଘଟଣାର ଶିକାର ହେବା ପୂଣି ଅଭିଯୋଗ ହେବାରୁ ଆଜି ଲୋକ ଲଗାଇ ମାଟି ପକାଇ ମରାମତି କରୁଛନ୍ତି ସମ୍ପୃକ୍ତ ଠିକାଦାର । ପୂଣି ବିନା ସୂଚନାଫଳକରେ ଆର.ଡି ବିଭାଗ ପକ୍ଷରୁ କୋଟିକୋଟି ଟଙ୍କାର କାମ ହେଉଥିବାରୁ ଦୁର୍ନୀତିର ଗନ୍ଧ ବାରି ହୋଇପଡୁଥିବା ଚର୍ଚ୍ଚା ହେଉଛି । ଏମିତି ନିମ୍ନମାନର କାମର ବହୁ ଅଭିଯୋଗ ହେଉଥିଲେ ମଧ୍ୟ୍ୟ ପ୍ରଶାସନର ସ୍ଥାଣୁତା ଲୋକଙ୍କ ମନରେ ପ୍ରଶ୍ନବାଚୀ ସୃଷ୍ଟି କରୁଛି। ତେଣୁକରି ଏ ସବୁର ଉଚ୍ଚସ୍ତରୀୟ ତଦନ୍ତ ସ୍ଥାନୀୟ ଲୋକେ ଦାବି କରିଛନ୍ତି |