09-Jul-2024

ନୂଆପଡ଼ା- (ରାମନାଥ ପଣ୍ଡା )
ଭାରତ ସରକାର ଙ୍କ ନୀତି ଆୟୋଗ ତରଫରୁ ଆରମ୍ଭ ହୋଇଥିବା ସମ୍ପୂର୍ଣ୍ଣତା ଅଭିଯାନ ଅନ୍ତର୍ଗତ ପଞ୍ଚାୟତ ସମିତି କୋମନା ସଭା ଗୃହ ରେ ଏହାର ଆନୁଷ୍ଠାନିକ ଉନ୍ମୋଚନ  ପର୍ବ ପାଳିତ ହୋଇ ଯାଇଛି  | କାର୍ଯ୍ୟକ୍ରମକୁ  ଶ୍ରୀ ରାଜେନ୍ଦ୍ର ଢୋଲକିଆ, ମାନ୍ୟବର ବିଧାୟକ, ନୂଆପଡା ମୁଖ୍ୟ ଅତିଥି ରୁପରେ ଦୀପ ପ୍ରଜ୍ବଳନ କରିଥିଲେ | ସମ୍ପୂର୍ଣ୍ଣତା ଅଭିଯାନ ଅନ୍ତର୍ଗତ ୪ ଗୋଟି ବିଭାଗ ରେ ୬ ଗୋଟି ମାନଦଣ୍ଡକୁ କିପରି ଜୁଲାଇ ରୁ ସେପ୍ଟମ୍ବର ମାସ ମଧ୍ୟରେ ରେ ପୁର୍ନତା ଆଣି ହବ, ଏ ନେଇ  ଶ୍ରୀ ହିତାଂଶୁ ଶେଖର ସାମଲ, ଗୋଷ୍ଠୀ ଉନ୍ନୟନ ଅଧିକାରୀ କୋମନା ଉପସ୍ଥିତ ବ୍ଲକ ଅଧିକାରୀ ଗଣଙ୍କୁ ଆଲୋକପାତ କରିଥିଲେ | ମଞ୍ଚରେ ଉପସ୍ଥିତ ମାନ୍ୟ ଗଣ୍ୟ ବ୍ୟକ୍ତିଙ୍କ ମଧ୍ୟରେ ଶ୍ରୀମତୀ ଅନୁସୟା କୁମ୍ଭାର, କୋମନା ବ୍ଲକ ଅଧ୍ୟକ୍ଷା ଏହି କାର୍ଯ୍ୟକ୍ରମର ସଫଳତା ନେଇ ସମସ୍ତଙ୍କୁ ଉତ୍ସାହିତ କରିଥିଲେ | ଏହା ସହିତ କୋମନା ପାଞ୍ଚାୟତରେ ସମ୍ପୂର୍ଣ୍ଣତା ଅଭିଯାନକୁ ନେଇ  ସଚେତନତା ଆଣିବା ପାଇଁ ସ୍କୁଲ ପିଲାଙ୍କ ଦ୍ୱାରା  ଏକ ପ୍ରଭାତ ଫେରି ହୋଇଥିଲା ଯାହାକୁ କୋମନା ସରପଞ୍ଚ ଶ୍ରୀ ମୃତ୍ୟୁଞ୍ଜୟ ପାଣିଗ୍ରାହୀ, ଶ୍ରୀ ବଂଶୀଧର ବୁଡ଼େକ, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ  କୋମନା ଓ ଅନ୍ୟାନ୍ୟ ବ୍ୟକ୍ତି ବିଶେଷ  ରହି କୁନି ପିଲାମାନଙ୍କୁ ଉତ୍ସାହିତ କରିଥିଲେ |  ଏହି ଅବସରରେ ବ୍ଲକର ସମସ୍ତ ୩୨ଟି ପାଞ୍ଚାୟତରେ ସ୍ୱତନ୍ତ୍ର ଗ୍ରାମସଭା ମାଧ୍ୟମରେ ଜନ ସାଧାରଣଙ୍କ ମଧ୍ୟରେ ସଚେତନତା ଅଣା ଯାଇ ଥିଲା | ସମନ୍ୱିତ ଶିଶୁ ବିକାଶ ବିଭାଗ ତରଫରୁ ପୋଷଣ ମେଳା ଓ ସ୍ୱାସ୍ଥ୍ୟ ବିଭାଗ ତରଫରୁ ସ୍ୱାସ୍ଥ୍ୟ ଶିବିର କୁ ମାନ୍ୟବର ବିଧାୟକ ପରିଦର୍ଶନ କରି ଥିଲେ | ନୀତି ଆୟୋଗର ବିକାଶ ସହଯୋଗୀ ଭାବରେ କାର୍ଯ୍ୟ କରୁଥିବା ପିରାମଲ ଫାଉଣ୍ଡେସନ ତରଫ ରୁ ଗାନ୍ଧୀ ଫେଲୋ ଶ୍ରୀ ସୁରଜ ତିୱାରୀ ଓ ଶ୍ରବଣ ପାଶ୍ବାନ ଙ୍କୁ ସମ୍ପୂର୍ଣ୍ଣତା ଅଭିଯାନ କାର୍ଯ୍ୟକ୍ରମକୁ ସଫଳ ମଣ୍ଡିତ କରିବା ଦିଗରେ ବ୍ଲକ ପ୍ରଶାସନକୁ କରିଥିବା ପ୍ରାରମ୍ଭିକ ସହଯୋଗିତା ପାଇଁ ମଞ୍ଚରେ ପ୍ରସଂଶିତ କରାଯାଇଥିଲା |