07-Jul-2024

ସିନ୍ଧେକେଲା(ଦୀନେଶ ଜୈନ ): ବଲାଙ୍ଗୀର ଜିଲ୍ଲା ଅନ୍ତର୍ଗତ ଲେନଝା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ୭୫ ତମ ବନ ମହୋତ୍ସବ ପାଳିତ ହୋଇଯାଇଛି । ପ୍ରଧାନ ଶିକ୍ଷକ ନକୁଳ ଦୀପ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଛାତ୍ରଛାତ୍ରୀ ମାନେ ବିଦ୍ୟାଳୟ ପରିସରରେ ବିଭିନ୍ନ ପ୍ରକାର ବୃକ୍ଷରୋପଣ କରିଥିଲେ ।  ପ୍ରକୃତି ବନ୍ଧୁ ରବୀନ୍ଦ୍ର ସାଏ , ଶିକ୍ଷକ ରଜନୀକାନ୍ତ ଆଡ଼ଜୁଆଡ଼ , ପଦ୍ମିନୀ ରାଉତ , ହର ମାଝୀ ପ୍ରମୁଖ ଅତିଥି ଭାବେ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ବୃକ୍ଷ ଲଗାଇବା ପାଇଁ

ଉତ୍ସାହିତ କରିଥିଲେ । ଏହି ଅବସରରେ ଛାତ୍ରଛାତ୍ରୀ ମାନେ ଗ୍ରାମ ପରିକ୍ରମା କରି ଆମ ପରିବେଶ ଆମରି ପାଇଁ ଗଛ ଲଗାଇବା ଆସ ହେ ଭାଇ ଆଦି ସ୍ଲୋଗାନ ମାଧ୍ୟମରେ ଗ୍ରାମବାସୀଙ୍କୁ ସଚେତନ କରିଥିଲେ । ଶେଷରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ସେଥିରେ ଏକକ ଗୀତ ଓ ସ୍ଲୋ ଗୀତ ପ୍ରତିଯୋଗିତାରେ ନବ୍ୟା ଆଡ଼ଜୁଆଡ଼ , ଜ୍ୟୋତି ଆଡ଼ଜୁଆଡ଼ ,  ରୂପେଲି ଆଡ଼ଜୁଆଡ଼ ପ୍ରମୁଖ ସୁନ୍ଦର ପ୍ରଦର୍ଶନ କରିଥିବାରୁ ସେମାନଙ୍କୁ ପୁରସ୍କୃତ କରାଯାଇଥିଲା । ଆରତୀ ଜେମାଦେଇ , ଭୂମିସୁତା , ରେଣୁକା ରଣା , ସଞ୍ଜୟ ଆଡ଼ଜୁଆଡ଼ ପ୍ରମୁଖଙ୍କ ଦ୍ୱାରା ପରିବେଷଣ ଗୀତ ଓ ନୃତ୍ୟ ଲୋକଙ୍କୁ ବେଶ ଆକର୍ଷିତ କରିଥିଲା । ଶିକ୍ଷକ କେଶରୀ ଚନ୍ଦ୍ର ସାହୁ କାର୍ଯ୍ୟକ୍ରମ ପରିଚାଳନା କରିଥିବାବେଳେ ଅନ୍ୟ ଶିକ୍ଷକ ମାନେ ସହଯୋଗ କରିଥିଲେ ।